Si të anuloni një intervistë pune?

24 Jan, 2020

Si të anuloni një intervistë pune?
	 	 

Mos shkuarja në intervista të punës, sidomos pa paralajmërim, mund të jetë e papranueshme për intervistuesit tuaj. Nëse një kompani e caktuar, ju ka ftuar për intervistë ndërkaq në atë periudhë ju nuk mund të shkoni për shkak të ndonjë urgjence apo obligimi shumë më rëndësi, keni parasysh se gjithmonë duhet të lajmëroni sa më herët që është e mundur. Kur anuloni një intervistë pune, mundohuni të keni komunikim sa më profesional me kompaninë dhe intervistuesin.

Hapat që duhet ndjekur kur dëshironi të anuloni një intervistë pune:

Lajmëroni intervistuesit sa më herët. Gjëja e parë që rekomandohet të bëhet në rast se nuk mund të shkoni në intervistë është të lajmëroni fillimisht kompaninë. Ekspertët thonë se në raste të tilla më e mira është nëse e telefononi direkt personin dhe jo të dërgoni ndonjë e-mail apo mesazh. Mundohuni gjithmonë të lajmëroni sa më herët sepse nëse lajmëroni vonë apo ditën tjetër, atëherë mund të mos keni më gjasa të bëheni pjesë e intervistës. 

Kërkoni falje. Mos shkuarja në intervistë të punës, patjetër që duhet të shoqërohet me kërkim falje. Tregoni intervistuesve tuaj se jeni të vetëdijshëm që kjo situatë mund të jetë një problem për të gjithë personat e përfshirë. 

Tentoni ta caktoni përsëri intervistën. Nëse në një ditë të caktuar nuk keni mundur të paraqiteni për intervistë por ju përsëri nuk dëshironi ta humbni mundësinë, lajmëroni intervistuesit nëse jeni të gatshëm të intervistoheni në një ditë tjetër. 

Nënvizoni detajet e intervistës. Kur telefononi ose dërgoni email, sigurohuni të cekni datën, kohën dhe vendin ku ka pasur për t'u mbajtur intervista. Rekruterët mund të punojnë më shumë kandidatë për pozita të ndryshme njëkohësisht, kështu që ju duhet ta bëni më të lehtë për ta që t'iu identifikojnë sa më shpejt. Kur vonoheni apo dëshironi ta anuloni plotësisht intervistën e punës, do të duhej ta ofroni një arsye, në të njejtën kohë të jeni sa më profesional.

Në vijim, ju sjellim një shembull të një email-i që mund ta dërgoni në rast se dëshironi ta anuloni plotësisht intervistën:

Përshëndetje (emri dhe mbiemri i personit adekuat),

Ju falemnderit që më keni ftuar për intervistë për pozitën e punës (shkruani emrin e pozitës së punës) në kompaninë tuaj (shkruani emrin e kompanisë).

Po ju shkruaj për t’ju lajmëruar se nuk mund të bëhem pjesë e intervistës për këtë pozitë, e caktuar me datën ( shkruani orën dhe datën kur u është caktuar intervista) në vendin (shkruani lokacionin ku ka pasur për t'u mbajtur dhe cekni edhe arsyet nëse mundeni).

Ju kërkoj ndjesë dhe e vlerësoj konsideratën tuaj,

Çdo të mirë!

(Emri dhe Mbiemri juaj)

Një shembull i emailit në rast se dëshironi të pyesni nëse është e mundur që intervista të caktohet për një ditë tjetër.

Përshëndetje i/e nderuar

Falemnderit që më keni kontaktuar lidhur me pozitën e punës ( shkruani emrin e pozitës së punës) të hapur në kompaninë tuaj ( shkruani emrin e kompanisë).

Me lejoni t’ju informoj se më duhet të anuloj intervistën e planifikuar më (shkruani datën dhe orën kur u është caktuar intervista) në ... (shkruani lokacionin e kompanisë apo vendin ku ka pasur për t'u mbajtur intervista dhe një arsye të shkurtër se pse nuk mund të jeni prezent).

A është e mundur të më caktohet intervista për një ditë tjetër. Nëse po, a mund të më njoftoni për datën dhe orën kur është e konvenueshme për ju?

Falemnderit për kohën!

