Ambienti i punës: Masat që duhet ndërmarrë për të zvogëluar rrezikun nga COVID-19

15 Mar, 2020

Ambienti i punës: Masat që duhet ndërmarrë për të zvogëluar rrezikun nga COVID-19
	 	 

Punonjësit kalojnë më shumë kohë në ambientet e punës sesa në shtëpitë e tyre. Kësisoj, hapësira ku punohet duhet të mbahet shumë e pastër.

Sipërfaqe të caktuara, tërheqin edhe baktere apo viruse, e sidomos nëpër ambiente si zyret, ku ka disa vende ku mund të këtë grumbull bakteresh. Kohëve të fundit, një virus i njohur si Coronavirus , COVID -19 është përhapur me shpejtësi të madhe në mbarë botën.

Tashmë është bërë e ditur që ky virus transmetohet mes njerëzve, mirëpo edhe prekja e sipërfaqeve të infektuara mund ta bartë gjithashtu virusin. Me shqetësimin për përhapjen e virusit Covid-19, punonjësit në zyre dhe ambiente tjera të punës dëshirojnë të jenë të sigurtë në vendin e punës.

Duke pasur parasysh kohën e kaluar në punë dhe rrezikun nga ky virus, Qendra për Kontrollin dhe Parandalimin e Sëmundjeve dhe Administrata e Sigurisë dhe Shëndetit në Punë (OSHA) kanë dhënë edhe disa këshilla rreth mjedisit të punës në këtë kohë të këtij virusi. Ndër këto këshilla janë dezinfektimi i hapësirave ku punohet si dhe tryezave, tastierave apo çdo objekti tjetër ose sipërfaqe nga të cilat mund të merret virusi.

AkademiPune, ju sjellë disa nga këshillat.

  • Lani duart më shpesh, sidomos kur prekni dorëzat e dyerve nëpër zyre

Larja e duarveBëhuni gati për t’i larë sa më shpesh duart, më shpesh edhe se zakonisht. Mos harroni t’i lani duart pasi të hani ushqim, kur prekni dorëzat e dyerve në zyre, kur fryni hundët apo kur bëni veprime të tjera të ngjashme. Kujdesuni gjithashtu që t’i lani duart në mënyrë të duhur.

  • Mbani gjithnjë pranë vetes një xhel dezinfektues

xhel dezinfektuesNë rastet kur nuk mund të shkoni tek lavamani sepse mund të keni punë me urgjencë, dezinfektuesit e duarve janë një zëvendësues i shkëlqyeshëm. Mirëpo, gjithmonë është më mirë që duart t’i lani me sapun dhe ujë edhe pas dezinfektimit me xhel.

  • