Katër pyetje që duhet t’ia bëni vetes para një interviste pune

10 Feb, 2020

Katër pyetje që duhet t’ia bëni vetes para një interviste pune
	 	 

Secila intervistë pune dallon nga tjetra dhe për çdo intervistë që keni duhet përgatitje e veçantë. Para se të shkoni në një intervistë pune ku jeni ftuar, bëni një rishikim të arritjeve tuaja deri më tani, aftësitë dhe mangësitë që keni, si dhe ku keni nevojë për përmirësime.

Janë disa pyetje që mund t’ia parashtroni vetes para çdo interviste pune, pyetje këto që do t’iu ndihmonin të keni një vetë-reflektim dhe një paraqitje sa më të mirë në momentin kur intervistoheni. Akademi Pune, ju njofton me këto pyetje.

Me cilat arritje personale jeni krenar?

Cilat arritje tuaja i veçoni nga tjerat? Selektoni disa që janë më të përshtatshme dhe që kanë ngjashmëri me vendin e punës ku aplikoni dhe që ndiheni rehat kur flisni për ato arritje. Vlerësoni se si ato momente kanë ndikuar tek personaliteti juaj.

A ju kujtohet ndonjë rast kur keni bërë një zgjedhje që ka pasur rezultate pozitive në karrierën tuaj? Apo ndonjë aftësi për të cilën nuk keni qenë në dijeni se e posedoni, por me praktikë keni arritur ta përvetësoni mjaft mirë? Gjithashtu, reflektoni edhe në gabimet që mund t’i keni bërë dhe mësimet që keni marrë nga ato gabime.

Cilat janë fushat kyçe ku doni të përmirësoheni?

Filloni me gjërat që kanë lidhshmëri me punën tuaj, por kushtoni rëndësi edhe fushave të tjera në jetën tuaj. Fokusi në këtë pyetje, ju ndihmon të jeni realist për punën që jeni të gatshëm ta bëni, si dhe të shfaqni vullnet në fushat ku doni përmirësim.

Cilat shkathtësi që posedoni ju veçojnë nga të tjerët?

Pa dyshim se ka diçka që ju veçon nga të tjerët. Kujtoni ndonjë rast me shoqëri ose në vend pune ku ju jeni sjellur ndryshe nga të tjerët dhe keni marrë situatën nën kontrollë. Përgjigja që do jepni kur intervistuesit ju pyesin për shkathtësitë luan rol të madh, kjo pasi që ata shohin vetëbesimin që ju keni dhe potencialin që shfaqni për atë vend pune.

Ku e shihni veten pas 3 apo 5 vitesh?

Kjo mund të jetë pyetje pak e ndërlikuar, por është shumë e rëndësishme se ku e shihni veten tuaj në të ardhmen dhe vizionin që keni. Bëni një vlerësim të viteve paraprake dhe pyesni veten se cilat janë ndryshimet që kanë ndodhur në jetën tuaj gjatë këtyre viteve, si dhe a i keni parashikuar këto ndryshime?

Ka shumë pyetje në intervista pune që lidhen me të ardhmen tuaj, si p.sh ku e shihni veten dhe cilat janë objektivat tuaja. Intervistuesit kur e bëjnë ketë pyetje, nuk kërkojnë një plan specifik, por më shumë një ide të përgjithshme të aspiratave që ju keni. 

