Rekrutimi online: Si realizohet intervistimi për punë?

23 Mar, 2020

Linku u kopjua

Varësisht nga natyra e punës, shumica e bizneseve janë duke vazhduar punën nga distanca, si shkak i pandemisë që ka kapluar botën së fundmi.

E ato biznese që mision i kanë njerëzit, mund ta kenë pasur pak më të vështirë praktikimin e punës në këtë formë, ani pse firmat e rekrutimit këtë mënyrë pune e kanë aplikuar edhe më parë.

Zanë Havolli - Veseli, Senior Recruiter në kompaninë e rekrutimit HumanPower, tregoi për AkademiPune se si po menaxhohet i gjithë rekrutimi nga shtëpitë për kompanitë vendore dhe ato ndërkombëtare. Ajo thotë se ndonëse një gjendje e tillë e ka prekur pak procesin e rekrutimit vendor, në të njejtën kohë i ka mësuar njerëzit të praktikojnë dhe të gjinden edhe me metoda të tjera të punës.

Zana Havolli

"Kriza e virusit korona na ka detyruar të gjithëve të përqafojmë mënyra të reja të punës. Thirrja për të qëndruar në shtëpi dhe për të respektuar distancën sociale, nuk nënkupton që duhet ndëprerë punën. Kjo gjendje e ka vështirësuar pak procesin e rekrutimit dhe është diçka e re për të intervistuarit dhe intervistuesit. Shumë njerëz të cilët janë mësuar me intervista “face to face” do të duhet të kalojnë për herë të parë në proceset e shqyrtimit virtual dhe të zbulojnë mënyra të reja për të njohur më mirë veten dhe kompanitë për të cilat kanë aplikuar”

Organizimi i intervistave online

Rekrutuesit tashmë veç kanë kaluar në mbajtjen e të gjitha intervistave online. Aplikacionet që përdorën kryesisht janë: Skype, Google Meet, WhatsApp dhe të tjera.

"Momentalisht, të gjitha intervistat jemi duke i zhvilluar online, nëpërmjet google.meet, por natyrisht që po përdorim edhe aplikacione të tjera si Skype dhe në rast nevoje edhe WhatsApp. Teknologjia mundëson që njerëzit të lidhen kudo në botë, me këdo, në çdo kohë. Kjo ndryshon mënyrën e punës së njerëzve por e bën më të lehtë punën konstante me kolegët që ndodhën në vende apo kontinente të ndryshme. Ne si HumanPower, e kemi databazën me kandidatë që veç kanë aplikuar online dhe kjo do të thotë që filtrimin dhe përzgjedhjen e kandidatëve e bëjmë nëpërmjet softuerit që posedojmë”

Sfidat kryesore gjatë intervistimit online të kandidatëve

Zakonisht rekrutimi në këtë formë i ka edhe anët e mira por edhe ato të këqija. Havolli thotë se rekruterët mund ta shohin si sfidë rekrutimin vetëm nëpërmjet video-komunikimit, çka mund të marrë më shumë kohë dhe më shumë përpjekje. Mirëpo, ajo thotë se sfidë kryesore e rekrutimit online mund të jetë gjetja e kandidatëve të duhur.

”Unë si rekrutere mendoj që në keto raste kur edhe jemi duke punuar nga shtëpitë tona, një disavantazh i rekrutimit online është se kandidatët mund të mos e shfaqin veten njësoj dhe mund të na mashtrojnë. Kjo do të thotë që ne mund të përfundojmë duke u interesuar për dikë që nuk i plotëson kriteret e punës, por prapë e pretendon atë. Ndërkaq avazhtazhi është se tani është më e lehtë të kontaktosh kandidatët pasi që ata nuk janë të bllokuar në takime ose udhëtime“

Ndonëse filtrimi, selektimi, mbajtja e intervistave të punës si dhe përzgjedhja e kandidatëve final mund të bëhet edhe online, Havolli ka një këshillë për të gjithë kandidatët që intervistohen për punë në këtë periudhë.

“Kandidatët dhe të gjithë të tjerët që janë duke punuar nga shtëpia të jenë të durueshëm pasi që e gjithë kjo situatë do të kalojë dhe patjetër që do t’i kthehemi jetës normale. Gjatë kësaj periudhe, shfrytëzojeni kohën për të ndjekur ndonjë webinar online, kurse online, që të jeni sa më produktivë dhe të mësoni gjëra të reja“ përfundoi Havolli.

