Agnesa Sekiraqa me “ThesQefi” sjell produkte unike dhe të kërkuara në Kosovë

27 Jun, 2020

Agnesa Sekiraqa me “ThesQefi” sjell produkte unike dhe të kërkuara në Kosovë
	 	 

Asnjë biznes nuk fillon njësoj. Disa nisin nga një dhomë e vogël, disa në garazha, e disa të tjerë në zyrë. Sidoqoftë, nuk ka rëndësi se ku nisë një biznes, e rëndësishme është se si ndërmerren hapat drejt suksesit.

Janë të shumtë të rinjtë e talentuar nga Kosova, të cilët po krijojnë biznese në industri të ndryshme. Shumë prej tyre kanë krijuar stabilitet financiar dhe po punojnë edhe drejt shtrirjes së tregut jo vetëm në Kosovë, por edhe ndërkombëtarisht. E puna artizanale është një ndër bizneset
që po nisin të rinjtë e kohës moderne.

Puna artizanale kërkon gërshëtim të pasionit, talentit dhe kreativitetit. Pikërisht këto tri elemente janë ato që e bëjnë të suksesshëm një biznes artizanal. I udhëhequr nga Agnesa Sekiraqa, një artiste re përplot ide e ambicie, “ThesQefi” është njëri ndër këto biznese. Kreativiteti dhe cilësia në produktet që ofron, e bëjnë këtë biznes dhe këto produkte unike dhe shumë të kërkuara në
tregun Kosovar.

Agnesa Sekiraqa

Në një intervistë për Akademi Pune, Agnesa Sekiraqa tregoi më shumë se si lindi ideja dhe si erdhi deri te krijimi i “ThesQesi”. Profesioni që fillimisht kishte zgjedhur ishte dizajni i modës, një profesion i cili ndonëse kompleks, kërkonte shumë pasion dhe i krijonte mundësinë ta shprehte sa më shumë kreativitetin e saj. 

“Thesi” si koncept ka nisur rastësisht, krejtësisht në mënyrë spontane. Derisa isha duke shikuar feed-in në instagram, pashë një model të një ulëseje me ajër. Në shikim të parë mu duk interesant. Hulumtova tregun, ndërkohë në shtëpi po punoja me proceduren e modelimit, prerjes, qepjes. Pa qenë e sigurtë që ajo që doja të ofroj do të përputhej me kërkesen e tregut për një ulëse të tillë, finalizova thesin e parë e që nuk ishte më i miri i mundshëm.Isha kërkuese sepse e
dija që thesi që doja ta krijoja do të duhej t’i përmbushte të gjitha pritjet e një klienti potencial”

Gjërat të cilat e përbëjnë një veshje siç janë përmbajtja e materialeve, patroni e qepja, janë disa prej gjërave bazike të cilat Agnesa i mësoi gjatë fillimit të studimeve. Këto njohuri ndonëse bazike, i shërbyen shumë në punën të cilën e bën edhe sot me biznesin e saj. “Qepja, ishte një ndër proceset që më sfidoi për të bërë gjëra të tjera të cilat nuk ishin pjesë e lëmisë që tashmë
kisha zgjedhur”

Thes Qefi

Thonë se fitues janë ata që nuk dorëzohen. E dedikuar në punën e saj, pas tre tentimesh Agnesa Sekiraqa tregon se arriti të krijojë thesin e katërt i cili sot është një ndër ulëset më të rehatshme në treg dhe në të njejten kohë është ndër produktet më të kërkuara nga “ThesQefi”.

Cila është forma më e mirë për të promovuar punën artizanale?

Ndonëse teknologjia ka lehtësuar shumë gjëra në të bërit biznes, krijimi i emrit në treg mund të jetë një proces i vështirë. Kësisoj, e rëndësishme është të gjindet forma që funksionon më së miri. Agnesa Sekiraqa me ekipin e saj, promovimin dhe shitjen e produkteve të ThesQesi e bëjnë online, nëpërmjet rrjeteve sociale.

