8 PROFESIONET MË TË MIRA PËR NJERËZIT INTROVERTË

19 Sep, 2019

8 PROFESIONET MË TË MIRA PËR NJERËZIT INTROVERTË
	 	 

Për dallim nga personat ekstrovertë të cilët përshkruhen si njerëz komunikativë dhe shumë të shoqërueshëm, introvertët kryesisht konsiderohen njerëz më të mbyllur në vete, më të turpshëm, më fjalëpak apo më përzgjedhës në shoqëri.  

Edhe në ambientet e punës, introvertët ka gjasa të paragjykohen sepse ndonjëherë mund të mos tregojnë shumë entuziazëm apo të mos bëjnë ndonjë përpjekje për të qenë më bashkëpunues - si të tillë cilësohen anti-social, e nganjëherë edhe të ngadalshëm.

Mirëpo, introvertët punën më të mirë e kryejnë duke qenë të pavarur dhe në qetësi, dhe pavarësisht teorive ata jo gjithmonë janë të turpshëm apo shumë të pashoqërueshëm. Personalitetet introverte kanë nevojë të mendojnë më shumë para se të flasin apo të nxjerrin ndonjë përfundim, kanë nevojë për më shumë përqëndrim dhe ndonjëherë edhe të rrinë vetëm për t’u mbushur me energji.

Introvertët mund të kenë karrierë të sukseshme në shumë profesione. KosovaJob ju sjellë disa nga punët më të mira që mund t’iu përshtaten njerëzve introvertë.

  • Kontabilistë. Ata janë të gatshëm të menaxhojnë shumë mirë të dhënat, raportet financiare, politikat e llogaritjes etj.
  • Psikologë. Introvertët janë gjithmonë të gatshëm për të dëgjuar pafund. Kësisoj, puna me njerëz të cilët mund të kenë probleme me depresion, me ankth, çrregullime në ushqim, autizëm apo në përgjithësi probleme mendore, është ideale për introvertët.
  • Krijues përmbajtjesh / shkrimtarë teknik. Introvertët konsiderohen shumë kreativë. Ata mund të jenë të aftë të krijojnë shkrime të stileve të ndryshme. Shkrimtarët teknik mund të përgatisin manuale, artikuj të ndryshëm, dokumente procedurale, etj.
  • Redaktorë. Të qenurit detajist, është një tjetër tipar i këtij personaliteti. Ata mund të jenë shumë të zotë në përmirësimin e gramatikës apo gabimeve në stilet e shkrimit dhe rregullimin e tyre para publikimit.
  • Dizajnerë grafik. Duke qenë më fjalëpak dhe kreativë, introvertët mund të arrijnë t’i komunikojnë shumë mirë idetë dhe të përcjellin mesazh nëpërmjet vizualizimeve, mjeteve të ndryshme digjitale si websiteve, aplikacioneve, posterëve etj.
  • Programerë dhe inxhinierë softuerësh. Introvertët e duan pavarësinë. Puna si programer i përshtatet një njeriu introvert. Ata mund menaxhojnë sigurinë dhe funksionimin e sistemeve të informacionit të një organizate. 
  • Bibliotekistë. Introvertët më se shpeshti përshkruhen edhe si libradashës. Kohën më cilësore e kalojnë duke lexuar libra të zhanreve të ndryshme. Prandaj, puna në bibliotekë do t’i përshtatej shumë mirë një introverti sepse ata janë shumë të gatshëm të ndihmojnë në gjetjen e librave dhe informacioneve si dhe të mbikqyrin më shumë kënaqësi aktivitetet apo ngjarjet në biblioteka.
  • Menaxherë të rrjeteve sociale. Një introvert mund të planifikojë, zhvillojë kampanja dhe të krijojë përmbajtje për rrjete sociale më mirë se të gjithë njerëzit e tjerë.
Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Analiza moderne e ADN-së, e njohur si procesi PCR-STR, ka qenë e njohur që nga viti _______.
    A
    1940
    B
    1970
    C
    1980
    D
    2000
  • Cili nga këta autorë e ka përkufizuar në këtë formë kriminalistikën: "Kriminalistika është shkenca që studion dukuritë reale që kanë të bëjnë me përmbajtjen e të drejtës penale"?
    A
    Hans Gross
    B
    Skënder Begeja
    C
    Werneer Hofmann
  • Kur një i dyshuar nuk është prezent personalisht, çfarë mund të testohet në vend të ADN-së?
    A
    Lapsi i tij
    B
    Një sipërfaqe në shtëpi
    C
    Furça e dhëmbëve
  • Sa orë duhet të kalojnë që nga lënia e gjurmës e deri sa të vijë qeni në vendin e ngjarjes?
    A
    Jo më shumë se 6-8 orë
    B
    Jo më shumë se 1-2 orë
    C
    Jo më shumë se 3-4 orë
    D
    Jo më shumë se 12 orë
  • Cila nga këto nuk përmban ADN?
    A
    Urina
    B
    Djersa
    C
    Gjëndrat e flokëve
    D
    Lëkura
  • Pas vdekjes, gjaku grumbullohet në pikat më të ulëta të trupit. Si quhet një gjë e tillë?
    A
    Gravitet
    B
    Livor mortis
    C
    Erthyemia
  • Cila nga këto është një ndër qëllimet e kriminalistikës?
    A
    Mbrojtja e shoqërisë nga kriminaliteti
    B
    Mbrojtja e personave që kryejnë vepra kriminale
    C
    Mbrojtja e personave që nuk kanë kryer vepra kriminale
  • Veprat penale mund të kryhen me:
    A
    Hamendje
    B
    Veprim dhe mosveprim
    C
    Asnjëra nga këto
  • Cilën nga këto nuk e kanë të njejtë binjakët identikë?
    A
    ADN-në mitokondriale
    B
    Tipin e gjakut
    C
    Shenjat e gishtave
  • Si nisë metoda e hetimit të delikteve të gjakut?
    A
    Me njohjen e kufomës (rregullimin, spastrimin e kufomës)
    B
    Me vrojtimin e vendit të ngjarjes
    C
    Me marrjen në pyetje të të dyshuarit
1
/
10
ARTIKUJ TË NGJASHËM
Si të jeni më produktivë në punë ditën e hënë?
Për shumë njerëz, dita e hënë mund të jetë më e lodhshme se zakonisht. Kemi dëgjuar shpesh persona që ankohen për ditën e hënë, kjo pasi që ata kthehen në punë pas dy ditëve pushimi në fundjavë. Kësisoj, dita e hëne shpesh shihet si ditë më sfiduese ndër ditët e tjera të javës. Mirëpo, fillimi i mirë i ditës së hënë mund të ndikojë edhe në mbarëvajtjen e javës. KosovaJob, ju sjellë disa këshilla që mund t’ju ndihmojnë që të jeni më të organizuar dhe të filloni javën në mënyrë të duhur: 1. Planifikoni fundjavën disa ditë më parë Një fundjavë e mirë mund të ndikojë që fillimi i javës të jetë produktiv. Gjatë ditëve të pushimit, mundohuni të bëni ndonjë aktivitet që ju sjellë kënaqësi, kaloni sa më shumë kohë me familjarët dhe miqtë tuaj. Shumë pozitivisht do të ndikonte edhe nëse vizitoni ndonjë vend të ri. 2. Shfrytëzojeni mbrëmjen e ditës së premte si parapërgatitje për të hënën Në mënyrë që ta filloni mbarë të hënën, shfrytëzoni ditën e premte si parapërgatitje për detyrat që planifikoni t’i kryeni gjatë ditës së hënë dhe javës në vazhdim. Kësisoj, ju do të keni një planprogram paraprak më lehtë të menaxhueshëm. 3. Merruni me ndonjë aktivitet sportiv Siç e dimë, sporti largon energjinë negative, ndihmon që të kemi më shumë energji dhe të ndihemi më mirë dhe të relaksuar. Kështu që, nëse gjatë fundjavës merreni me ndonjë aktivitet sportiv, do të nënkuptonte që ditën e hënë në punë ta filloni më të motivuar dhe më pozitivë. 4. Sigurohuni të bëni gjumë të rehatshëm    Gjumi është pjesë shumë e rëndësishme e jetës. Një gjumë i mirë nënkupton që jeni më të pushueshëm dhe të gatshëm për ditën e radhës. Prandaj ditën e diel shkoni për të fjetur pak më herët se zakonisht dhe sigurohuni të bëni gjumë të mjaftueshëm, në mënyrë që të zgjoheni të pushueshëm dhe me më shumë energji. 5. Planifikoni diçka pas orarit të punës Mos mendoni vetëm se si ta tejkaloni ditën e hënë sa më parë, sikur të ishte ajo një ditë e parëndësishme e javës. Planifikoni gjëra tjera që ju pëlqejnë edhe pas orarit të punës si takimi me shoqëri, përgatitja e ushqimit tuaj të preferuar apo shikimi i ndonjë programi televiziv që pëlqeni.  /KosovaJob