Disa këshilla për kandidatët:

Sigurohuni që të keni internet. Testoni internetin dhe aplikacionet për video-komunikim, që të jenë duke funksionuar mirë para intervistës.
Keni parasysh veshjen. Edhe pse intervistat do të mbahen online dhe me video, veshjes duhet t’i kushtoni rëndësi njësoj sikur ta kishit pasur intervistën ballë për ballë me rekruterët.
Përgatituni. Bëni përgatitjet e njejta si për intervistat e mëhershme. Përgatitni përgjigjet në pyetjet që mund t’ju bëhen si dhe pyetjet që do t’ua bëni ju intervistuesve.
Mos u shpërqëndroni. Fokusohuni plotësisht në intervistë dhe kujdesuni që të mos shpërqëndroheni me gjëra tjera në ambientin e shtëpisë apo me telefon.
Falënderoni intervistuesit. Mos harroni të dërgoni edhe një e-mail për t’i falënderuar intervistuesit për kohën e tyre.

Disa këshilla për intervistuesit:

Përgatituni. Kujdesuni që të informoni edhe pjesëtarët e tjerë të panelit të rekrutimit rreth kandidatit, duke prezantuar CV-në e tij. Po njësoj informoni edhe kandidatin rreth intervistës, kohës, fazave të intervistimit.
Kontrolloni internetin. Njësoj si kandidatët që do të intervistohen, edhe rekrutëret duhet të kontrollojnë teknologjinë para fillimit të mbajtjes së intervistave.
Mos u shpërqendroni. Tregoni respekt për kandidatët sikur të ishit duke mbajtur intervistën ballë për ballë, largoni telefonat dhe gjithçka që mund t’ju shpërqëndrojë.
Jepni kohë kandidatëve. Duke pasur parasysh edhe gjendjen, mos i bëni pyetjet njëra pas tjetrës, lejoni kandidatët të bëjnë pauza në mes të përgjigjeve. /AkademiPune

Linku u kopjua

Public Call for Expression of Interest

Gjithë Kosovën

Skadon: 2 ditë

Fillo Kuizin

Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.

Cili është kontinenti më i vogël sipas sipërfaqes?

A

Australia
B

Amerika Veriore
C

Evropa
D

Antarktika
Në cilin kontinent ndodhen pyjet tropikale të Amazonës?

A

Amerikën Veriore
B

Amerikën Jugore
C

Afrikë
D

Australi
Harta e cilit kontinent është paraqitur në foto?

A

Afrika
B

Amerika Jugore
C

Azia
D

Amerika Veriore
Cili është kontinenti i dytë më i madh sipas sipërfaqes?

A

Amerika Jugore
B

Azia
C

Afrika
D

Amerika Veriore
Cili nga këta kontinente është më i populluari me njerëz?

A

Afrika
B

Azia
C

Evropa
D

Amerika Jugore
Në cilin kontinent shtrihet lumi më i gjatë?

A

Azi
B

Evropë
C

Amerikën Veriore
D

Afrikë
Harta e cilit kontinent është paraqitur në foto?

A

Amerika Jugore
B

Afrika
C

Amerika Veriore
D

Australia
Sa përqind të sipërfaqes së përgjithshme të Tokës përfshin kontinenti i Azisë?

A

5.3%
B

8.7%
C

7.5%
D

6.2%
Në cilin kontinent ka më së shumti liqene?

A

Amerikën Veriore
B

Azi
C

Evropë
D

Australi
Sa është numri total i shteteve në kontinentin e Afrikës sipas Kombeve të Bashkuara?

A

60
B

52
C

54
D

65

ARTIKUJ TË NGJASHËM

Përparësitë dhe mangësitë e punës me ndërrime

Puna me ndërrime përfshin caktimin e punonjësve për të kryer detyrat e tyre të punës gjatë gjithë 24 orëve të ditës dhe zakonisht gjatë tërë javës.Ekzistojnë lloje të ndryshme të orareve të punës me ndërrime. Punëdhënësit varësisht nga natyra e punës dhe kërkesat e tregut mund të caktojnë punonjësit në ndërrim të parë, ndërrim të dytë ose në ndërrim të tretë. Poashtu, ekzistojnë mundësitë që punonjësve tu caktohet të punojnë rregullisht gjatë atij ndërrimi, që njihet si punë me orar fiks ose të punojnë në ndërrime të përditshme apo javore. Ndërrimi i parë Këtij orari të punës ndryshe i referohemi si orari tradicional. Punonjësit që kanë ndërrimin e parë, zakonisht punojnë nga 9 e mëngjesit deri në 5 pasdite, por ka edhe alternativa tjera si nga ora 8 e mëngjesit deri në orën 4 pasdite, si dhe 10 të mëngjesit deri në orën 6 pasdite. Pra, të gjitha këto orare bëjnë pjesë në ndërrimin e parë. Ndrrimi i parë është një ndër ndrrimet më të favorshme për punonjësit pasi ka orare më të përshtatshme. Ndërrimi i dytë Punonjësit e ndërrimit të dytë shpesh fillojnë në orën 4 ose 5 pasdite dhe përfundojnë orarin në mesnatë ose ora 1 në mëngjes. Ndërrimi i tretë Ky orar zakonisht quhet edhe ndërrimi i natës. Punonjësit fillojnë punën ndërmjet orës 9 ose 10 të natës dhe përfundojnë orarin ndërmjet orës 6 ose 8 të mëngjesit. Puna me ndërrime në orare të ndryshme Në këtë orar përfshihen të tri ndërrimet e lartpërmendura. Në vend që të kenë të njëjtin ndërrim çdo ditë, punonjësit me ndërrime punojnë në orare të ndryshme në varësi të ditëve të javës. Për shembull, dikush mund të punojë në ndërrimin e parë tre ditë në javë dhe 2 ditë të tjera në ndërrimin e dytë. Më hollësisht, ky lloj orari përbën një përzierje të tri orareve si ndërrimit të parë, të dytë dhe tretë. Përparësitë që ka puna me ndërrime Ekzistojnë aspekte pozitive të punës me ndërrime, veçanërisht për njerëzit që punojnë gjatë ndërrimeve të dyta dhe të treta. Puna në këto ndërrime mundëson që punonjësit të udhëtojnë gjatë kohës kur trafiku është më pak i ngarkuar. Kjo do të thotë të shmanget trafiku i ngarkuar, që di të jetë mjaft stresues sidomos në orët e hershme të mëngjesit. Mangësitë që ka puna me ndërrime Puna me ndërrime poashtu mund të ketë edhe mangësitë e saj, veçanërisht për ata që punojnë gjatë natës. Sipas "National Sleep Foundation" personat që punojnë me ndërrime ankohen se kanë probleme metabolike, anoreksi, pagjumësi, si dhe probleme me peshën. Profesionet në të cilat puna me ndërrime është e zakonshme Shërbimet mbrojtëse, bizneset që meren me prodhim dhe transport, si dhe kujdesi shëndetësor, të gjitha këto aplikojnë punën me ndërrime. Personat të cilët janë të punësuar në këto industri pritet të kenë orare që mund të përfshijnë ndërrime të mbrëmjes, gjatë natës, fundjavës dhe shpesh duhet të punojnë edhe për pushime dhe festa. Ja disa nga profesionet që zakonisht punonjë me ndërrime pasi natyra e punës e kërkon një gjë të tillë: Zjarrfikësit Zyrtarët e policisë Punonjësit e shëndetësisë Kontrolluesit e trafikut ajror Punonjësit e sektorit të transportit Punonjësit e shërbimit postar

