5 gabime që duhet t’i shmangni kur kërkoni punë

24 Jun, 2020

5 gabime që duhet t’i shmangni kur kërkoni punë
	 	 

Shumica prej nesh jemi në dijeni se kërkimi i punës është një proces jo i lehtë, si emocionalisht ashtu edhe fizikisht. Nëse jeni në kërkim të punës suaj të parë ose të punës së ardhshme, do të ketë raste kur do shfaqni shenja lodhjeje dhe dorëzimi, ngase nuk mund ta gjeni punën që kërkoni. Ju nuk po merrni njoftime nga vendet e punës për të cilat keni aplikuar dhe filloni të pyesni veten nëse jeni madje i kualifikuar për atë pozitë të caktuar që tashmë keni aplikuar.

Mos u brengosni! Të gjithë kemi kaluar nëpër këto faza. Përderisa ky proces është i vështirë dhe nganjëherë konfuz, ju duhet t'i shmangni disa gabime eventuale që mund t'i bëni me ose pa vetëdije. Ja se çfarë duhet të shmangni kur jeni duke kërkuar punë:

1. Mos hulumtimi i kompanisë para se të aplikoni

Shumica prej nesh jemi sprovuar duke menduar se kemi gjetur vendin ideal të punës dhe befas ndjejmë nevojën për të aplikuar pa bërë ndonjë hulumtim për atë kompani në të cilën po aplikojmë.

Është mirë të gjesh punën që duket se është e përshtatshme, bazuar në përshkrimin, mirëpo nuk duhet të nxitoni.
Ndjekni këto rregulla para se të aplikoni për një vend pune:
* Vizitoni web faqen e kompanisë për të marrë informatat bazike rreth saj;
* Hulumtoni kompaninë në LinkedIn (nëse kanë llogari të hapur);
* Kontaktoni menaxherin e burimeve njerëzore të asaj kompanie për të marrë informata shtesë.

2. Mos hulumtimi i mesatares së pagave që ofron kompania

Një nga gabimet kryesore që mund të bëni është hulumtimi jo i duhur, normalisht çdokush dëshiron të paguhet më mirë sesa në punën paraprake, por nëse nuk hulumtoni rreth pagave mesatare të kompanisë mund të dëshpëroheni nëse merrni një ofertë që nuk ju konvenon. Prandaj, para se të filloni të aplikoni për punë, sigurohuni që të hulumtoni se si klasifikohen  pagat për atë pozitë që doni të aplikoni.

3. Mos identifikimi i dëshirave dhe nevojave tuaja

Një nga gjërat kryesore që duhet të dini është se përderisa kërkoni punë duhet t’i përgatitni  pyetjet që keni në një lsitë. Në këtë listë mund të përfshini pyetje rreth menaxhimit të kompanisë, kulturës, stilit të menaxhimit si dhe pyetje tjera përkatëse. Listimi i këtyre pyetjeve është i domosdoshëm nëse dëshironi që i tërë procesi i aplikimit e deri te dita e intervistës të shkoj ashtu siç keni planifikuar.

4. Aplikimi pa lexuar në detaje kriteret dhe natyrën e punës

Kur jeni në kërkim të punës për një kohë relativisht të gjatë, ju filloni të irritoheni dhe nganjëherë mund edhe të aplikoni në pozitën e parë të lirë që shihni. Kur jeni në kërkim të një vendi pune, sigurohuni që përshkrimet e punës prekin të gjitha ose të paktën shumicën e gjërave që ju nevojiten.