Lexo më shumë
Cilësitë e menaxherëve të suksesshëm të shitjes
Nuk është e pazakontë që punonjësi më i dalluar në ekip të promovohet në rolin e një menaxheri të shitjeve. Në fund të fundit, ky person është dikush që ka zotëruar shitjet, kështu që ai duhet të jetë njeriu i duhur për të drejtuar një ekip shitjeje, apo jo? Menaxhimi i shitjeve kërkon qëndrim dhe aftësi krejtësisht të ndryshme nga shitjet. Prandaj, para se të konsideroni të ndjekni një karrierë të menaxhimit të shitjeve, pyesni veten nëse i posedoni atributet e mëposhtme. Një menaxher i sukseshshëm i shitjes ka cilësi të ndryshme, ndër to janë: Puna e mirë me të tjerët Shumë agjent të shitjes preferojnë të punojnë vetëm. Ata preferojnë ndjenjën e pavarur të të qenit në telefon ose jashtë në takim me ndonjë klient, duke ndjekur perspektivat e tyre. Mirëpo, për dallim nga agjenti i shitjes, në rolin e menaxherit nga ju kërkohet që të punoni ngushtë me njerëzit e tjerë gjatë gjithë ditës. Jo vetëm që duhet të punoni me ekipin tuaj, gjithashtu do të pritet nga ju të raportoni në menaxhimin e sipërm rregullisht. Ju do të duhet të keni aftësi të shkëlqyera dëgjimi dhe komunikimi, duke qenë se jeni gjithashtu një menaxher i njerëzve (duke punuar ngushtë me të tjerët), do t'ju duhet t'i tregoni bashkëpunëtorëve që interesoheni për ta. Kjo nënkupton komunikimin e vazhdueshëm me secilin anëtar të ekipit në mënyrë efektive dhe me qasje të duhur. Aftësitë dhe përvoja në menaxhim Pak njerëz që punojnë në industrinë e shitjes kanë ndonjë përvojë me menaxhimin. Sigurisht, të gjithë duhet të fillojnë diku me ndonjë aftësi të re, por kalimi në menaxhimin e shitjeve pa përvojë menaxhimi e bën tranzicionin më të vështirë. Aftësitë si komunikimi, empatia dhe administrimi i njerëzve, janë shumë të rëndësishme nëse në të ardhmen pretendoni të jeni menaxher në çfardo fushe, e veçanërisht nëse doni të jeni menaxher i shitjes. Mbajtja e mbledhjeve Natyra e punës kërkon që menaxherët e shitjes të marrin pjesë në shumë mbledhje. Jo vetëm që një menaxher i fushës së tillë drejton takimet e rregullta të shitjeve, ai gjithashtu ka takime me secilin anëtarë të ekipit, si dhe takime me menaxhmentin e sipërm. Gjatë mbledhjeve menaxheri është përgjegjës për koordinimin e pikave për diskutim, si dhe mbarëvajtjen e takimit. Ndërtimi dhe përmirësimi i ekipit Menaxherët e suksesshëm të shitjes nuk ndalen kurrë në përpjekjet për të përmirësuar ekipin e tyre. Ata marrin kohën e nevojshme për të zhvilluar vazhdimisht aftësitë e anëtarëve të ekipit. Ata besojnë se trajnimi i vazhdueshëm dhe zhvillimi profesional është një domosdoshmëri, dhe se trajnimi i ekipit është një investim i nevojshëm. Optimist dhe me humor të mirë E vërteta është se asnjë punonjës nuk do të dëshironte punën me një menaxher që nuk ka qasje miqësore me ta. Pra, është e rëndësishme që një menaxher të ketë sens optimizmi dhe humori. Këto janë cilësi kryesore e një udhëheqësi, dikush që mund të shohë anën e ndritshme edhe nëse gjërat nuk shkojnë nganjëherë sipas planit./AkademiPune
Lexo më shumë
Sa ka rëndësi në punësim posedimi i një profili në LinkedIn?
