Pyetjet më të mira për t’ua bërë intervistuesve gjatë intervistave të punës

29 Mars '21

	 	 
Mjaft u përgjigjet në çdo pyetje, është koha që të bëni edhe ju! Por, zakonisht kjo vjen pas pyetjes së fundit nga intervistuesit “A ke ti ndonjë pyetje?” Në shumicën e rasteve kandidatët kanë ngecje, sepse nuk e kanë mjaft të qartë se deri ku duhet të shkojë interesimi i tyre në intervistën e parë të punës. Ata që kanë shkuar në intervistë duhet ta kenë të qartë se mos bërja e pyetjeve do të tingëllojë si painteresim dhe papërgatitje.
Bëni gati disa pyetje
Kandidatët nuk janë aty vetëm të gjejnë një punë, por edhe të përshtaten me kulturën e kompanisë. Bërja e pyetjeve ju ndihmon atyre t’i kuptojnë përgjegjësitë specifike të çdo dite, si dhe me çfarë do të përballen ata në javën e parë. Kjo po ashtu i ndihmon ata që t’i hedhin në dritë disa nga kualitetet, aftësitë dhe përvojat, për t’i bërë me dije rekruterët përse është i duhuri për atë pozitë.
Pyetjet më të mira për t’jua bërë intervistuesve
Detyrat dhe kërkesat 

Si i përshkruani përgjegjësitë e pozitës?
Çfarë kërkoni te një kandidat?
Cila është sfida më e madhe në këtë punë?
Si do ta përshkruanit një ditë tipike në këtë pozitë?
A është puna jashtë orarit diçka e pritshme?
Cila është gjëra më e rëndësishme që duhet ta arrijë në nëntë ditëshin e parë?
Sa janë të pritshme udhëtimet?
A është e mundur zhvendosja?

Struktura e zyrës

Sa punonjës janë në zyrë/department?
Kujt i raportoj për këtë pozitë? Nëse më ofrohet kjo pozitë, a mund t’i takoj ata përpara se ta jap vendimin përfundimtar?
Cili është lloji i mënaxhimit të kompanisë?
A keni politika për t’i ndihmuar anëtarët e rinjë që të ndihen pjesëmarrës?

Kultura

Cilat janë disa nga shpërblimet më të mëdha për të punuarit në këtë kompani?
Cila është pjesa më e mirë e të punuarit në këtë kompani?
Çfarë lloj prapavije mendoni që është më i miri për të pasur sukses në këtë pozitë?

Promovimi

Cilat janë disa nga mundësitë për rritje dhe avancim?
Si përparon dikush në kompani?
A keni ndonjë shembull që dikush ka përparuar me këtë pozitë?
A krijoni mundësi të zhvillimit profesional?

Misioni dhe vizioni

Si do t’i përshkruanit vlerat e kompanisë?
Si ka ndryshuar kompania gjatë këtyre viteve të fundit?
Cilat janë planet e kompanisë për rritje dhe zhvillim?

Më shumë pyetje

Ka diçka që do të duhej t’ju pyesja?
A keni ngurrim në lidhje me kualifikimin tim?
A ka diçka që më duhet ta qartësoj në lidhje me kualifikimin?
Nëse kam fatin ta kem një ofertë, sa shpejt më duhet ta filloj punën?
Kur mund të pres të më lajmëroni?

Pyetjet që duhet t’i shmangni
Por, ka edhe disa pyetje që nuk duhet t’i bëni!

Çfarë bën kjo kompani? (duhet të hulumtoni përpara se të aplikoni!)
Nëse e fitoj këtë punë, kur mund ta marr pushim?
A mund ta ndryshoj orarin nëse punësohem këtu?
A jam pranuar në punë? (Mos u bëni të padurueshëm, ata do t’ju njoftojnë!)

Udhërrëfyes rreth bërjes së pyetjeve
Shmangni “unë” në qendër të pyetjes: Pyetje të tilla përfshijnë pushimin, pagën, sigurimet shëndetësore, orët e punës në javë dhe të tjera të tilla.
Bëni vetëm një pyetje gjatë në një kohë: Shmangni shumë pyetje përnjëherësh! Secila duhet ta kenë një pikë specifike!
Shmangni pyetjet për “po”, “jo”: Mos bëni pyetje të cilat nuk nxisnin dialog dhe të cilat mund t’i gjeni në ueb faqe!
Mos pyesni diçka shumë personale: Nuk është ide e mirë të bëni pyetje shumë personale për intervistuesin, i cili ato informata nuk i ka bërë publike si: pyetje rreth familjes, racës, gjinisë etj. /AkademiPune