5. Nën-vlerësimi i vetes

Ju asnjëherë nuk duhet ta nën-vlerësoni veten. Prandaj, mos ngurroni t’i vëni në pah vlerat tuaja. Këtë mund ta bëni duke e shkruar një listë ku mund t’i renditni ato si në vijim:
*Përvojën tuaj
*Etikën tuaj të punës
*Njohuritë/aftësitë tuaja
*Devotshmërinë/pasionin tuaj

Të gjitha këto pika tregojnë se ju vleni. Para se të filloni kërkimin e punës tuaj sigurohuni që të keni të qartë se çfarë përfaqësojnë këto pika. Është mirë ta keni një listë të të gjitha arritjeve tuaja, kjo jo vetëm që do t'ju ndihmojë gjatë intervistës por gjithashtu do t'ju ndihmojë të mbani mend vlerën tuaj dhe gjithçka që keni realizuar në karrierën tuaj.

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Fjala Pedagogji rrjedh nga greqishtja që do të thotë:
    A
    Kuptimi i fëmijëve
    B
    Mësimi i fëmijëve
    C
    Edukimi i fëmijëve
    D
    Udhëheqja e fëmijëve
  • Pedagogjia është studim rreth?
    A
    Edukimit
    B
    Procesit mësimor
    C
    Metodave mësimore
    D
    Udhëzimit të nxënësve
  • Sipas John Dewey, shkollat duhet t’i përgatisin nxënësit për:
    A
    Jetën e tashme
    B
    Të ardhmen
    C
    Ndërmarrësinë
    D
    Hulumtimin
  • Një aftësi nëse praktikohet shpesh ajo bëhet më e ______
    A
    Dobët
    B
    Fortë
    C
    Ndërlikuar
    D
    Kërkuar
  • Fusha e studimit që ka të bëjë me ndërtimin e proceseve të mendimit, përfshirë kujtesën, zgjidhjen e problemeve dhe vendimmarrjen quhet:
    A
    Edukim
    B
    Epistemologji
    C
    Zhvillim kognitiv
    D
    Konstruktivizëm
  • Sipas teorisë së Jean Piaget mbi zhvillimin kognitiv, në cilën moshë fillon faza e veprimeve formale te fëmijët?
    A
    7
    B
    11
    C
    13
    D
    8
  • Kush është autor i librit “Demokracia dhe Edukimi”?
    A
    John Dewey
    B
    William McGuffey
    C
    Frederick Douglass
    D
    Jaime Escalante
  • Platoni besonte se talenti dhe inteligjenca:
    A
    Janë të shpërndara gjenetikisht
    B
    Janë të shpërndara sipas gjinisë
    C
    Nuk janë të shpërndara gjenetikisht
    D
    Nuk janë të shpërndara sipas gjinisë
  • Sipas John Locke, çka nuk përmban mendja e një fëmiu?
    A
    Memorie
    B
    Ide të lindur
    C
    Imagjinatë
    D
    Vëzhgim
  • Kush nga këta përmendi për herë të parë rëndësinë e lojës(sportit) në edukim?
    A
    Sokrati
    B
    Platoni
    C
    Aristoteli
    D
    John Locke
1
/
10
ARTIKUJ TË NGJASHËM
7 mënyra për ta motivuar veten në punë
Forca e brendshme që ju shtyn të provoni gjëra të reja, t’i arrini qëllimet e juaja si dhe dëshira për ta përmirësuar jetën tuaj njihet si motivim. Mund të motivoheni nga të tjerët, por edhe ju personalisht jeni akteri kryesor për vetë-motivim. Motivimi mund të ndahet në dy nën-kategori që janë motivimi i brendshëm dhe ai i jashtëm. Motivimi i brendshëm është kur jeni i apasionuar pas punës tuaj dhe merrni kënaqësi ekstreme nga ajo. Ndërsa motivimi i jashtëm i referohet sjelljes që nxitet nga shpërblimet e jashtme si paraja, fama, notat dhe lëvdatat. Ky lloj motivimi lind nga jashtë individit, në krahasim me motivimin e brendshëm, i cili e ka origjinën brenda individit. Pse