70% e aftësive do të ndryshojnë deri në 2030 – ku duhet të fokusoheni sot?

11 Prill '25

	 	 
Josh Graff nga LinkedIn, në një intervistë për Euronews, thekson se nuk ka nevojë të bëhesh programues brenda natës – mjafton të kuptosh si po bëhet inteligjenca artificiale pjesë e përditshmërisë tënde.
Sipas raportit të LinkedIn për ndryshimet në punë deri në vitin 2025, 70% e aftësive që kërkohen sot do të ndryshojnë deri në vitin 2030. Kjo do të thotë që brenda pesë viteve, puna jote mund të duket krejt ndryshe – pyetja është: a je i përgatitur?
Tregu evropian i punës po përballet me një ulje 17% në punësim (janar 2025 krahasuar me vitin paraprak), si pasojë e tkurrjes së bizneseve pas rritjes së menjëhershme pas pandemisë. Kjo ka ulur edhe lëvizshmërinë në karrierë për shumë profesionistë.
Megjithatë, të dhënat tregojnë se ata që po hyjnë sot në tregun e punës do të kenë dyfishin e numrit të punëve krahasuar me gjeneratat e kaluara.
Josh thekson nevojën për trajnime dhe përditësim të aftësive, veçanërisht për gjeneratat më të vjetra që vazhdojnë të punojnë më gjatë dhe kanë më pak mundësi lëvizjeje në karrierë.
Raportet tregojnë se shumica e drejtuesve do të punësonin dikë me aftësi në AI përpara dikujt me përvojë të gjatë, por pa këto aftësi.
Po ashtu, nënvizohet rëndësia e inkurajimit të vajzave të reja drejt fushave STEM. Numri i grave në AI është dyfishuar që nga viti 2016, por me këtë ritëm, barazia gjinore në këtë fushë do të kërkojë 162 vjet.
Edhe rolet drejtuese po ndryshojnë: çdo drejtues sot duhet të ketë njohuri të teknologjisë, sidomos të ndikimit të saj në produktivitet dhe fitim.
Mundësitë sot janë më të mëdha – përmes platformave si LinkedIn mund të kontaktosh drejtues dhe kompani shumë më lehtë sesa më parë.
Disa këshilla për t’u dalluar në LinkedIn:

Përdor një foto profili – sjell deri në 26 herë më shumë shikime.
Shto një përshkrim hyrës.
Rendit aftësitë e tua.
Ndërvepro me përmbajtje, komento dhe ndiq kompanitë që të interesojnë.

Të dhënat tregojnë se vetëm 5% e punëve janë krejtësisht në distancë, por ato tërheqin 15% të aplikimeve. Në këtë konkurrencë të lartë, aftësitë e duhura janë thelbësore.
Për ata që janë në fillim të karrierës, puna hibride ofron një ekuilibër më të mirë – ndihmon në ndërtimin e kontakteve dhe rrjetit profesional brenda kompanisë./ AkademiPune