“Duke marrë parasysh se 81% e konsumatorëve bëjnë kërkime në internet para se të vendosin të blejnë një produkt, mund të themi se pak vend i ka mbetur marketingut tradicional. Prandaj, rrjetet sociale kanë sjellë me vete një periudhë të re ne këtë fushë. Megjithëse mundohemi t’i bëjmë të gjitha vet, sigurisht që fokusi ynë është tek shitja online nëpërmjet rrjeteve sociale”

Sekiraqa Agnesa

Një ekip jo shumë i madh por shumë i talentuar dhe i dedikuar, me punën e tyre tashmë kanë arritur të shtrihen edhe në Shqipëri dhe Maqedoni. Agnesa thekson se në punën e saj të përditshme më së shumti e shijon punimin e thasëve për fëmijë, kjo ngase aty mund të shpalosë kreativitetin e saj. 

Këta thasë të cilët karakterizohen nga dy ose më shumë nuanca ngjyrash janë bërë shumë të dashur për fëmijët. Ata kanë mundësinë t’i personalizojnë këta thasë me personazhet që pëlqejnë më shumë.

E gjithë kjo punë, biznesit “ThesQefi” i ka siguruar edhe shumë bashkëpunime
afatgjata. “Bashkëpunimet me kopshtet, na kanë bërë më të vendosur për të punuar me shumë me targetin e fëmijëve pasi reagimi i tyre vazhdon të jetë përherë impresiv”

Thes Qefi Agnesa

Krejt në fund, Agnesa Sekiraqa ka një këshillë për të gjithë ata që janë gati për t’u përfshirë në tregun e punës.

“Zhvilloni sa më shumë aftësitë e juaja sipërmarrëse. Pavarësisht barrierave që mund të hasni, e rëndësishme është të filloni dicka nga e para sepse edhe rrugëtimet e gjata nisin me hapin e parë. Pra, përpiquni të nxirrni më të mirën nga vetja, duke e bërë atë që e doni më së shumti”.