është e rëndësishme ta mbani veten të motivuar në vendin e punës? Motivimi ju duhet për të ndërtuar zakonet tuaja dhe për të ndërmarrë veprime. Që të jeni në humor të mirë, është shumë e rëndësishme të ndërmerrni aktivitete që ju mbajnë të motivuar. Përndryshe, ju mund të jeni duke humbur shumë energji dhe kohë pa ndonjë rezultat produktiv.Ai poashtu ju sfidon t’i shihni gjërat ndryshe. Gjërat që do të duken si pengesë në punën tuaj mund të bëhen forca juaj kur ndryshoni perceptimin tuaj drejt tyre. Për më tepër, vetë-motivimi mund t'ju ndihmojë të qëndroni pozitiv përballë situatave të ndryshme dhe të bëni më të mirën. Njerëzit e vetë-motivuar kanë fuqinë të prekin jetën e punëtorëve të tjerë në një mënyrë pozitive. Energjia juaj mund të ketë një efekt pozitiv te njerëzit me të cilët ndërveproni në vendin tuaj të punës, kësisoj, krijohet një ambient pune më i  shëndoshë.Akademi Pune dëshiron t’i ndajë me ju disa këshilla që ju ndihmojnë të jeni i motivuar në vendin e punës. 1. Mos i anashkaloni aktivitetet fizike Ushtrimi e trupit ndikon në rritjen e serotoninës (që ndihmon trurin tuaj të rregullojë gjendjen shpirtërore, gjumin dhe oreksin). Ushtrimet ju zgjojnë nga gjendja juaj e dembelizmit dhe ju bëjn të ndiheni vigjilent dhe energjikë. Ju nuk do të ndiheni të përgjumur nëse nuk leni anash ushtrimet fizike. Prandaj preferohet që ta caktoni një orar që i përgjigjet agjendës tuaj, para ose pas punës enkas për aktivitete fizike. 2. Gjithmonë kërkoni më shumë nga vetja Mendoni për të gjitha shpërblimet dhe përfitimet që do të merrni nëse mund të përfundoni një punë. Një promovim, një bonus, apo edhe një rritje e pagës tuaj. Të gjitha këto do t'ju ndihmojnë të qëndroni të motivuar dhe të jeni në rrugën e duhur për të arritur qëllimet tuaja nëse përkushtimi juaj për punë nuk mungon. 3. Rishikoni qëllimet e caktuara dhe rëndësinë që kanë Dëshira për arritjen e qëllimeve që ia caktoni vetes ju motivon edhe më shumë. Nëse jeni duke ndërmarrë hapat për të realizuar qëllimet, duhet të filloni me specifikën. Kur i merrni me seriozitet dhe punoni për qëllimet tuaja, ka shumë gjasa t'i arrini ato. Për t’i realizuar këto bëni vetes këto pyetje: Kush është i përfshirë në këtë qëllim? Cilat janë synimet e mia? Cila është arsyeja, qëllimi dhe përfitimet nga caktimi i këtij qëllimi? Cili është afati kohor në të cilin dua ta arrij këtë synim? 4. Mbani qëndrim pozitiv Kjo është ndër pikat më të rëndësishme. Mbani pozitivitet rreth punës suaj. Mos harroni se ju jeni në kontroll të karrierës suaj dhe vetëm ju mund të bëni ndryshimet për t'ju shpërblyer dhe stimuluar, si profesionalisht ashtu edhe personalisht. 5. Krijoni një ambient të rehatshëm pune Mjedisi dhe rrethina bëjnë një ndikim shumë të madh në përpjekjet tuaja për të qëndruar të motivuar. Ndëgjo muzikë qetësuese gjatë kohës së pauzës ose vendos një poster që të motivon para tavolinës suaj të punës. 