LinkedIn është një rrjet profesional i mediave sociale, ku përdoruesit krijojnë profile që theksojnë përvojën e tanishme dhe të mëparshme të punës. LinkedIn po ashtu ju mundëson të shpërndani informata në lidhje me punë me përdorues të tjerë, si dhe të keni një listë online të kontaktuesve tjerë. A e dini se LinkedIn, si platformë ekziston më përpara se Facebook, Twitter, Snapchat dhe Instagram? Kohëve të fundit LinkedIn ka një shpërndarje të madhe me mbi 500 milion përdorues në mbarë botën. Profili juaj në LinkedIn është aspekt shumë i rëndësishëm se si paraqiteni online. Ju mund ta përdorni atë për t'u lidhur me njerëzit në rrjetin tuaj. Rekrutuesit shpesh e përdorin atë për t'ju gjetur kur janë duke kërkuar kandidatë potencial që i përgjigjen kërkesave të një kompanie të caktuar. Profili juaj përfshin detaje në lidhje me kualifikimet tuaja të punës, historinë e punësimit, arsimin, aftësitë dhe përvojën. Për të përfituar sa më shumë nga LinkedIn, është e rëndësishme të bëni profilin tuaj të LinkedIn sa më gjithëpërfshirës dhe bindës.Nëse doni që profili juaj në LinkedIn të duket sa më profesional dhe i përditësuar, është mirë që t’i ndjekni këto rregulla: 1. Shkruani një profil gjithëpërfshirës Nëse ende nuk keni krijuar një profil, atëherë është koha ta bëni një gjë të tillë. Është e rëndësishme që profili juaj të jetë i kompletuar, i detajuar mirë dhe i lexueshëm. Ju duhet ta konsideroni profilin tuaj të LinkedIn si një CV tuaj online. Profili duhet të ketë të gjitha informatat e ngjajshme që i keni të shkruara në CV-në tuaj. 2. Theksoni përvojën tuaj në përmbledhje Te pjesa e përmbledhjes së profilit tuaj është një mënyrë e shkëlqyeshme për të theksuar atë që ju bënë unik dhe të domosdoshëm për tregun e punës. Mos harroni titullin, pasi është në krye të faqes kur dikush shikon profilin tuaj. Po ashtu, është e rëndësishme të përmendni çertifikatat profesionale që i keni marrë nga trajnimet paraprake, aftësitë gjuhësore ose arritjet kryesore. Sa më profesional të jetë profili juaj, aq më shumë shtohen gjasat që të kontaktoheni nga ndonjë rekruter apo kompani serioze. 3. Shfaqni aftësitë tuaja Profili juaj ka gjasa më të mëdha të shikohet nëse aty përfshihen aftësitë tuaja. Përqendrohuni në aftësitë që nxjerrin në pah asetet tuaja më të forta dhe që janë më të rëndësishme për qëllimet tuaja të karrierës. Këtë mund ta bëni duke lexuar përshkrimet tuaja të kaluara të punës, ose duke hulumtuar përshkrimet e vendeve të punës që ju kërkoni. Po ashtu, mund të përfshini ndonjë fjalë kyçe që përshkruan aftësitë dhe përvojën tuaj. 4. Kërkoni rekomandime Rekomandimet nga njerëzit me të cilët keni punuar kanë shumë peshë. Një mënyrë për të marrë rekomandime është që edhe ju t'i jepni ato. Kur ju rekomandoni një anëtar të LinkedIn, ju po dëshmoni për kualifikimet e tyre dhe njerëzit pëlqejnë të rekomandohen. Prandaj nëse ju rekomandoni të tjerët, mundësitë janë të mëdha që edhe ata t’ju rekomandojnë. /Akademi Pune
Lexo më shumë
Kthimi në punë përderisa pandemia ende nuk ka përfunduar