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • ____ father is a chef in San Francisco.
    A
    They
    B
    Their
    C
    There
  • They walked out of the room without ____ a word.
    A
    say
    B
    tell
    C
    saying
    D
    telling
  • Is that ____ new phone?
    A
    your
    B
    you
    C
    yours
  • I saw a cat on the street. ____ eyes were green.
    A
    Her
    B
    Its
    C
    His
  • I was tired, ___ I managed to finish it.
    T
    already
    F
    yet
  • I’m a bit short ____ cash, could you lend me some?
    A
    at
    B
    of
    C
    off
    D
    to
  • Look at that boat. ___ is so beautiful.
    A
    It
    B
    She
    C
    Her
  • I liked the first part, but everything else ____ they did was dreadful.
    T
    that
    F
    what
  • If ____ is worth doing, it’s worth doing well.
    A
    job
    B
    a job
    C
    work
    D
    a work
  • Have you ____ sorting it out?
    A
    ended
    B
    finished
    C
    neither of these
1
/
10
ARTIKUJ TË NGJASHËM
Shtatë karakteristikat e shefave të këqinj
Jo të gjithë njerëzit që udhëheqin biznese, institucione, organizata, janë liderë të mirë, dhe jo të gjithë punonjësit kanë mundësinë të bashkëpunojnë me punëdhënës korrektë. Ka shumë prej punëdhënësve të cilët pavarësisht që janë udhëheqës, kanë edhe shumë veti të këqija.  Në këtë artikull, do të fokusohemi në sjelljet e udhëheqësve të këqinj, të cilat mund të jenë zhgënjyese për punëtorët dhe mund të çojnë drejt mungesës së besimit, mos produktivitetit të tyre, rrjedhimisht në krijimin e një mjedisi të keq të punës. Në vazhdim,  AkademiPune ju njofton me disa karakteristika që shefat apo punëdhënësit e këqinj kryesisht mund të kenë. 1. Mendojnë se dinë gjithçka Liderë të këqinj konsiderohen të gjithë ata të cilët mendojnë se janë të pagabueshëm, pra janë ata të cilët dinë gjithçka dhe nuk pranojnë mendime të kundërta. Ndonëse mund të jetë duke gabuar, ky lloj i liderit mendon se gjithmonë po e bën gjënë e duhur për kompaninë. 2. Nuk merren me konfliktet mes punëtorëve Ky lloj i shefit nuk merret me problemet që punëtorët kanë me njëri tjetrin, mirëpo pret që konfliktet të rregullohen vetëvetiu. Pra, nuk ndërmerr rolin e ndërmjetësuesit. Konfliktet brenda një ekipi dhe punëdhënësit që nuk merren me ato konflikte, mund të sjellin situata aq të pakëndshme sa të shkaktojnë një mori problemesh brenda një kompanie. Shmangia e konflikteve sikur asgjë nuk ka ndodhur mund të çojë në komunikim të dobët, frustrime e edhe deri tek dorëheqjet e punëtorëve. 3. Nuk i fuqizojnë të tjerët Ka shumë punëdhënës të cilët abuzojnë me pushtetin që kanë. Këta punëdhënës kanë më shumë dëshirë të jenë vetë në qendër të vëmendjes se sa t’i fuqizojnë të tjerët. Një shef i mirë nuk duhet të ketë dëshirë t’i kontrollojë të tjerët por t’i orientojë ata drejt zhvillimit dhe fuqizimit të tyre. 4. Nuk i vërejnë anët e forta të ekipit Punëdhënës të këqinj konsiderohen edhe ata të cilët nuk arrijnë t’i shohin të mirat apo anët e forta që pjesëtarët e ekipit zotërojnë. Një punëdhënës që nuk di ose nuk ndërmerr hapa për të njohur fuqinë punëtore të tij, mund të jetë duke udhëhequr keq. Një punëdhënës i mirë i përdorë të gjitha mundësitë për të zbuluar potencial tek secili punëtor i tij. Ai jo vetëm që ju jep përgjegjësi atyre por di edhe të komunikojë në mënyrë efektive dhe t’i motivojë punonjësit. 5. Nuk i dëgjojnë punëtorët Ka shumë mënyra se si një punëdhënës mund të tregojë se është duke e dëgjuar me vëmendje punëtorin. Kjo nuk do të thotë që punëdhënësi duhet vetëm të rri i qetë dhe të dëgjojë. Se një punëdhënës po i kushton vëmendje asaj se çka punëtori po flet, dallohet edhe me gjuhën e trupit, përgjigjen apo konfirmimin se e ka marrë mesazhin dhe i ka kuptuar ato që punëtori i ka thënë. 6. Kanë mungesë transparence Nëse punëdhënësit / shefat nuk e thonë të vërtetën, punonjësit herët apo vonë do ta kuptojnë. Një gjë e tillë shkatërron besimin mes dy palëve. Kur punëtorët nuk kanë besim tek punëdhënësi i tyre, ata do të demotivohen shpejt, do të ndjehen të zhgënjyer dhe do fillojnë të kenë më pak respekt. 7. Kanë mungesë besimi tek punëtorët Një punëdhënës i cili nuk beson në mendimin apo përvojat e punëtorëve të tij, mund të shkaktojë demoralizim dhe mungesë vetëbesimi tek ata persona. Këta të fundit do ta kenë shumë problem të zhvillohen brenda vendit të punës.  Liderët e mirë duhet të jenë të ndershëm, të zotërojnë aftësi të mira komunikimi dhe të jenë sa më lehtë të qasshëm për punonjësit e tyre. /AkademiPune.