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Cili nga këta lojtar tenisi ka më së shumti tituj ne turneun e famshëm “Wimbledon” ?
    A
    Rafael Nadal
    B
    Roger Federer
    C
    Novak Djokovic
    D
    Dominic Thiem
  • Cili ekip futbolli ka më së shumti tituj në Ligën e Kampionëve?
    A
    Barcelona
    B
    Bayern Munich
    C
    Real Madrid
    D
    Manchester United
  • Në cilin vend Majlinda Kelmendi fitoi medaljen e parë të artë olimpike?
    A
    Kinë
    B
    Rusi
    C
    Francë
    D
    Brazil
  • Cili atlet mbanë rekordin botëror në vrapim 100 metra?
    A
    Usain Bolt
    B
    Justin Gatlin
    C
    Asafa Powell
    D
    Tayson Gay
  • Në cilin sport tjetër e sfidoi veten basketbollisti i famshëm Michael Jordan?
    A
    Futboll
    B
    Ragbi
    C
    Bejsboll
    D
    Boks
  • Çfarë kuptimi ka akronimi “FIFA”?
    A
    Federation Internationale de Football Association
    B
    First International Football Academy
    C
    Football Institute Federation
  • Kush ka më së shumti tituj në sportin e Formula 1?
    A
    Lewis Hamilton
    B
    Michael Schumacher
    C
    Sebastian Vettel
    D
    Fernando Alonso
  • Cili futbollist mbanë rekordin për më së shumti gola të shënuar në një vit kalendarik?
    A
    Cristiano Ronaldo
    B
    Lionel Messi
    C
    Diego Maradona
    D
    Gerd Muller
  • Kriketi është sporti kombëtar i cilit shtet?
    A
    Amerikës
    B
    Kinës
    C
    Brazilit
    D
    Australisë
  • Me çfarë nofke njihet kombëtarja e Gjermanisë në futboll?
    A
    Die Mannschaft
    B
    Die Männer
    C
    Die Fussballspieler
1
/
10
ARTIKUJ TË NGJASHËM
Pse duhet të shfaqim pasion në intervista të punës?
“Ndiqe pasionin. Do të të çojë drejt qëllimit“  - Oprah Winfrey Ftesa për një intervistë pune pranohet atëherë kur plotësohen kriteret kryesore që kërkohen për një pozitë të caktuar të punës. Një kompani shqyrton të gjitha kualifikimet, aftësitë, përvojat, interesimet dhe referencat e një kandidati para se ta ftojë atë për një intervistë. Mirëpo, intervistat e punës dinë të jenë edhe shumë stresuese. Ka shumë raste kur kandidatët kanë plotësuar të gjitha kriteret por përsëri nuk kanë arritur ta marrin atë vend pune. Një gjë të cilën mund të mos e kemi marrë shumë seriozisht kur kemi shkuar në intervista të punës, është të  tregojmë se sa kemi pasion për punën që po ofrohet. Pavarësisht nëse kriteret e punës plotësohen ose jo, pasioni për punën gjithmonë ka një rëndësi shumë të veçantë. Studimet tregojnë se ndër gjërat kryesore që rektruterët apo punëdhënësit gjithandej në botë shikojnë tek kandidatët, është pasioni. Të gjithë punëdhënësit duan të gjejnë kandidatë pasionantë, të entuziazmuar për një pozitë pune apo për kompaninë në përgjithësi. KosovaJob ka realizuar një intervistë me Venera Dermakun, menaxhere e burimeve njerëzore në kompaninë Beta. Ajo ka thënë se pasioni apo entuziazmi në intervista të punës ka shumë rëndësi ngase tek punëdhënësi përçohet mesazhi se sa është i interesuar një kandidat t’i bashkohet kompanisë dhe ta ushtrojë me seriozitet detyrën për të cilën po intervistohet. Si menaxhere me përvojë në burime njerëzore, ajo tha se shfaqja e pasionit tregon edhe se sa me vullnet një person po ndjehet për punën dhe për një pervojë të re.  “Pasionin në intervista të punës e shoh si diçka shumë me rëndësi për ta punësuar një kandidat. Ata kandidatë të cilët shprehin entuziazëm në intervistë të punës dhe vijnë energjik edhe në intervistë, japin një ndjenjë pozitive edhe për intervistuesin. Ndër të tjera, të jesh i informuar për pozitën që ke aplikuar dhe për kompaninë ku ke aplikuar është ndër gjërat po ashtu me shumë rëndësi, të cilat mendoj se hyjnë nën ombrellen e pasionit” shpjegon Venera Dermaku. Demonstrimi i pasionit në intervista të punës nuk është edhe diçka e thjeshtë. Ka shumë mënyra se si të dëshmojmë se vërtetë e duam atë punë për të cilën po intervistohemi. “Mënyra më e mirë është sinqeriteti, përgatitja e kandidatit/es para intervistës, interesimet e tyre  pas intervistës (ndoshta pyetje rreth intervistimit me intervistuesin),komunikimi i synimeve reale dhe të kapshme të së ardhmës rreth karrierës se kandidatit/es dhe kandidatët të jenë më të interesuar rreth asaj sfere të biznesit në kompaninë ku aplikojnë” Gjatë intervistës, Dermaku theksoi se kandidatët dëshmojnë pasionin edhe nëse shtrojnë pyetje domethënëse për pozitën e punës apo kompaninë, e gjithashtu nëse kandidatët ndërlidhin përgjigjet e tyre me përvojat paraprake, pasi që këto i japin më shumë kuptim përgjigjës dhe shtojnë akoma më shumë edhe interesimin e intervistuesve për ta. Çka duhet të shmangim kur tentojmë të shfaqim pasion në intervistë pune? Në një intervistë pune, duhet të tentohet të ruhet një baraspeshë në mes të shfaqjes së pasionit dhe dëshirës tepër të madhe për ta marrë atë vend pune. Venera nënvizoi se kandidatët duhet të kenë kujdes që te mos mburren më shumë se që duhet gjatë intervistës me rekturerët apo punëdhënësit. “Është shumë e rëndësishme që kandidatët të jenë sa më të sinqertë gjatë intervistës dhe të mos të jenë tejet të mburrur me vetëveten, punën aktuale dhe ndoshta kompaninë ne dukje. Është shumë e rëndësishme që kandidatëve të mos u lë përshtypje vetëm një ambient i bukur, mirëpo t’i japin kuptim edhe synimit dhe misionit te kompanisë apo punës që ne bëjmë edhe jashtë zyreve”, tha Dermaku. Ajo shtoi se jo gjithmonë pasioni tejet i madh mundet të japë shenja pozitive për intervistuesin ngase shpeshherë një gjë e tillë sinjalizon atë që kandidati/ja është e interesuar vetëm për një pozitë cilado që të jetë. Sipas saj, kjo mund ta bëjë pak dyshues intervistuesin. KosovaJob iu sjellë disa këshilla si të shmangni gabimet e mundshme kur tentoni të tregoni pasion në një intervistë pune. Mos tingëlloni të dëshpëruar. Interesimi për punë është diçka që vlerësohet shumë nga të gjitha kompanitë por mos tingëlloni sikur e dëshironi atë vend pune vetëm për përfitime, sikur jeni të varur nga ajo punë. Mos u përqëndroni vetëm te përfitimet e kompanisë. Duke u përqëndruar në përfitimet e kompanisë, në ambientin e punës, apo reputacionin e një kompanie të caktuar, ju mund të harroni të dëshmoni se çka vërtetë doni nga ajo punë. Mos u mburrni. Duke tentuar të shfaqni pasion/entuziazëm, ju shpesherë mund të flisni më shumë se që duhet rreth aftësive tuaja. Është mirë të flisni për aftësitë por gjithashtu të ikni nga mendimi sikur ju dini gjithçka. Kështu tingëlloni sikur jeni shumë arrogant ose që mendoni se jeni i mbiditur.
Lexo më shumë
5 arsye pse nuk duhet ta braktisni vendin e punës
