Cilat ditë janë pushim gjatë vitit 2024?
16 Janar '24
Festat zyrtare që llogariten si ditë pushimi nga puna kanë shpesh origjinë në ngjarje historike, fetare, kulturore apo sociale, dhe shërbejnë si momente kur njerëzit ndërpresin detyrat e tyre normale dhe e fokusojnë kohën e tyre festuar, reflektuar, apo për të bërë aktivitete të tjera që i bëjnë të ndihem mirë.
Në Kosovë janë rreth 11 ditë pushim që llogariten festa zyrtare. Për Vitin e Ri llogariten dy ditë pushim që janë 1 dhe 2 janar. Data 7 janar po ashtu ka qenë ditë pushimi në shënim të Krishtlindjeve ortodokse. Në Kosovë, festat zyrtare pushimore mund të ndryshojnë ose të shtohen me kalimin e kohës. Disa nga festat kryesore që janë pjesë e kalendarëve pushimore janë:
Dita e Pavarësisë: E festuar më 17 shkurt, kjo është një nga festat kryesore në Kosovë që shënon shpalljen e Pavarësisë më 17 shkurt 2008. !7 shkurt është ditën e shtunë, por që pushimi për këtë festë bartet më 19 shkurt.
Pashkët Katolike: Pashkët Katolike janë më 31 mars që është ditë e diel kurse ditë pushimi shënohet 1 prill që është ditë e hënë.
Dita e Kushtetutës së Republikës së Kosovës: Kushtetutës së Republikës së Kosovës. Kushtetuta e Kosovës u ratifikua më 9 prill 2008 andaj kjo datë është ditë pushimi.
Bajrami i madh: Festa e Fiter Bajramit festohet më 10 prill dhe është ditë e mërkurë.
Dita Ndërkombëtare e Punës: 1 Maji që shënohet si Dita Ndërkombëtare e Punës më 01 maj i bie ditë e mërkurë dhe është në listën e festave zyrtare në Republikën e Kosovës.
Pashkët Ortodokse: Ato festohen më 5 maj ditë e diel, kurse dita e pushimit bartet të hënën më 6 maj.
Dita e Evropës: 9 maj shënohet si Dita e Evropës dhe është data kur u hodh hapi i parë drejt krijimit të asaj që sot njihet si BE ose Bashkimi Evropian. Kjo datë i bie ditë e enjte.
Bajrami i Vogël: Dita e parë e Kurban Bajramit festohet më 16 qershor që është ditë e diel dhe dita e pushimit zhvendoset ditën e hënë më 17 qershor.
Krishtlindjet Katolike: Ato festohen më 25 dhjetor në fund të vitit dhe i bie dita e mërkurë.
Shënim: Data e festave zyrtare (bajrami/pashkët) mund të ndryshojnë sipas kalendarit hënor. Ne rast se do te këtë ndryshime do te viheni ne dijeni me një njoftim te dytë. / AkademiPune