Lexo më shumë
A KANË PËRPARËSI NË TREG TË PUNËS NJERËZIT QË NJOHIN GJUHË TË HUAJA?
"Sa më shumë gjuhë që njeh, aq më shumë njerëz vlen" Përfshirja në tregun e punës, përveç që është sfidë dhe përgjegjësi, konsiderohet edhe privilegj e dëshirë për t’u kyçur në një profesion të caktuar. Përpos arsimimit cilësor dhe përgatitjes se nevojshme profesionale, edhe njohja e gjuhëve të huaja ka një rëndësi të posaçme në sistemimin e një kandidati në një vend të caktuar të punës. Njohja e gjuhëve të huaja, e sidomos e gjuhëve më të rralla, mund të cilësohet si përparësi. Pos pozitave që domosdoshmërisht kërkojnë njohuri të një gjuhe të caktuar, shpesh mund të hasim edhe në konkurse të punës në të cilat preferohet apo ka përparësi edhe njohja e gjuhëve të tjera, që kryesisht lidhen me veprimtarinë e asaj kompanie. Kjo zakonisht haset në industritë ku dominojnë organizatat apo mekanizmat e huaj që ushtrojnë veprimtari konkrete në Kosovë. Prandaj, në shumicën e rasteve zotërimi i një apo disa gjuhëve të huaja cilësohet si avantazh, varësisht prej pozitës në të cilën aplikohet. Shumica e punëdhënësve janë të interesuar të punësojnë kandidatë që përveç se kanë një bagazh të pasur profesional, kanë edhe njohuri të gjuhëve të ndryshme të cilat e favorizojnë atë për një pozitë të caktuar. Në një intervistë për KosovaJob, bashkëthemeluesja e shkollës së gjuhëve të huaja Britannica-ELT, Nasire Bala-Rizaj, foli për rëndësinë që kanë gjuhët e huaja në përgjithësi. Ajo tha se edhe në Kosovë si në çdo vend tjetër të botës, njohja e një apo më shumë gjuhëve të huaja është përparësi për secilin individ, si në rrafshin e punësimit ashtu edhe të ngritjes së karrierës profesionale. “Nga përvoja dhe ekspertiza ime shumëvjeçare mendoj se të mësuarit e një gjuhe të huaj është një vlerë e shtuar për CV-në e secilit person. Pa dyshim se gjuhët e huaja i hapin më lehtë dyert e punësimit në profesionin e dëshiruar, kudo në kompani, në organizata e në institucione që i përshtaten profesionit dhe specializimit përkatës. Ekonomia bashkëkohore e tregut të lirë dhe qarkullimi intensiv i mallrave, dijes dhe njerëzve e ka determinuar pothuaj si domosdo njohjen e gjuhëve të huaja për një punësim dinjitoz. Kontaktet me popujt tjerë janë bërë të përditshme në çdo fushë të jetës, andaj këtu edhe e shoh elementin kyç të ndërlidhjes së gjuhëve të huaja me punësimin në Kosovë”, ka thënë ajo. Ndonëse gjuha angleze dominon gjithandej në botë, ajo theksoi se në Kosovë rrethanat aktuale bëjnë që pas gjuhës angleze, mësimi i gjuhës gjermane të jetë shumë i kërkuar. Bala-Rizaj shtoi se edhe njohja e njërës prej gjuhëve të popujve të Ballkanit Perëndimor është e preferueshme duke qenë se Kosova është pjesë e Gadishullit Ballkanik. “Natyrisht, gjuha angleze sot është gjuhë dominante në mbarë globin por në rrethanat aktuale në Kosovë, mësimi i gjuhës gjermane është bërë shumë i kërkuar. Edhe gjuhët tjera, si frëngjishtja dhe italishtja janë shumë të rëndësishme, sidomos për ata që karrierën profesionale e kanë drejtuar nga fusha e kulturologjisë. Megjithatë, mos të harrojmë se ne jemi pjesë e Gadishullit Ballkanik dhe njohja e njërës prej gjuhëve të popujve të Ballkanit Perëndimor është mjaftë i preferuar”, ka thënë ajo. Bala-Rizaj nuk mendon që niveli i njohurive të gjuhëve të huaja në Kosovë është i ulët, kjo sepse sipas saj të rinjtë tashmë e kanë kuptuar rëndësinë që kanë gjuhët e huaja e kësaj pozivisht i ndikon edhe përdorimi i teknologjisë dhe rrjeteve sociale.  