Prefiksi i Kosovës, pjesë e platformës LinkedIn falë Hava Malokut
8 Maj '23
Kodi telefonik i Kosovës +383 deri tash ka qenë inekzitent në platformën më të madhe “online” të punësimit dhe biznesit në botë. Shqiptarja e vetme që punon në këtë kompani, Hava Maloku ka lobuar që kjo të ndryshojë. Që nga e premtja, kodi ndërkombëtar telefonik (prefiksi) i Kosovës (+383) tashmë është pjesë e çdo faqeje në platformën LinkedIn.
Hava Maloku, e cila ka pozitë menaxheriale në LinkedIn ka falënderuar kolegët e saj në LinkedIn që e kanë bërë të mundur këtë dhe ka theksuar rëndësinë për të ndikuar në prezencën e vendeve të vogla.
“Kodi i shtetit për Kosovën tashmë është vënë në dispozicion në çdo faqe të platformës së LinkedIn. Unë e vlerësoj punën e zellshme të ekipit të inxhinierisë që e mundësuan këtë. Të vish nga një vend i vogël ku je shpesh i nënpërfaqësuar, e di shumë mirë se si është të jesh i padukshëm. Të ndikosh në këtë nga ana e nga ana tjetër e tablos duket e pabesueshme tani”, ka shkruar Hava Maloku në profilet e saj në Facebook dhe Linkedin.
Hava Maloku konsiderohet një histori suksesi në SHBA . Ajo është shqiptarja e vetme që ka arritur të punësohet në platformën më të madhe “online” të punësimit dhe biznesit në botë, në “LinkedIn”, i cili ka aktualisht të punësuar mbi 21 mijë punëtorë. Ajo në LinkedIn menaxhon marketingun online përmes emalit dhe web faqeve për LinkedIn Premium.
Hava Maloku ka qenë pjesë e eventit më të madh të burimeve njerëzore, “Power to HR” që është organizuar nga KosovaJob më 23 shkurt në Kosovë. Në sesionin e saj ajo është fokusuar fushën e Brendimit të Punëdhënësit (Emplyer Branding), veçmas në teknikat dhe strategjitë e marketingut që duhen për një brendim të mirë të punëdhënësit. Këtu mund të ndiqni edhe një intervistë të Hava Malokut për AkademiPune ku ka shpalosur pak nga rrugëtimi i saj dhe ka dhënë disa këshille për të rinjtë kosovarë.