Pandemia dhe pasojat e saj do të jenë një nga sfidat më të mëdha të biznesit të kohës sonë. Për të vazhduar operacionet duke minimizuar rrezikun për punonjësit, shumica e kompanive kanë përshtatur mënyra të reja të punës nga shtëpia varësisht nga natyra e punës.Askush prej nesh me të vërtetë nuk e di se si do të duket jeta jonë kur gjërat fillojnë të kthehen në "normalitet". Një gjë duket e sigurt, puna do të duket ndryshe për një kohë.Punëdhënësit dhe menaxherët mbajnë përgjegjësinë kryesore për të drejtuar kompanitë e tyre përmes kësaj kohe. Varet nga ata që të përcaktojnë se si dhe kur të fillojnë detyrën komplekse të kthimit në vendin e punës pasi të jenë larguar në tërësi kufizimet e qeverisë.A do të praktikohet distanca sociale? Shëndeti dhe siguria e punonjësve duhet të jetë prioritet i kompanive. Kjo natyrisht se është një shqetësim moral, etik dhe ligjor për të gjitha kompanitë. Nga këndvështrimi i biznesit, mbrojtja e mirëqenies së punonjësve është thelbësore sepse asnjë plan për të rifilluar operimet normale nuk mund të ketë sukses pa ta. Punonjësit padyshim se llogarisin në kompanitë e tyre për t'i ndihmuar të rikthehen në punë pa rrezikuar shëndetin e tyre. Përderisa kufizimet e lëvizjes po zbuten, kompanitë do të duhet të kuptojnë dhe zbatojnë pajtueshmërinë me urdhrat e pushtetit lokal si dhe atij qendror. Meqenëse këto rregulla ndryshojnë sipas vendndodhjes dhe ndoshta nuk do të jenë të aplikueshme njëzëri, drejtuesit e kompanive duhet të planifikojnë një varg metodash bazuar në natyrën e punës dhe vendin ku zhvillohet puna. Tranzicioni nga puna prej shtëpisë në atë nga zyrja Si punëdhënësit ashtu edhe punonjësit nuk do ta kenë të lehtë deri sa të stabilizohen dhe t’i kthehen punës siç ka qenë para përhapjes së pandemisë. Ja disa këshilla se si menaxherët mund të përballen me këtë ndryshim: Keni durim dhe fleksibilitet. Ka gjasa që ekipi juaj të ndihet i stresuar, qoftë për t'u rikthyer në zyrë ose për sfida më të përgjithshme, të shkaktuara nga pandemia. Ndihmoni dhe inkurajoni ekipin tuaj që ta ketë sa më të lehtë ta rifillojë punën. Krijoni një plan të detajuar. Punonjësit tuaj duan të dinë se çfarë të presin në të ardhmen. Krijoni një plan që përshkruan në detaje se si do të vazhdojnë detyrat në terma afatshkurtër dhe afatgjatë. Bëni këtë plan të disponueshëm për ekipin tuaj dhe përgjigjuni pyetjeve që mund të kenë ndaj jush. Vendosni pritshmëri të qarta për udhëzime dhe rregullore të reja. Sigurohuni që ekipi juaj të jetë i vetëdijshëm dhe t'i përmbahet masave të sigurisë dhe rregullave të reja. Ato duhet të komunikohen qartë dhe rregullisht në mënyrë që të gjithë të jenë të përditësuar me informatat e fundit. Si duhet të përballen punonjësit me situatën e re?Mos nxitoni nëse nuk jeni gati fizikisht ose emocionalisht. Siç diskutuam më lart, ekzistojnë arsye të ndryshme që mund t'ju bëjnë që ende mos jeni në gjendje të ktheheni në punë brenda zyrës. Komunikoni me menaxherin tuaj ose departamentin e HR për të diskutuar një plan veprimi të përshtatshëm. Qëndroni të kujdesshëm kur bëhet fjalë për procedurat e reja të sigurisë. Mos u shqetësoni për praktikat higjienike të sugjeruara. Ju jeni më të sigurtë përderisa vazhdoni t’i zbatoni rregullat si mbajtja e distancës dhe higjienës. Komunikoni qartë dhe shpesh. Sigurohuni që ju dhe menaxheri juaj keni komunikim të vazhdueshëm në lidhje me nevojat tuaja të punës. Nëse gjatë kësaj kohe keni nevojë për fleksibilitet mos hezitoni ta njoftoni. Thënja se ne jemi të gjithë së bashku kundër kësaj pandemie është përmendur disa herë, prandaj duhet të vazhdojmë ta përkrahim njëri tjetrin që ta tejkalojmë këtë situatë kritke. Mbështetuni në rrjetin tuaj të njerëzve dhe burimeve për t'ju ndihmuar ta keni sa më të lehtë kalimin përsëri në zyrë./AkademiPune
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.