Me respekt,

(Emri dhe Mbiemri juaj)

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Cilat janë ndër simptomat e para kur dikush preket nga Coronavirusi?
    A
    Probleme me frymëmarrje, kollitje, temperaturë
    B
    Probleme me shikim
    C
    Probleme me muskujt e trupit
    D
    Asnjëra nga këto
  • Ne jemi më të mbrojtur në këtë periudhë kritike nëse:
    A
    Takojmë më shumë miq
    B
    Udhëtojmë më shpesh
    C
    Qendrojmë në shtëpi
  • A zvogëlohen gjasat të prekeni nga Coronavirusi nëse pastroni duart më shpesh se zakonisht?
    T
    Po
    F
    Jo
  • A është i nevojshëm dezinfektimi i zyreve të punës nga kompanitë dhe bizneset e ndryshme?
    T
    Po, natyrisht
    F
    Nuk është edhe aq i nevojshem
  • A duhet personat e infektuar me CV19 të përdorin maska për të mos e përhapur virusin?
    T
    Jo, ata tashmë janë infektuar
    F
    Po, duhet të përdorin maska
  • Tashmë është e njohur se ky virus bartet nga njeriu në njeri.
    T
    E saktë
    F
    E pasaktë
  • Me cilën sëmundje ka ngjashmëri Coronavirusi?
    A
    SARS (Sindroma Akute e Rrugëve të Frymëmarrjes)
    B
    Ebola
    C
    HIV
  • Në cilën provincë të qytetit Wuhan zyrtarët botërorë të shëndetësisë besojnë se ka prejardhje ky virus?
    A
    Buhei
    B
    Chihei
    C
    Hubei
    D
    Wuhei
  • Cila supozohet se është njëra nga mënyrat që zvogëlon mundësinë e përhapjës masive të COVID-19?
    A
    Moti me temperatura të ulëta
    B
    Moti me temperatura të larta
    C
    Rreshjet e shiut
  • Sipas vlerësimeve aktuale të periudhës së inkubacionit, përafërsisht sa zgjat periudha midis infeksionit dhe fillimit të simptomave të këtij virusi?
    A
    Nga 1 deri në 3 ditë
    B
    Nga 1 deri në 14 ditë
    C
    Nga 1 deri në 7 dit
1
/
10
ARTIKUJ TË NGJASHËM
Si ta shkruani një email lamtumirës për stafin e punës (me shembuj)
Pasi të keni dhënë njoftimin zyrtar se do ta lini punën dhe t’i keni dërguar një letër dorëheqje punëdhënësit, ju mund ta dërgoni edhe një email të fundit për t'u përshendetur me pjesën tjetër të ekipit. Fillimisht, një email lamtumirës është i rëndësishëm për t’u dërguar sepse nënkupton sjellje të mirë dhe mirënjohje. Kur punoni për një kohë të gjatë në një kompani, ju mund ta keni krijuar një rreth të ngushtë të kolegëve. Si rrjedhojë, kur vendosni të largoheni nga një vend pune, ju mbase do të dëshironi t’i mbani kontaktet me njerëzit me të cilët keni punuar, e të cilët në të ardhmen mund të jenë edhe referenca të mira për ju.  Një email i tillë është po ashtu një mundësi për t’i falënderuar kolegët dhe menaxherët për kohën që keni kaluar bashkë me ta si dhe për të ofruar mundësi për të mbetur në kontakt. Ne vazhdim, ju sjellim disa këshilla se si ta përpiloni një email të mirë për t’ju thënë mirupafshim kolegëve. Tregoni mirënjohje. Një email lamtumirës fillimisht duhet të përçojë mirënjohje për ata me të cilët keni punuar. Në email, mundohuni të jeni sa më pozitiv dhe profesional. Shmangni mendimet negative që mund t’i keni dhe krijoni një përshtypje të mirë para se të bëni hapin tjetër në karrierë. Mos e dërgoni ditën tuaj të fundit. Të paktën një ose dy ditë para se të largoheni nga një vend pune, do të ishte mirë ta dërgoni emailin. Kjo do t’ju linte kohë kolegëve tuaj të reagojnë dhe të bëjnë pyetjet apo komentet që mund të kenë. Emaili le të jetë përmbledhës. Një email lamtumirës nuk rekomandohet të jetë shumë i gjatë. Mundohuni ta përmbledhni atë në dy ose tre paragrafe kryesore, duke i falënderuar bashkëpunëtorët, duke