A është koha për të lënë punën time? Kjo është një pyetje që të gjithë ia kemi parashtruar vetes në një moment të karrierës tonë. Shumica e njerëzve presin derisa të ndjejnë se duhet lënë punën ose organizatën e tyre, dhe kjo i vë ata në disavantazh. Mos merrni vendime të nxituara pa analizuar mirë situatën në të cilën ndodheni. Nëse nuk i shikoni mirë rrethanat para se të vendosni ta braktisni punën aktuale, ju mund edhe të dështoni duke e bër një hap të gabuar në karrierë. Mos lejoni që një gjë e tillë të ndodhë me ju. Përkundrazi, duhet të jeni aktiv dhe shfrytëzoni mundësinë, të paktën një herë në vit, të vlerësoni vendin e punës dhe pozicionin që keni, së bashku me arritjet tuaja personale. 1. Mos e merrni vendimin shpejtë Mos e merrni vendimin për ta lënë punën vetëm nëse keni pasur një ditë të mërzitshme në punë. Mos ndërmerrni veprime të pamenduara që do të prishin raportet tuaja me punëdhënësin tuaj aktual ose njerëzit me të cilët punoni. Duhet ta dini se bashkëpuntorët tuaj aktual janë referencë e juaja për punët e ardhshme dhe këta njerëz do t'i vlerësojnë, respektojnë dhe mbajnë mend daljet e pjekura dhe profesionale nga puna, si dhe ato jo profesionale. 2. Performanca e kompanisë nuk është aq e mirë Mendoni se kompania në të cilën punoni po fundoset ose është në drejtim të gabuar. Kjo nuk është koha e duhur për të dhënë dorëheqjen. Deri atëherë jepni kontributin tuaj dhe ndihmoni ekipin dhe punëdhënësin tuaj përderisa ende keni një punë. Kësisoj, ju ndërtoni marrëdhënie, përvojë dhe referencë të mirë për intervistat e ardhshme të punës. 3. Pas një dështimi Jeni duke menduar largimin pasi që projekti që ishit pjesë e tij dështoi. Për punëdhënësit e ardhshëm, një dorëheqje përballë dështimit do të duket sikur të jeni larguar nga puna pasi mund të keni qenë personi përgjegjës për atë dështim. Në vend se ta mendoni largimin bëni gjënë e duhur. Kthejuni punës, qëndroni përpara sfidës, merrni kritikat, mos u dorzoni lehtë dhe përqendrohuni që t’i ktheheni punës edhe me më shumë përkushtim. Marrja e përgjegjësisë në vend se ta drejtoni gishtin në drejtim të tjerëve në momente kritike tregon karakterin tuaj të një udhëheqësi. 4. Mos nxitoni pa pasur ofertën tjetër Tregu i punës pëson ndërrime të ndryshme dhe aplikimet për një vend të mirë pune janë tejet të mëdha. Prandaj, pa pasur ndonjë ofertë tjetër mos merrni vendime që mund të jenë të dëmshme për ju. Kur nuk keni punë, fuqia juaj e negociatave është shumë më e ulët dhe kërkimi i punës bëhet emocionalisht sfidues. 5. Nuk keni kursime të mjaftueshme Kursimet janë të domosdoshme për realizimin e planeve që keni në të ardhmen. Nëse nuk keni mjaftueshëm para të kursyera për t'ju mbajtur deri sa të gjeni një punë të re, patjetër që duhet të mendoni dy herë para se të hiqni dorë nga puna e tanishme që keni./AkademiPune
Lexo më shumë
Çka ndodhë nëse nuk shfaqeni në intervista të punës?
Ftesa për intervistë është padyshim një hap shumë i rëndësishëm për të fituar vendin e punës ku keni aplikuar. Kjo nënkupton që kompanisë i ka pëlqyer aplikacioni juaj dhe gjasat që ju të bëheni pjesë e asaj kompanie janë shumë të mëdha. Mirëpo, nganjëherë në periudhën mes aplikimit dhe ftesës për intervistë, dëshira juaj për t’u bërë pjesë e kompanisë mund të ketë ndryshuar.   