Si t'i trajtoni punonjësit përçarës që ndikojnë në një ekip?

21 Shtator '23

	 	 
 Pavarësisht se sa mundoheni të mbani takime apo të kontrolloni punonjësit tuaj, ju përsëri do të përballeni me disa me qëndrime të këqija që ndikojnë negativisht në mjedisin e punës. Punonjësit përçarës mund të shkaktojnë shpërqendrime të mëdha për kolegët që ngadalësojnë produktivitetin dhe në fund ulin fitimin për kompaninë tuaj. AkademiPune liston disa këshilla që duhet t’i keni parasysh në mënyrë që të mos dëmtoheni nga persona të tillë.
1.Krijoni një politikë që duhet ndjekur 
Krijoni një politikë të kompanisë në lidhje me sjelljen në vendin e punës përpara se të ndodhë një incident. Përshkruani qartë se cilat lloje sjelljesh përçarëse nuk do të tolerohen në vendin e punës. Kjo mund të përfshijë akte të bërtitura të lidhura me zemërimin, frikësimin, akuzën, cinizmin ose një qëndrim të keq në përgjithësi. Shpërndani politikën për të gjithë anëtarët e stafit dhe kërkoni që ata ta nënshkruajnë atë për të siguruar që ata të kuptojnë rregullat dhe pasojat e veprimeve të tilla.

 Identifikoni ata

Identifikoni se cilët janë punonjësit përçarës në stafin tuaj. Edhe punonjësit më të edukuar dhe më të sjellshëm kanë një ditë të keqe që rezulton në një shpërthim emocional ose ngec në biseda të zakonshme. Mos e ngatërroni një shpërthim të rastësishëm ose një bisedë të zgjatur rastësore. Punonjësit me probleme janë zakonisht ata që demonstrojnë një model të zakonshëm të sjelljes përçarëse që ndërhyn në produktivitetin e përditshëm. Mundohuni  të gjykoni me mprehtësi kur identifikoni fajtorët.


 Filloni takime individuale

Filloni një diskutim privat me personin i cili mendoni se po e kërcënon ambientin e mirë të punës. Ndonjëherë punonjësit mund të jenë të vetëdijshëm për politikën e kompanisë, por nuk janë të vetëdijshëm për faktin se e shkelin atë. Nëse besoni se një punonjëse po shqetëson dhe po shkakton vështirësi për kolegët, kërkoni një takim privat për një bisedë joformale. Bëjeni të vetëdijshëm se si sjellja e tij po ndikon te kolegët dhe në gjithë kompaninë, po ashtu zbuloni nëse ka ndonjë arsye të vlefshme për veprimet e veta. Nëse ekziston një problem i vërtetë, sigurojeni atë se ankesës së tij do t'i përgjigjet në kohën e duhur dhe kujtojini politikat e sjelljes që janë të vendosura nga kompania.

 Qëndroni të përditësuar më progresin e atij personi

Vëzhgoni sjelljen e punonjësit për të vlerësuar shenjat e përmirësimit. Nëse keni biseduar me punonjësin tuaj për sjelljen e tij përçarëse dhe keni rënë dakord për një zgjidhje për çdo çështje të zbatueshme, është e drejtë t'i jepni atij mundësinë për të rregulluar sjelljet e tij. Mundohuni ta vëzhgoni nga larg qëndrimin e tij në vendin e punës. Merrni parasysh çdo ndryshim, përmirësim ose mosbindje të përsëritur.
          5.Filloni me procedurat disiplinore
Administroni procedurat formale disiplinore. Nëse sjellja përçarëse vazhdon dhe provon të shkaktojë ulje të produktivitetit dhe moralit të kompanisë, është koha për të ndërmarrë veprime përfundimtare. Ndiqni në mënyrë eksplicite secilën nga procedurat disiplinore të përshkruara në politikën e kompanisë tuaj gjatë administrimit të procedurave formale në lidhje me respektimin e punonjësve. Kjo mund të përfshijë paralajmërime me shkrim, degradim dhe pezullime./ AkademiPune