cekur numrin ku mund t’ju arrijnë në të ardhmen dhe shumë shkurt nënvizoni arsyen për rrugëtimin tuaj të ri. Kujt duhet t’i dërgoni emailin lamtumirës? Emailin lamtumirës këshillohet ta dërgoni tek të gjithë ata me të cilët keni pasur bashkëpunim gjatë kohës sa keni punuar në një organizatë, kompani apo institucion të caktuar. Mirëpo, nëse punoni për një organizatë shumë të madhe, ku numri i punonjësve është i lartë, atëherë emailin ku përshëndeteni me ekipin mund t’ia dërgoni vetëm kolegëve që janë pjesë e departamentit ku keni punuar. Nëse me ndonjërin prej kolegëve keni pasur një lidhje më të ngushtë, mund ta dërgoni një email të veçantë vetëm për atë. Ne ju sjellim dy shembuj të emaileve të tillë: Të dashur kolegë, Me lejoni që nëpërmjet këtij emaili, t'ju njoftoj që unë nuk do të jem më pjesë e kompanise (shkruani emrin e kompanisë ku jeni duke punuar). Arsyeja është se kam pranuar një mundësi tjetër e cila mendoj që do të ishte e duhura për karrierën që unë dua të ndjekë. Dita ime e fundit në kompani do të jetë pasnesër, me datën (shkruani datën e fundit që do të jeni akoma ne kompani).  Dua t'ju falënderoj të gjithëve për kohën që kemi kaluar bashkë dhe për bashkëpunimin e mirë që kemi pasur gjatë gjithë këtyre muajve. Jam shumë mirënjohës/e që kam takuar secilin prej jush.  Shpresoj që rrugët tona të lidhen përsëri në të ardhmen. Do të doja shumë të mbajmë kontakte. Mua mund të më arrini në këtë email (shkruani emailin tuaj personal) dhe në numrn tim të telefonit ( shkruani numrin e telefonit). Përzemërsisht, (Shkruani Emrin dhe Mbiemrin tuaj) Një shembull i një emaili që mund ta dërgoni tek një koleg/e me të cilin/cilën keni qenë pak më i/e afërt: Tung (shkruani emrin e kolegut/kolegës që po ia drejtoni emailin) Me lejo të të njoftoj që kam marrë një ofertë tjetër të punës dhe dita ime e fundit në kompani (cekni emrin e kompanisë) do të jetë (shkruani ditën e fundit). Të jam shumë falëndëruese për kohën që kemi kaluar bashkë, për mbikqyrjen dhe mbështetjen tënde të vazhdueshme. Kam mësuar shumë gjëra të reja gjatë punës tonë bashkë. Nëse është e konvenueshme edhe për ty, para largimit tim, do të kisha dëshirë të takohemi për kafe. Do të doja gjithashtu të mbetemi në kontakt. Emaili dhe numri im personal janë ( shkruani të dhënat). Përsëri, faleminderit për gjithçka! Gjitha të mirat (Shkruani emrin tuaj)
Lexo më shumë
8 profesionet më të rrezikshme për vitin 2019
Shpeshherë hasim në situata të cilat mund të na e rrezikojnë jetën, e kjo veçanërisht lidhet me punën e përditshme të cilën e bëjmë. Pothuajse çdo profesion e ka rrezikshmërinë e vet. Disa punë më shumë, e disa më pak. Mirëpo, cilat janë profesionet që vlerësohen si me të rrezikshmet për vitin 2019, kjo përcaktohet nëpërmjet shkallës së vdekshmërisë. Sipas Këshillit Kombëtar të Sigurisë, industritë me rrezikun më të madh të lëndimve janë transporti, prodhimi, ndërtimi, policët dhe zjarrfikësit. Së fundmi,  Zyra Amerikane e Statistikave të Punës, ka bërë llogaritjet e shkallës së vdekshmërisë së disa profesioneve, me numrin e vdekjeve për 100,000 punëtorë. Bazuar në këto statistika, 8 punët më të rrezikshme të vitit 2019 janë: Dru prerësit. Puna e prerjes së drunjve konsiderohet si profesioni me i rrezikshëm për vitin 2019. Shkalla e vdekshmërisë është 135.9 lëndime fatale në punë për 100,000 punëtorë, që është e barabartë me 91 vdekje totale gjatë një viti. Peshkatarët. Si profesioni i dytë më i rrezikshëm i vitit 2019, peshkatarët kanë shkallën e vdekshmërisë 86 vdekje për 100,000 