Sipas një studimi të CV-Library, një në dhjetë profesionistë në Britani të Madhe e kanë pranuar që nuk janë shfaqur në intervista të punës. I njejti studim zbuloi gjithashtu se 34% e kandidatëve nuk u shfaqën në intervista sepse nuk e donin punën më, ndërkaq 22% prisnin të paktën edhe një konfirmim emaili ose kishin harruar fare të shkonin. Mos shkuarja në intervista të punës pa ndonjë paralajmërim mund të ketë pasoja të mëdha në punësimin tuaj. Do të futeni në listën e zezë (blacklist) të kompanisë Listat e zeza të kompanive vërtetë ekzistojnë, sidomos tek kompanitë e rekrutimit. Nëse keni aplikuar për punë dhe nuk jeni shfaqur në intervistë, atëherë gjasat që rekruterët t’iu fusin në listën e zezë janë shumë të mëdha. Kjo nuk përbën shumë dallim edhe po aplikuat direkt tek një punëdhënës, ngase në të ardhmen mund të keni dëshirë te aplikoni tek e njejta kompani për një pozitë tjetër. Mos shkuarja juaj në intervistë mund t’i zhgënjejë personat të cilët ju kanë besuar si dhe rekruterët që kanë vendosur t’iu sjellin përballë klientit të tyre. Gjithashtu, kjo do t'iu bëjë të dukeni edhe shumë jo profesional. Do të prishni urat me kompanitë Një tjetër pasojë e mos shfaqjes tuaj në intervistë është se ju do të prishni urat që do të mund të ndërtonit me kompanitë në rast se do të ishit prezent. Sigurisht, kompania ose pozita e punës mund të mos kenë qenë të përshtatshme në atë kohë por kjo nuk nënkupton se do të jenë edhe në vitet e ardhshme. Ruajtja e imazhit profesional mund t'iu sjellë shumë dobi, pasi që rekrutuesi ose punëdhënësi mund t'iu ndihmojnë të gjeni një rol tjetër në të ardhmen, sidomos kur flitet për kompanitë e rekrutimit. Rastet e mos shkuarjes në intervista të punës janë shumë të shpeshta edhe në Kosovë. Rekruterja nga kompania e rekrutimit HumanPower, Zanë Havolli, në një intervistë për KosovaJob tha se kandidatët të cilët nuk shfaqen në intervista të punës dhe nuk lajmërojnë, hyjnë direkt në listë të zezë. "Nëse një kandidat nuk shfaqet në intervistë të punës si dhe nuk na lajmëron neve si kompani, atëherë ai futet direkt në listë të zezë. Në rast se i njejti aplikon për një pozitë të re të punës, atëherë kompania merr njoftimin se ky kandidat ka qenë njëherë në listë të zezë dhe pastaj duhet ta shqyrtojmë”, ka thënë ajo. Ajo tha se kandidatët hyjnë në listë te zezë edhe nëse nuk shfaqin interes për punën e sidomos nëse janë arrogantë gjatë intervistimit. Ndërkaq, Minire Sadriu, menaxhere e burimeve njerëzore në kompaninë Albi Group, po ashtu ka thënë se kandidatët të cilët nuk shkojnë në intervistë e nuk lajmërojnë, humbin shancën për t’u ftuar përsëri për ndonjë intervistë në të ardhmen. “Ne i kemi të gjitha evidencat, me data, me orë, për të gjithë kandidatët. Ata të cilët nuk kanë ardhë në intervista të punës dhe nuk na kanë lajmëruar, nuk thirren më për intervistë. Ndërsa, sa u përket kandidatëve të cilët na japin një arsye valide, ata emra i lemë të hapur ose i kalojmë në rundin e dytë të intervistave” theksoi Sadriu. Si të shpëtojmë nga “lista e zezë” e kompanive? Mos shkuarja në intervistë mund t’iu shoqërojë me pasoja në të ardhmen sidomos nëse jetoni në një qytet të vogël ose ne ndonjë zonë ku ka mungesë të kompanive që veprojnë. Që të mos humbisni shancat për t’iu bashkuar kompanisë ndonjëherë tjetër, ju duhet të keni parasysh mënyrën se si refuzoni të shkoni në intervistë. KosovaJob, ju sjellë disa këshilla që mund t’i ndiqni, në mënyrë që emri juaj të mos mbetet në listën e zezë të kompanive. Tregoni me mirësjellje nëse pozita e punës ose orari nuk është i përshtatshëm për ju në atë periudhë. Lajmëroni në rast se keni pasur ndonjë urgjencë. Tregoni rekruterëve nëse keni pranuar një ofertë tjetër të punës e cila ju është përshtatur më shumë. 
