Si të përgjigjeni rreth intelegjencës emocionale në intervistat e punës?

19 Mars '21

	 	 
Secilën herë e më shumë, rekruterët kanë filluar ta vlerësojnë intelegjencën emocionale të kandidatëve gjatë procesit të intervistës për punë. Si e vlerësojnë intelegjencën emocionale? Nganjëherë ata këtë e bëjnë përmes disa testeve të shkruara të bazuara në psikologji, herë të tjera këtë e bëjnë thjesht duke i bërë disa pyetje të veçanta. 
Lexo: Çka është intelegjenca emocionale?
Si lidhet intelegjenca emocionale me punonjësit? Kur punonjësi ka intelegjencë të lartë emocionale, arrinë që t’i shprehë emocionet në mënyrë “të shëndetshme”, e gjithashtu edhe t’i kuptojë edhe emocionet e atyre me të cilët punon, duke e rritur kështu marrëdhënien e punës dhe përformancën.
Çfarë dëshiron të dijë intervistuesi rreth kësaj pjese?
Pyetjet e intervistës që e vlerësojnë intelegjencën emocionale kanë tendencë të përqëndrohen në mënyrën sesi kandidati menaxhon veten dhe administron marrëdhëniet me të tjerët. Këto pyetje i kërkojnë të intervistuarit që të shpjegojë se në çfarë formash ka reaguar në situata të ndryshme, në lidhje me punësimin në të kaluarën.
Shembuj  të pyetjeve që bëhen rreth intelegjencës emocionale 

Cila është njëra ndër dobësitë? Si e mposhtni atë dobësi?
Çfarë ju motivon ta bëni atë punë?
Përshkruani një ngjarje stresuese që e keni pasur, si e zgjidhët?
Cilat janë një apo dy gjëra që iu kanë bërë të nervozoheni në punë? Çfarë bëni zakonisht në të tilla situatash?
Më trego kur ndonjëherë ke marrë reagime për paraqitjen dhe nuk jeni pajtuar me ato reagime! Si e keni menaxhuar situatën?
Më trego për një kohë kur duhej të merresh me shumë detyra pune në të njëjtën kohë. Si u ndjeve? Si e keni trajtuar situatën?
Më tregoni për një kohë kur morët një detyrë në punë që ishte e re për ju. Si u ndjetë duke e bërë atë?
Si do ta trajtonit një bashkëpunëtor që vazhdimisht nuk i përfundon detyrat e tij që i ka në grup?
Si përfitojnë kolegët tuaj nga puna me ju?
Më tregoni për një kohë kur keni bërë ose thënë diçka që kishte një ndikim pozitiv tek një punonjës, koleg ose klient!
A e ke vërejtur ndonjëherë që dikush në punë po kalonte një ditë të keqe? Si e kuptove? Çfarë bëre?
Më tregoni për një kohë kur keni pasur një mosmarrëveshje me një koleg! Çfarë bëtë për t'u marrë me situatën?
Përshkruani një kohë kur një koleg kishe një problem dhe erdhi tek ju! Si u përgjigje?
Më trego për një kohë kur ke motivuar dikë për ta përmbushur një detyrë. Si e motivuat atë?
Pse është e rëndësishme të krijoni lidhje me një nga kolegët?
Si i krijoni raportet me kolegët tuaj?

Këshilla për të dhënë përgjigje të mirë
Parashikoni pyetje të ndërlikuara: Mënyra më e mirë për t’ja dalë në një intervistë pune është të planifikoni përgjigjen e pyetjeve të vështira të intervistës. Pyetjet rreth intelegjencës emocionale nganjëherë janë mjaft sfiduese.
Bëni një intervistë praktike: Mund t’ju bëhen pyetje për të cilat nuk i keni menduar më parë si “Ku e shihni veten pas pesë vitesh”. Pra është më mirë t’i praktikoni përgjigjet e pyetjeve të mundshme përpara intervistës.
Si të mos përgjigjeni
Mos flisni keq për ndokënd: Nuk duhet të flisni negativisht për ish-shefat, klientët, menaxherët ose kolegët tuaj, kështu që do ta vini në dyshim intelegjencën tuaj emocionale. Plus që do ta bëni punëdhënësin të mendojë që një ditë mund të thoni të njëjtën gjë edhe për të.
Mos e zgjatni të vërtetën për ta bërë një histori të mirë: Tregoni një histori të vërtetë kur jeni jeni duke u përgjigjur në të gjitha këto pyetje, nuk është e nevojshme të tregoni më shumë se sa keni qenë vërtetë. Intervistuesit janë të  mirë për t’i dalluar njerëzit që i fryjëjnë gjërat. /Akademi Pune