6. Mbani veten të organizuar Ndonjëherë nuk ndjeheni aq të motivuar nëse ka shumë detyra në dispozicion për të përfunduar dhe nuk dini nga t'ja filloni. Bëni një listë për të bërë dhe caktoni detyrat tuaja sipas listës. Pasi t’i shënoni të gjitha detyrat tuaja, do të jetë më e lehtë për ju që të përqendroheni më mirë dhe të arrini më shumë 7. Rrethoni veten me njerëz pozitiv Nëse ndiheni të pamotivuar në punë, ekziston mundësia që jeni të jeni ankuar për këtë gjë ose keni biseduar rreth gjendjes suaj me ndonjë koleg. Shoqërohuni me bashkëpunëtorë pozitiv që ju përkrahin dhe motivojnë ta jepni maksimumin nga vetja juaj. Qëndrimi me njerëz të tillë dhe shkëmbimi i ideve me ta ju ndihmon që t’i arrini më shpejt objektivat që keni dhe të punoni së bashku në projekte të reja me dëshirë edhe më të shtuar për punë./AkademiPune
Lexo më shumë
Si t’i përmirësoni aftësitë e të folurit në publik?
Aftësitë e të folurit publik janë shumë të dobishme. Ndonëse mund të jeni prej atyre njerëzve që nuk bëni rregullisht prezantime para një grupi, aftësitë e të folurit në publik janë prapë së prapë të nevojshme. Zhvillimi i aftësive të të folurit në publik, mund t’i kontribuojë rritjes së vetëbesimit dhe kapërcimit të pengesave që mund të hasni në komunikimin e përditshëm me njerëz. Shumicës së njerëzve ju ndodhë që para një fjalimi apo prezantimi të kenë stres dhe ankth. Mënyra më e mirë për të kapërcyer këtë është përgatitja. Duke u përgatitur paraprakisht, do të mund të largoni frikën dhe t’i jepni fjalimet ashtu siç dëshironi. Një ndër praktikat e para është të shikoni disa herë gjatë ditës materialin që keni për ta prezantuar. Mirëpo, janë edhe disa gjëra që duhet t’i keni parasysh në mënyrë që të përmirësoni të folurit në publik. 1. Kontrolloni zërin Gjatë të folurit në publik, zëri ka një rëndësi të posaçme. Këshillohet që para një fjalimi të praktikoni të merrni frymë, shumë dhe thellë. Kjo praktikë mund t’ju ndihmojë që zëri juaj të jetë më potent si dhe të shmangni mungesën e frymëmarrjes që zakonisht mund të ndodhë nga stresi që shkaktohet para dhe gjatë një fjalimi. Këshillë: Para një fjalimi, merrni frymë thellë dhe mbani dorën në stomak. Numëroni deri në numrin 10 ndërsa merrni frymë dhe e lëshoni frymën. 2. Keni parasysh rëndësinë e gjuhës së  trupit Gjuha e trupit është po ashtu shumë e rëndësishme për realizimin e një fjalimi të suksesshëm. Është një kombinim i shprehjeve, gjesteve dhe lëvizjeve që përçojnë tek audienca atë që është në mendjen tuaj edhe pa përdorur shumë fjalë.  Qëndroni drejtë. Kujdesuni që të qëndroni drejt gjatë prezantimin në mënyrë që të jepni një fjalim profesional. Praktikoni shprehjet e fytyrës. Shprehjet e fytyrës duhet të përshtaten me atë që po thoni në fjalimin tuaj. 3. Njiheni audiencën tuaj Para se të filloni shkrimin e një fjalimi apo përgatitjen e një prezantimi, keni parasysh se kujt i dedikohet ai prezantim, pra kush është audienca juaj. Kjo mund t’ju ndihmojë në përzgjedhjen e fjalëve, informacioneve, modelin e prezantimit, etj. 4. Lidhuni me audiencën Një folës i mirë në publik nuk qëndron para një grupi dhe të flasë vetëm ai për një temë. Një folës i mirë krijon ndërveprim me audiencën. Disa nga këshillat e mëposhtme mund t’ju ndihmojnë që të lidheni me audiencën tuaj. Njihuni me audiencën sapo të dilni para tyre  Tërhiqeni vëmendjen e tyre Mbajeni një fytyrë miqësore Krijoni kontakte me sy 5. Niseni ndryshe fjalimin