Lexo më shumë
Aftësitë që ju nevojiten për të fituar një punë nga shtëpia
Përderisa shumë kompani po aplikojnë punën nga shtëpia, menaxherët dhe punonjësit janë duke mësuar se nevojiten aftësi të ndryshme për të kryer këtë formë të punës sa më mirë. Kompanitë që janë duke punësuar tani, janë në kërkim të punonjësve që mund të tregojnë se ata kanë aftësitë e duhura për të punuar nga shtëpia.Nëse jeni në kërkim të një pune të natyrës së tillë, Akademi Pune dëshiron t’i ndajë me ju aftësitë që nevojiten dhe kërkohen nga kompanitë. Nëse i posedoni këto aftësi, atëherë e keni shumë më të lehtë ta bindni punëdhënësin se jeni kandidati/ja i/e duhur për ta fituar vendin e punës. 1. Organizimi Kur punoni nga shtëpia, duhet të jeni më të disiplinuar në aftësitë tuaja organizative dhe planifikuese. Ju duhet të jeni në gjendje të përcaktoni një plan program dhe të jeni efektiv gjatë punës edhe nëse keni shpërqendrime. Ju mund t'i demonstroni këto aftësi në një intervistë duke folur se si keni krijuar një orar për veten tuaj kur keni punuar nga shtëpia më parë. Edhe nëse nuk keni përvojë të punës në distancë, ju mund të tregoni kohën kur keni pasur ndonjë projekt afatgjatë dhe ju është dashur të vetë-menaxhoni dhe organizoni situatën me të cilën jeni ballafaquar. Vetë-menaxhimi dhe vetë-organizimi janë aftësi mëse të nevojshme kur punoni nga distanca.2. Njohja e teknologjisë Kompanitë kërkojnë njerëz që janë të familjarizuar me mjetet tipike të komunikimit dhe bashkëpunimit në distancë. Kjo formë e punës kërkon që të keni njohuri në përdorimin e aplikacioneve të ndryshme për komunikim, pasi që ju duhet të jeni në kontakt të vazhdueshëm me ekipin tuaj të punës permes video thirrjeve. 3. Bashkëpunimi/komunikimi Bashkëpunimi si dhe komunikimi është më i lehtë kur jeni në një ambient zyre sepse fizikisht jeni afër, mirëpo edhe nëse punoni në distancë kjo nuk do të thotë se bashkëpunimi juaj do të zbehet. Kur punoni në distancë, duhet të jeni të suksesshëm në lidhjen me bashkëpunëtorët dhe shefin tuaj në mënyrë që t'i ruani marrëdhëniet tuaja të shëndosha. 4. Vetë-motivimi Punonjësit në distancë duhet të jenë proaktivë dhe të ndërmarrin iniciativë për të kryer detyrat që kanë, pa pasur nevojë të përkujtohen apo monitorohen vazhdimisht nga menaxheri i tyre. Në një ambient zyre, menaxheri juaj mund të ulet pranë jush që t'ju monitorojë ose ndihmojë përgjatë ditës. Ndërsa, në punën nga distanca, ju duhet të jeni në gjendje të kryeni detyrat tuaja të punës në mënyrë të pavarur. 5. Disiplina Nëse nuk keni një sistem dhe disiplinë të vazhdueshme, ju nuk do të jeni në gjendje të jepni nivelin e lartë të përgjegjësisë që kompania ka besuar tek ju. Si punonjës nga distanca, ju duhet të jeni shumë të organizuar me aktivitetet tuaja dhe kohën që shpenzoni për secilin prej tyre. Që të mos ju mungoj aktiviteti, është mirë që të përpiloni lista të detyrave që duhet t'i përfundoni, ndjekni vazhdimisht email dhe mesazhet që pranoni nga bashkëpunëtorët tuaj, si dhe të regjistroni aktivitete në sistemin e kompanisë. Nuk ka dyshim se aftësitë e lartpërmendura janë të nevojshme për t'u treguar në çdo vend pune, por ato janë absolutisht thelbësore kur aplikoni për punë në distancë. Sigurohuni që t'i zhvilloni këto aftësi në mënyrë që të jeni kandidati/ja potencial/e kur aplikoni për punë në distancë./AkademiPune
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.