Lexo më shumë

Përgatitja psikologjike për intervistë pune

Për të pasur sukses në një intervistë pune, duhet të punohet edhe me anën psikologjike. Ka shumë njerëz të cilët kanë CV shumë të mira apo kualifikime të duhura, mirëpo në intervista të punës nuk ia dalin mbanë. Kjo sepse në intervistë kanë tingëlluar pesimistë, kanë pasur stres apo edhe kanë humbur përqëndrimin gjatë intervistës. Kësisoj, para se të shkoni në një intervistë pune, mundohuni të bëni përgatitjen e duhur psikologjike. Mendoni rreth pyetjeve të mundshme dhe si do të mund të përgjigjeshit më së miri, hulumtoni rreth kompanisë dhe nënvizoni informacionet kryesore, mendoni edhe ju disa pyetje që mund t’ia bëni punëdhënësit, relaksohuni dhe mos mendoni nëse intervista mund të shkojë keq. Një qasje pozitive iu ndihmon shumë sepse edhe e ulë stresin por edhe iu krijon vetëbesim. Vetëbesimi është shumë i rëndësishëm sepse një kandidat me vetëbesim është aktiv në intervistë dhe arrin të përçojë pozitivitet edhe tek punëdhënësi. Ndërkaq, duke u treguar pasivë, mund të jepni mesazhin se ndjeheni të pasigurtë. Një metodë tjetër që mund të ndikojë mirë tek ju para se të shkoni në intervistë është vizualizimi. Paramendojeni veten sikur keni shkuar në intervistë dhe keni pasur një performancë shumë të mirë - truri reagon në atë mënyrë sa që ju ndjeheni sikur vërtetë keni pasur përvoja pozitive në intervistë. KosovaJob sjellë disa teknika të cilat mund t’i përdorni në një intervistë pune: Buzëqeshja. Pozitiviteti në një intervistë pune është i këshillueshëm për kandidatët por jo gjatë gjithë kohës sa zgjatë një intervistë. Preferohet që kandidatët të buzëqeshin më shumë në fillim të një interviste dhe në fund të saj. Ndërkaq, në mes të intervistës nevojitet përqëndrim në përgjigje. Përdorimi i emrit të intervistuesit tuaj. Duke mbajtur mend emrin e intervistuesit tuaj, do ta bëni atë të ndjehet më mirë në raport me ju. Patjetër që nuk është e nevojshme të përdoret gjatë gjithë kohës por të paktën disa herë gjatë intervistës. Të dëgjuarit me vëmendje. Kjo nënkupton të dëgjuarit me kujdes se çka po flasin intervistuesit dhe përsëritjen ndonjëherë të deklaratave të tyre me fjalët e juaja. Një gjë e tillë rritë shancat për ta fituar vendin e punës meqenëse të dëgjuarit reflektiv tregon se ju e keni kuptuar saktë çka është thënë në intervistë. Gjuha trupore. Komunikimi jo verbal është veçanarisht i rëndësishëm. Në një intervistë pune rekomandohet të tregohet një nivel i lartë i energjisë dhe entuziazmit. Një këshillë e vyeshme: Para intervistës, kujtoni momentet kur jeni ndjerë të suksesshëm në jetë, kjo do të rrisë vetëbesimin tuaj dhe gjasat për ta fituar vendin e punës.

Lexo më shumë

Cilat profesione mund t’i ushtroni në Kosovë nëse keni diplomë në juridik?

Siç edhe jemi të njoftuar nga statistikat, interesimi për të studiuar drejtimin e juridikut në Kosovë është mjaft i madh. Kjo ndodhë si rrjedhojë e fushës së gjerë që ka ky drejtim, pasi që pas perfundimit të këtij drejtimi mund të keni punë të ndryshme. AkademiPune, ju njofton me disa prej këtyre profesioneve dhe detyrat që kanë personat që ushtrojnë këto profesione. 1. Avokat Profesioni si avokat ka funksione të ndryshme. Avokati, luan rolin e këshilltarit -kur e këshillon klientin e tij për të drejtat dhe obligimet që i takojnë me ligj. Ndërsa, në një rol tjetër si vlerësues, avokati ekzaminon çështjet ligjore dhe i raporton ato tek klienti që përfaqëson apo të pala tjetër. 2. Noter Noteri është person fizik i licencuar nga Ministri i Drejtësisë për kryerjen e veprimtarisë notariale brenda territorit të një komune të caktuar, në përputhje me dispozitat e ligjit të caktuar. Një noter ka po ashtu për detyrë të kërkojë nga personat fizikë e juridikë, dokumente që janë të domosdoshme për kryerjen e akteve, veprimeve noteriale në paanësi, gjithnjë sipas ligjit në fuqi. 3. Zyrtar ligjor Në detyrën si zyrtar ligjor, ju mund të keni detyra dhe të jeni përgjegjës për monitorimin e të gjitha çështjeve ligjore të brendshme si dhe të jashtme brenda organizatës apo kompanisë në të cilën jeni të angazhuar. 4. Zyrtar i prokurimit Zyrtari i Prokurimit është person i autorizuar nga ZKA (Zyra Kombëtare e Auditimit), që ka për detyrë udhëheqjen e të gjitha aktiviteteve të prokurimit të autoritetit përkatës. Po ashtu, kanë rol vëzhgues dhe i caktojnë detyra anëtarëve të tjerë si dhe bëjnë rishqyrtimin e punës. Përpos profesioneve të nënvizuara më lart, duke pasur një diplomë në juridik ju mund të ushtroni edhe profesione të tjera, qoftë në gjykata, polici, ministri e institucione të tjera. /AkademiPune