punëtorë. Shkak i vdekjeve të tyre zakonisht janë moti i keq, aksidentet e transportit ose makineritë e këqija. Pilotët e avionëve dhe inxhinierët e fluturimit. Profesioni i pilotit mesatarisht arrinë 55.5 shkallën e lëndimeve, 75 viktima në një vit dhe pothuajse të gjitha vdekjet shkaktohen nga përplasjet e avionëve. Çati punuesit. Puna e çatisë konsiderohet puna e katërt më e rrezikshme. Shkalla e vdekshmërisë për këtë profesion është 48.6, më shumë se 100 vdekje çdo vit. Thuhet se shumica e çati punuesve vdesin ngase biejnë nga pullazet. Mbledhësit e plehrave. Mbledhja e plehrave dhe riciklimeve është një punë e nevojshme, por në të njejtën kohë edhe shumë e rrezikshme. Shkalla e vdekshmërisë shkon në 34.1. Drejtuesit e kamionëve dhe shoferët e tjerë. Puna në timon është gjithmonë e rrezikshme edhe nëse shkojme diku qoftë për një orë. Ky rrezik shkon e rritet kur vozisim gjatë gjithë ditës për punë. 918 vdekje alarmante çdo vit e bëjnë këtë profesion të ketë numrin më të madh të vdekjeve në çdo vend pune. Fermerët. Pavarësisht zhvillimit teknologjik, fermerët akoma duhet të punojnë me pajisje dhe makineri të rënda. Ata gjithashtu punojnë me një shumëllojshmëri automjetesh, siç janë traktorët dhe kositësit e lëndinave. Mirëmbajtësit e tokës. Mirëmbajtësit e tokës janë vazhdimisht të ekspozuar ndaj elementeve dhe pajisjeve të mprehta, çka rezulton me një shkallë vdekshmërie prej 17.4.
Lexo më shumë
1 Maji: Si nisi Dita Ndërkombëtare e Punëtorëve?
1 Maji njihet ndryshe edhe si Dita Ndërkombëtare e Punëtorëve. Çdo vit, në këtë ditë, në mbarë globin njerëzit marshojnë nëpër rrugë për të përkujtuar 1 Majin dhe për të kërkuar kushte më të mira të punës. Por si nisi 1 Maji, cila është rëndësia e kësaj dite? Për vite me radhë, klasa punëtore e Shteteve të Bashkuara të Amerikës ishte vazhdimisht në përpjekje për ta bërë ditën e punës 8-orëshe. Gjatë asaj periudhe, punëtorët punonin në kushte të rënda, puna ishte prej 10 deri në 16 orë në ditë, dhe vdekjet ishin të zakonshme në vendin e punës.  Me 1 maj të vitit 1886, sindikatat e punës në SH.B.A. vendosën të mbajnë grevë, me kërkesën që punëtorët të mos punojnë më shumë se 8 orë në ditë. Në ditët e para protesta ishte paqësore. Tre ditë pasiqë filloi greva, një shpërthim i madh ndodhi në Sheshin "Haymarket" të Chicagos, ku mbetën edhe disa të vdekur. Kjo ngjarje e bëri 1 Majin ditën e përkujtimit të luftës dhe përpjekjeve të punëtorëve për të fituar të drejtat dhe liritë e tyre.  Tre vjet më vonë, në vitin 1889, Konferenca Ndërkombëtare Socialiste, deklaroi zyrtarisht 1 majin Ditë Ndërkombëtare të Punës. Ndërkaq në Evropë, vendimi që 1 maji të shënohet çdo vit dhe në të gjitha vendet të njihet si "Dita e Punëtorëve“ u mor në vitin 1891 në Bruksel.  Sot, kjo datë në shumë vende të botës, ende shënohet me protesta. 
Lexo më shumë
Të jesh mikrobiolog në Kosovë, rrëfimi i Lul Rakës
Mikrobiologiia si shkencë arrin të përçojë tek njeriu një mesazh më ndryshe të jetës. Ajo na mëson se bota nuk përbëhet vetëm nga qeniet e fuqishme, të dukshme e të mëdha por edhe nga miliarda grimca, të cilat ndonëse të padukshme për syrin e njeriut, janë pjesë e botës së gjallë të universit tonë. Se si jetojnë këto grimca, si dhe pse ndërlidhet ngushtë jeta e njeriut dhe gjallesave të tjera me to, si janë të ndërtuara dhe çfarë funksioni kryejnë; janë vetëm disa nga pyetjet për të cilat jep përgjigje shkenca e mikrobiologjisë. Njëri nga mikrobiologët më të njohur në Kosovë, profesori i Mikrobiologjisë dhe Kontrollit të Infeksioneve në Universitetin