Pavarësisht kësaj, ajo konsideron se  ka akoma nevojë për më shumë avancim në këtë drejtim ngase secili profesion e ka natyrën e vet të gjuhës përkatëse. E krejt në fund, Bala-Rizaj vuri theksin edhe tek njohja e mirëfilltë e gjuhës amtare. Ajo tha se pa njohje të mirë të gramatikës dhe drejtshkrimit të gjuhës shqipe, është vështirë të arrihet nivel i lartë i mësimit të gjuhëve së huaja. “Për njohje sa më të avancuar të cilësdo gjuhë të huaj nevojitet njohja po ashtu e avancuar edhe e gjuhës amtare, të cilit aspekt kryesisht nuk i kushtohet vëmendje e mjaftueshme. Sot më shumë çmohet njohja e gjuhës së shkruar sesa e komunikimit verbal dhe pa njohje të mirëfilltë të gramatikës dhe drejtshkrimit të gjuhës shqipe, vështirë se do të arrihet niveli i lartë i mësimit të gjuhës së huaj”, ka thënë ajo. Në Tetor të vitit 2015, Britannica- ELT lansoi testimin online të nivelit të gjuhës angleze në Kosovë. Në një periudhë prej 7 ditësh, më shumë se 5400 nga 7867 persona arritën të përfundojnë me sukses testin duke plotësuar të gjitha pyetjet. Statistikat treguan se niveli i përgjithshëm është B2 apo Upper Intermediate dhe B1+ apo Intermediate. Për këtë testim, interesim më i madh u vërejt nga mosha 18-24 vjeç ndërsa sa i përket gjinisë statistikat treguan se për një nivel të vogël femrat kanë pasur rezultate më të mira se meshkujt.
Lexo më shumë
7 shenja që tregojnë se do të jeni lider i suksesshëm
Liderët kanë tipare të ndryshme si organizimi, përkrahja e ekipit, delegimi i detyrave, përkushtimi si dhe qëndrimi pozitiv. Të gjitha këto e forcojnë karakterin e një lideri të sukseshëm. Përveç këtyre ka edhe shenja tjera që tregojnë se mund të jeni të përshtatshëm për udhëheqje, ndër to janë: 1. Ju me të vërtetë dëshironi që biznesi të ketë sukses Për ju, mundësia për të udhëhequr nuk ka të bëj vetëm ta keni një pagë më të madhe. Ju vërtet interesoheni për vizionin e kompanisë dhe dëshironi të kontribuoni në suksesin e saj. Ju madje mund të keni ide se si të drejtoni rrjedhën e punës ose të bëni përmirësime në proceset ekzistuese. 2. Ju përshtateni mirë në situata të reja Përshtatshmëria është një nga aftësitë më të rëndësishme që mund të posedoj një person, e sidomos nëse ai person është ose pretendon të jetë një lider në të ardhmen. Liderët duhet të jenë në gjendje të ecin me kohën dhe të provojnë gjëra të reja për të përmirësuar biznesin. Ata duhet të dinë se si të reagojnë ndaj të papriturave me qetësi dhe profesionalizëm, si p.sh kur ka një ndryshim të madh në vëllimin e punës, ose një anëtar i ekipit të tyre jep dorëheqje papritmas. 3. Përkrahja e anëtarëve të ekipit A keni vërejtur ndonjëher një standard të dyfishtë? A keni qenë dëshmitar i një padrejtësie? Udhëheqësit e mirë nuk hezitojnë të reagojnë kur ka padrejtësi dhe janë të vendosur për atë që mendojnë se është e drejtë dhe nuk bazohen në thashetheme. Përkrahja e anëtarëve të stafit është një karakteristikë e rëndësishme e një udhëheqësi. 4. Nuk e keni problem të pranoni kritika konstruktive Edhe pse drejtuesit dhe menaxherët shpesh shoqërohen nga njerëz me "personalitete të forta" të cilët mund të jenë kokëfortë në pikëpamjet e tyre, një udhëheqës i mirë duhet të ketë një perspektivë objektive mbi atë që po ndodh brenda vendit të punës. Kjo mund të jetë një nga pjesët më të vështira të punës sepse ne shpesh mendojmë se jemi objektiv kur nuk jemi nganjëherë të tillë. Një lider i matur pas pranimit të kritikave ndërmerr veprimet e nevojshme për të përmirësuar gjërat në përputhje me rrethanat. 5. I besoni intuitës tuaj Gjatë udhëheqjes së një ekipi në territor të paeksploruar, liderët me përvojë besojnë në vete për të marrë vendime të shëndosha. Ata bazohen në përvojat e kaluara ose kërkojnë ndihmë nga mentorë dhe anëtarë me përvojë të fushës së tyre. Frika nga e panjohura nuk i mban ata larg sepse besojnë në veten e tyre dhe ekipin e tyre. Kësisoj, nëse ju keni një tipar të tillë do t’i arrini më lehtë qëllimet që keni dhe të korrni sukses në fushën e udhëheqjes. 