dhe jeni të qartë Pak humor apo ndonjë storje në fillim të prezantimit tuaj, do të ndikojë që të rrëmbëni vëmendjen e audiencës suaj. Publiku, në përgjithësi pëlqen ndonjë rrëfim apo ngjarje personale gjatë një fjalimi. Mirëpo, pavarësisht nëse gjuha juaj e trupit, zëri apo nisja është mirë, një prezantim nuk do të jetë i suksesshëm në rast se audienca nuk arrin të kapë mesazhin. Ne ju sjellim disa këshilla që të përçoni më mirë mesazhin tuaj tek audienca. Flisni pak më ngadalë, jo shumë ngadalë. Të folurit e shpejtë mund të krijojë vështirësi tek audienca për t’ju kuptuar, por edhe nëse flisni tepër ngadalë mund të ndikojë që publiku të shpërqëndrohet. Prandaj, idealja do të ishte të gjeni një mes. Pauzoni 2-3 sekonda gjatë fjalimit. Audienca ka nevojë të ketë herë pas here pauza në mënyrë që të reflektojë mbi atë që ju keni thenë.  Kjo ju bën juve gjithashtu të keni me shumë vetëbësim dhe të keni fjalimin në kontrollë. Shmangni shprehjet e njejta. Shprehjet e njejta mund të ndikojnë për keq kredibilitetin tuaj. Mundohuni të mos i përsërisni vazhdimisht shprehjet e njejta si: “dmth”, “hmm”, etj. Në vend të kësaj, mund të pauzoni disa sekonda.
Lexo më shumë
SI T’I KTHEHENI PUNËS PAS NJË PAUZE TË GJATË?
“Asnjë pauzë nga puna nuk duhet të shërbejë si shkëputje prej saj” Pavarësisht arsyeve, kthimi në punë pas një periudhe pushimi mund të jetë goxha sfidues.  Ndonëse mund të ketë punëdhënës që i arsyetojnë shkaqet e pushimit të dikujt dhe japin një rast tjetër, ka edhe të atillë që nuk janë shumë të bindur të japin edhe një mundësi të dytë. Kjo sepse në shumicën e rasteve, pauzimi do të thotë që edhe mund të mbesim pas në shumë aspekte që lidhen me veprimtarinë qe ushtrojmë apo me karrierën në përgjithësi. Në një intervistë dhënë për portalin e punësimit KosovaJob, drejtori i burimeve njerëzore në Korporatën Meridian, Abdylkerim Ratkoceri  tha se është shumë e rëndësishme që personat që pushojnë të mos shkëputën plotësisht nga puna por të jenë vazhdimisht produktiv, duke përfshirë investimin tek vetëvetja, kësisoj ta kenë më të lehtë kthimin në punë.  “Çka është shumë me rëndësi për personat që kthehen, posaçërisht personat që pauzojnë për një periudhë të gjatë apo që thjeshtë kanë dashur të ndryshojnë diçka, që nuk e kanë gjetur veten, nuk kanë pasur mundësi të jenë pjesë e një kompanie apo një biznesi është që vazhdimisht të mësojnë gjëra të reja, të mos lejojnë që të mbesin mbrapa me kohën apo të mos investojnë asgjë në vetën“, ka thënë Ratkoceri. Ai jep edhe disa këshilla për njerëzit që mund të kenë pauzuar dhe po hasin në vështirësi për të filluar punën. “Nuk është fundi i botës, investoni diçka në vetëvete, mësoni diçka të re. Mos lejoni asnjëherë t’u flejë truri, gjithmonë angazhohuni me diçka të re, lexoni libra, lexoni artikuj, shihni se ku janë bizneset e tjera, mësoni çfarëdo lloj fushe” Gjatë intervistës, ai foli edhe për pushimin e lehonisë për çka tha se edhe gratë që shkojnë në pushim lehonie nuk duhet assesi të shkëputen terësisht nga puna në mënyrë që kjo të mos ndikojë mëpastaj në një përformancë të dobët të tyre. “Sa i përket lehonave, tek lehonat është pak më ndryshe sepse