Lexo më shumë

Çka duhet të dini para se ta filloni një biznes?

Ne shpesh mund t’i kthejmë pasionet tona në një biznes, por kërkon shumë punë paraprakisht për ta realizuar idenë që kemi. Marrja e masave të duhura para se ta transferoni idenë tuaj në biznes, do t'ju vendosë në pozicionin më të mirë të mundshëm për ta realizuar atë. Me pak fjalë, të vërtetoni idenë, do të thotë të bëni punën për të siguruar që të keni tregun e duhur, çmimin e duhur dhe modelin e duhur për të ofruar produktin/shërbimin në mënyrë efikase dhe fitimprurëse. Pa një ide dhe plan të qartë ju rrezikoni të përballeni me situata të ndryshme si: Mund të mos shisni asgjë Shpenzimet të dalin më të mëdha se sa parashikonit Pritshmëritë të mos përputhen me rezultatet Pa përgatitje dhe strategji të menduar mirë, do ta keni vështirë ta filloni biznesin tuaj. Idetë më të mëdha mund të dështojnë shumë lehtë pa qasjen e duhur, dhe dështimi mund të bëjë që të hiqni dorë nga një ide që mund të jetë e mahnitshme me vetëm disa ndryshime. Ju duhet të merrni parasysh rrethanat në të cilat ndodheni, kur vendosni nëse ideja juaj do të arrijë të bëhet një biznes i zbatueshëm. Hulumtimi i industrisë, cilat janë trendet e fundit? A keni pasur ndonjë ide të mahnitshme dhe pas disa kërkimeve në Google keni vërejtur se ajo ide tashmë është realizuar nga dikush tjetër? Është vërtet dëshpëruese në fillim, por kur e shikoni nga një këndvështrim tjetër, kjo nënkupton që ideja që kishit do të funksiononte. Mirëpo , ju nuk duhet të hezitoni të përballeni me konkurrencën. Vetëm sepse dikush tashmë po bën atë që dëshironi të bëni, kjo nuk do të thotë se nuk do të funksionojë. Kjo thjesht do të thotë që ju duhet të gjeni mënyrën tuaj unike për ta bër atë. Përdorni hulumtimin rreth konkurrencës dhe industrisë për të kuptuar propozimin tuaj unik të shitjes. Çka ju dallon nga të tjerët? Cilat janë nevojat e paplotësuara në treg? Opsionet e çmimeve që ju ofroni? Cila është mënyra më e mirë për të nxjerrë produktin ose shërbimin tim në treg? Si dhe ku do ta shpërndani produktin ose shërbimin tuaj është një vendim i rëndësishëm për të marrë. A do të shisni online? Vetëm në nivel lokal apo edhe më gjerë? A do të shisni me shumicë apo do të keni bashkëpunëtorë/partnerë? Ju mund të keni një ide të shkëlqyeshme për një produkt ose shërbim, por nëse nuk e gjeni mënyrën më fitimprurëse dhe më të përshtatshme do ta keni vështirë të krijoni urë lidhëse ndërmjet produktit/shërbimit dhe klientit. Kërkoni këshilla nga ekspertë Nisja dhe rritja e një biznesi është e vështirë, dhe sipas statistikave më shumë se gjysma kanë gjasa të dështojnë brenda 5 viteve. Askush nuk mund të ketë të gjitha njohuritë, përvojën, apo edhe perspektivën për të trajtuar çdo situatë biznesi. Prandaj kontaktoni njerëz me përvojë në fushën e biznesit dhe përfitoni nga aftësitë dhe përvojat e tyre./AkademiPune

Lexo më shumë