6. Jeni të përgjegjshëm Të gjithë bëjnë gabime, poashtu edhe udhëheqësit ka raste kur gabojnë. Dështimet më shumë se sukseset e ndajnë të mirën nga e keqja, duke pasur parasysh që kjo e fundit kërkon që dikush të fajësohet në vend që të marrë përgjegjësi. Drejtuesit e mëdhenj japin përgjegjësi për ekipin e tyre në rast të dështimit të ndonjë projekti. Ata nuk zhgënjehen nga periudhat e dështimeve pasi që nuk rreshtin së besuari dhe përkrahuri ekipin e tyre për ta tejkaluar periudhat kritike. 7. Ju inspironi të tjerët Udhëheqësit e mirë e dinë ndryshimin midis urdhërave dhe udhëheqjes. Udhëheqja përfshin frymëzimin e njerëzve për të dhënë më të mirën nga vetja për të arritur e rezultateve që ata synojnë. Udhëheqësit e mirë frymëzojnë anëtarët e ekipit të tyre që të bëhen versioni më i mirë i vetvetes që mund të jenë.
Lexo më shumë
Si të bëni një aplikim të suksesshëm për punë?
Në mbarë botën, punëdhënësit përdorin forma të ndryshme të aplikimit për të mbledhur të dhënat e nevojshme për kandidatët. Aplikimi mund të bëhet përmes dorëzimit fizik të dokumenteve, internetit apo edhe telefonit. Zakonisht, kompanitë caktojnë një formë aplikimi dhe kandidatët duhet ta ndjekin atë formë. Aplikacionet zakonisht dorëzohen në disa mënyra: Nëpërmjet e-mail adresës së kompanisë Nëpërmjet formave të gatshme në webfaqet e kompanive Nëpërmjet ndonjë portali të jashtëm të punësimit. Edhe nëse keni gjetur një punë të cilën e konsideroni të përshtashme për veten, mos e plotësoni menjëherë aplikacionin. Paraprakisht, tentoni t’i jepni kohë vetes që ta rishikioni atë dhe kështu do të ketë më pak gjasa të bëni ndonjë gabim. Në qoftë se kompania kërkon që kandidatët të aplikojnë nëpërmjet e-mail, atëherë në e-mail ju duhet të nënvizoni: Pozitën për të cilën aplikoni (në subject të e-mailit) Të bashkangjisni C.V-në tuaj dhe letrën e motivimit Kopjen e çdo dokumenti shtesë të kërkuar nga kompania Nëse në shpalljen e punës shkruan që aplikimi duhet të bëhet nëpërmjet webfaqes së kompanisë, atëherë juve ju duhet të hulumtoni pak në faqen e tyre zyrtare që të orientoheni më mirë. Ndërkaq, nëse aplikoni përmes ndonjë portali të punësimit, duhet t’i ndiqni të gjitha udhëzimet  e cekura në përshkrimin e punës. Sa i përket aplikimit nëpërmjet telefonit, krejt çka nevojitet është të kontaktoni kompaninë direkt në telefon dhe të shprehni interesimin tuaj për të punuar në vendin e ri të punës që ata kanë hapur. Përfaqësuesit e kompanisë pastaj mund t’iu japin më shumë informacione. Një formë tjetër e aplikimit është dorëzimi i dokumenteve direkt në zyret e kompanive. C.V-ja, letra motivuese dhe çdo dokument tjetër duhet të jenë të printuara dhe të mbyllura në një zarf  të cilin duhet ta dorëzoni në zyret e kompanisë.  Çka duhet të përfshihet në një aplikim pune? Në mënyrë që të nxisni kurreshtjen e një punëdhënësi për t’iu ftuar në intervistë dhe për t’i demonstruar pastaj aftësitë tuaja, aplikimi duhet të jetë unik. Disa nga punëdhënësit mjaftohen vetëm me CV-në dhe letrën motivuese por jo të gjithë. Ka prej atyre që duan më shumë informacion rreth kandidatit. Kësisoj ju mund të bashkangjisni edhe dokumente të tjera të cilat japin më shumë detaje për ju. Arsyet se përse punëdhënesit zakonisht kërkojnë më shumë informacione rreth një kandidati është ngase duan të krijojnë një pasqyrë më të mirë rreth tij.  Ndërkaq, gjërat që medoemos duhet të përfshihen në një aplikim pune janë: informatat personale, edukimi, përvoja e punës dhe deklarata personale ku ju e argumentoni se pse jeni personi i duhur për atë punë. Çka nuk duhet të përfshihet në një aplikim pune? Kur aplikoni për punë, ju nuk jeni të obliguar të cekni moshën, nacionalitetin, religjionin apo orientimin seksual. Ju duhet të jepni vetëm të dhënat të cilat e mbështesin aplikimin tuaj. Ndërkaq,  të dhëna të tjera mund t’i shpalosni më pas në një mënyrë më konfidenciale.  Gjithashtu, gabimet drejtshkrimore në një aplikacion pune janë të patolerueshme pavarësisht pozitës së punës për të cilën aplikoni. Ndonjëherë format e aplikimit kanë edhe rubrika ku kërkohen arsyet pse e keni lënë punën e mëparshme, kështu që kujdesuni që të mos shkruani gjëra negative për punët e kaluara ngase kjo mund të vë në pikëpyetje përformancen tuaj.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.