realisht ai është një pushim i cili është i përcaktuar edhe me ligj. Të gjitha bizneset kanë mirëkuptim në atë aspekt sepse kur një e punësuar bëhët nënë është një fazë tjetër e jetës mirëpo edhe ato është mirë që vazhdimisht të jenë të angazhuara dhe të mos ndahen komplet prej proceseve të natyrës së punës që ato kanë. Realisht, përkujdesi ndaj një fëmije është diçka e shenjtë, është diçka e madhe mirëpo në anën tjetër ato duhet të jenë të kujdesshme që vazhdimisht të mësojnë dhe që thjeshtë të mos mbesin mbrapa me njohuritë që kur të kthehen mandej të mos kenë probleme” Ndërkaq, njerëzit të cilët kanë pasur kriza gjatë punës së tyre, sipas tij duhet që fillimisht ta analizojnë vetën dhe të kuptojnë se ku ka qenë gabimi duke ritheksuar se edhe këta persona duhet patjetër të gjejnë një motiv për të vazhduar tutje. “Është shumë me rëndësi që kur keni një krizë, fillimisht ta inspektoni vetën dhe ta shihni nëse ka qenë problemi tek ju, pse ka ardhur deri tek kriza. Është një thënie “Je i ulur mbrapshtë në karrige dhe thua se bota ma ka kthyer shpinën por ti je mbrapshtë”. Pra e para, duhet ta analizoni vetëveten se pse keni ardhur deri tek ajo krizë . Zakonisht krizat ndodhin kur një person qëndron gjatë në një pozitë dhe nuk mëson diçka të re, nuk ka investime  ndoshta as nga kompania në zhvillim të atij personi, ndodh që vjen deri tek ajo që krijohet një monotoni , ku personi më nuk e gjen vetën. Një person, në rast se ka pauzuar një kohë të gjatë, medoemos duhet ta gjej motivin duke mësuar gjëra të reja, koha ecën shpejt, çdo ditë e humbur pa mësuar diçka është kthim mbrapa dhe dështim i vetëvetes”, theksoi ai. Nga përvoja e tij në burime njerëzore, Ratkoceri theksoi se njerëzit që hasin vështirësi në gjetjen e punës apo kanë pakënaqësi zakonisht e shohin si zgjidhjen më të lehtë largimin nga vendlindja por sipas tij kjo është e gabuar. Ai sugjeron të investohet në diçka ku gjithësecili mund të jap kontributin e vet, meqënëse sipas tij edhe kompanitë në Kosovë tashmë janë vetëdijësuar dhe nuk funksionojnë me nepotizëm por janë vazhdimisht në kërkim të njerëzve cilësorë. Sipas tij, pushimi për një periudhë kohore arsyetohet më së miri nëse individët kanë dashur të zhvillohen në aspekt akademik, kanë vijuar trajnime të ndryshme në ngritjen profesionale apo kanë dashur të investojnë në vetën e tyre që të përgatitën më mirë për sfidat që i presin në karrierën e tyre.
Lexo më shumë
6 mënyra për t'i bërë punëtorët të ndjehen të vlerësuar
Ofertat e punës kryesisht pranohen për shkak të pagesës, por punëtorët qëndrojnë gjatë në një vend pune më shumë për shkak të vlerësimit sesa për shkak të pagesës. Në kompanitë ku ka një numër më të madh punëtorësh, menaxherët shpeshherë hasin në vështirësi në menaxhimin dhe trajtimin e barabartë te të gjithëve. Udhëheqësit e mençur punojnë që ta bëjnë secilin punëtor të ndjehet pjesë e ekipit. Në vazhdim, ju sjellim disa këshilla se çka mund të bëni nëse dëshironi që të gjithë punëtorët e juaj të ndjehen vërtetë të vlerësuar. 