Si t’i përfundoni disa biseda të stërgjatura në mënyrë të sjellshme?

3 Shtator '21

Si t’i përfundoni disa biseda të stërgjatura në mënyrë të sjellshme?
	 	 

Pyetja më e shpeshtë është si ta fillojmë bisedën me dikë të ri, çfarë të flasim? Por pasi të jemi përfshirë në bisedë e kuptojmë që biseda po stërgjatet dhe është pakëz e vështirë për t’u shkëputur prej saj, e në anën tjetër takimet e punët e tjera po presim. Kjo është pjesë e vështirë, sepse shumica e njerëzve ndihen keq për ta përfunduar bisedën të parët. Prandaj, mëso që në hapa të sjellshëm t’i japësh shenjat që bisedat tashmë ka përfunduar!

Si t’i përfundoni bisedat e eventeve?

Ka disa metoda për “mirupafshim” të sjellshme, gjatë eventeve të rrjetëzimit.

  • Prezantoni personin që po flisni me të me dikë që do të ishte interesant në atë ngjarje. Në këtë mënyrë do të largoheni, por edhe do t’i bëni nder atij për ta takuar dikë të ri.
  • Thuani që është dikush aty pari që po mendoni të flisni me të dhe se ishte kënaqësi biseda me të!
  • Ofroni shndërrim të kontakteve duke i dhënë vizitkartën, emailin apo edhe profili e LinkedIn! Po ashtu duke ia kërkuar edhe atij/asaj.
  • Thuani partnerit të bisedës nëse dëshiron diçka dhe të ndihet i lirë të ua thotë! Pastaj drejtohuni tek dikush tjetër!
  • Bëni që bashkëbiseduesit të ndihet shumë mirë duke i thënë “Ishte kënaqësi e madhe që të flisja me ju! Do t’ju kujtoj!”

Si ta përfundoni ndonjë bisedë në zyre?

“Përshëndetje, si je?” është përshëndetja më e zakonshme që bëhet në vendet e punës, por çka nëse kolegu/kolegia ju zë në një kënd duke ua shpjeguar gjithë fundjavën?

Pasja e ndonjë projekti urgjent ose ndonjë takim që duhet të shkoni është mënyra më e lehtë për t’u shkëputur. Po ashtu, mund ta rezervoni një kohë tjetër për bisedë duke i thënë atij/asaj “Do të dëshiroja ta dëgjoja pjesën tjetër rreth udhëtimit! A mund të takohemi për kafe pasditë?”

Si ta përfundoni bisedën në telefon?

Shkëputja e një bisede telefonike, me arsyetimin që keni një thirrje tjetër, apo takim është arsyeja më e pranueshme për bashkëbiseduesin. Sigurohuni që edhe njëherë ta përsëritni qëllimin e telefonatës, psh “Pra do të shihemi të martën në orën 2:00” ose “Do të shoh që ta siguroj sa më parë atë raport”! Në këtë mënyrë biseda përfundon duke u thirrë në veprim.

Një formë tjetër është edhe që koha e bisedët të caktohet që nga fillimi, psh “Kam takim në orën 1:30, kështu që më duhet që të bëhem gati në oren 1:15” ose “Sa kohë keni për të biseduar?” janë mënyra të mrekullueshme për ta përfunduar biseden.

Si ta përfundoni ndonjë thirrje me video?

Është pak më e vështirë për ta përfunduar thirrjen me video. Kjo mënyrë është pak a shumë si bisedat e eventeve, vetëm se nuk keni ku të shkoni.

  • Ashtu si edhe në thirrje telefonike, mund ta vendosni një limit, duke u arsyetur që keni ndonjë takim apo thirrje të radhës.
  • Mund të thoni që po i duheni dikujt shpejt!
  • Përpiquni ta pyesni bashkëbiseduesin nëse ka ndonjë pyetje tjetër, nëse ai thotë se nuk ka, atëherë është koha që ta përfundoni bisedën. Por, nëse thotë që ka, përgjigjuni dhe pastaj thoni që ishte kënaqësi që mund të përgjigjenit në pyetje dhe tregoni që është koha të ikni!

Si t’i përfundoni emailet e vazhdueshme?

Bisedat me email mund të jenë me grackë nganjëherë. Nëse emaili është shumë i detajuar dhe fillon të bëhet i pakapshëm, sugjeroni që atë bisedë ta vazhdoni në telefon apo me video! E nëse keni një kohë për të arritur në takim, atëherë sigurohuni që t’i zgjidhni ato fjalë që tregojnë fundin e bisedës! “Epo shumë mirë, faleminderit shumë për detajet! Do të dëgjohemi në vazhdim!

Por, mos harroni që gjithmonë emailin ta përfundoni me përshëndetjet si: “Faleminderit”, “Sinqerisht”, “Gjitha të mirat” etj. /Akademi Pune

KosovaJob is the largest local network certified by Bureao Veritas with ISO 9001:2015 for Quality Management
Copyright © 2022 - KosovaJob LLC