e Prishtinës, Lul Raka, na njeh me shumë me këtë shkencë. Gjatë një intervistë me AkademiPune, ai foli më shumë rreth profesionit të një mikrobiologu, si dhe rreth përparësive dhe sfidave në karrieren e tij si mikrobiolog. Dëshira për të gjurmuar botën e mikrobeve dhe pasioni për kërkime aplikative shkencore ndikuan që ai të zgjedhte profesionin e mikrobiologut. Ndërkaq, ajo që i pëlqen më shumë në punën e tij është puna ekipore dhe pjesëmarrja në projekte të bashkëpunimit profesional dhe shkencor me kolegë nga e gjithë bota. Pothuajse në çdo profesion apo karrierë, sfidat janë pjesë e rrugëtimit. Puna si mikrobiolog është po ashtu sfiduese, kërkon dedikim dhe ka shumë përgjegjësi. Si një prej sfidave më ndryshe gjatë rrugëtimit të tij në karrierën si mikrobiolog, ai përmend udhëtimin për në Afrikë gjatë epidemisë së Ebolës. “Sfida më e madhe është shfrytëzimi i arsenalit informues në përmirësimin e cilësisë së shërbimeve mjekësore në Kosovë, përkundër kapaciteteve të kufizuara shëndetësore në vend. Pengesa ka gjithfare, por më interesante ka qenë përvoja në epideminë e Ebolës në Afrikë gjatë vitit 2014“ Kohët e fundit, kur e gjithë bota ka qenë në përballje me virusin e padukshëm COVID – 19, mikrobiologu Lul Raka ka pasur një rol të rëndësishëm në informimin, vetëdijësimin dhe këshillimin e popullatës në Kosovë rreth kësaj pandemie. Ai thotë se të panjohurat e shumta rreth këtij virusi, kanë qenë po ashtu një sfidë e madhe në informimin e saktë të popullatës. “ Informata e saktë është një prej armëve kryesore në përballjen me pandeminë e COVID-19 dhe një prej shtyllave kryesore të përgjigjes ndaj pandemisë aktuale. Virusi i ri, të panjohurat e shumta rreth tij, kanë qenë sfidat kryesore në informimin e drejtë të popullatës.” Krahas sfidave, karriera në mikrobiologji ka edhe shumë përparësi që e bëjnë profesionin interesant dhe me perspektivë. Trajtimi dhe parandalimi i sëmundjeve të shkaktuara nga bakteret, viruset, e mikroorganizmat e tjerë është i mundshëm vetëm për shkak të mikrobiologjisë. “Përparësi e profesionit është diagnostika mikrobiologjike, pa të cilën nuk ka përgjigje efikase në trajtimin e sëmundjeve ngjitëse dhe kërcënimeve tjera shëndetësore”, shprehet Raka. Pandemia COVID-19 ka ndërruar dukshëm mënyrën e jetëses së shumë njerëzve edhe në Kosovë. Shumë punëtorë kanë vazhduar punën nga shtëpitë, e shumë të tjerë kanë mbetur edhe pa punë. Lul Raka ka disa sugjerime për të gjithë njerëzit, e kryesisht punëtorët,  se si të veprohet pas pandemisë ndërsa Kosova është tashmë afër fillimit të fazës së dytë të lehtësimit të masave. “Për të gjithë njerëzit, përfshirë edhe punëtorët, duhet të vazhdojnë masat parandaluese deri në gjetjen e vaksinës. Për fillim, aty ku ka mundësi, preferohet që punëtorët të vazhdojnë të punojnë nga shtëpia. Kurse, pas kthimit në vendet e punës ata duhet të vazhdojnë zbatimin e masave parandaluese siq janë distanca sociale, vendosja e maskave ose mburojave të fytyrës, shmangia e tubimeve të mëdha të njerëzve dhe higjiena e duarve. Pas pandemisë duhet të analizojmë detajisht mësimet e nxjerra dhe të adresojmë të gjitha mangësitë e identifikuara” Krejt në fund, ai ka edhe një këshillë për të gjithë ata që duan ta ndjekin karrierën në mikrobiologji “Ndiqeni ëndrrën tuaj dhe mos u dorëzoni asnjëherë”, përfundoi Raka. Lul Raka, së fundmi ka pranuar çmimin "Europiani i Vitit 2020", një çmim ky që ndahet çdo vit nga Bashkimi Europian në Kosovë, me rastin e Ditës së Evropës.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.