1. Përdorni mjetet e duhura të komunikimit Ndër gjërat e para që një punëdhënës duhet të ketë parasysh, është të lehtësojë komunikimin me punëtorët e tij, qoftë me email, telefon, mesazhe direkte apo konferenca me video. Që punëtorët të ndjehen të vlerësuar, këshillohet të planifikoni që nganjëherë të flisni me secilin prej tyre fizikisht ose virtualisht. Një gjë e tillë do të tregonte kujdes nga ana juaj. Nëse ndonjë punëtor punon nga distanca, mundohuni që edhe atij/asaj t’ua bëni me dije që gjithmonë janë të përfshirë në çdo vendim apo ngjarje që ndodhë brenda kompanisë. 2. Jepni punëtorëve leje për të marrë vendime të rëndësishme Duke i dhënë një punëtori kompetenca për të marrë vendime të rëndësishme në kompani, ju i tregoni atij që vërtetë i besoni dhe se mendimi i tij ka shumë vlerë. Në këtë formë, punëdhënësit fuqizojnë punëtorët e tyre që ata më vonë të mund të ndërmarrin vetë nisma të ndryshme. Nëse një kompani është në rritje e sipër, shumë punë do të duhet t’ju kalohen të tjerëve dhe ky është një hap që punëtorët ta tregojnë veten dhe punëdhënësit ta kuptojnë se sa mund të kenë besim tek ta, duke parë se si ata i menaxhojnë vetë detyrat. 3. Inkurajoni secilin person të kontribuojë gjatë takimeve/mbledhjeve Ka raste kur nëpër mbledhjet e punës apo takimet e rëndësishme, punonjësit hezitojnë të flasin. Kjo gradualisht mund të çojë drejt krijimit të bindjes se mendimi i tyre nuk vlerësohet dhe nuk është nevoja të flasin. Prandaj, një lider i mirë mundohet që ta parandalojë një gjë të tillë. Kjo mund të arrihet duke inkurajuar punëtorët të jenë aktivë nëpër takime. Si lider, mund të organizoni takime të shkurta dhe paraprakisht t’ju jepni të gjithë stafit material rreth takimit. Duke ja caktuar secilit detyrën e tij, duke kërkuar feedback dhe duke bërë pyetje, mund t’i mbani të gjithë të përfshirë. Nëse akoma hasni në vështirësi, mund të bëni përpjekje që të paktën t'i bindni të gjithë të dakordohen rreth një teme. 4. Fuqizoni miqësitë në punë Vendi i punës bëhet më i dashur në rast se punëtorët kanë krijuar miqësi. Duke krijuar miqësi me kolegët, produktiviteti i një punëtori dhe arritjet e një kompanie janë më të mundshme, sepse miqtë kanë besim tek njeri – tjetri dhe nuk e shohin njëri-tjetrin si konkurrent por i gëzohen suksesit. Për të stimuluar miqësi në punë, liderët e mirë i japin mundësi ekipit që të diskutojnë tema të ndryshme bashkarisht, kryesisht tema që nuk kanë të bëjnë me mjedisin e punës. 5. Vlerësoni kontributin e secilit punëtor Secilit punëtor duhet t’i njihen meritat e tij. Duke i treguar një punëtori se sa mirë e ka përfunduar një punë dhe rezultatin që ka arritur apo suksesin që ka pasur kompania nga ai, ofron motivim të ri për të.  Udhëheqësit e kompanive nuk duhet të hezitojnë asnjëherë ta thonë haptazi se kontributet specifike të një punonjësi po e ndihmojnë biznesin të ketë sukses. 6. Krijoni mundësi zhvillimi për punëtorët Shumica e punëtorëve kanë dëshirë të kenë një vend pune ku ofrohen mundësi për të mësuar dhe për t'u zhvilluar më shumë. Nëse punëtorëve ju krijoni mundësi për trajnime, qoftë edhe të përbashkëta, ata do të jenë më të përgatitur profesionalisht dhe në të njejtën kohë do t’ju tregoni rëndësinë që ka zhvillimi i tyre për kompaninë.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.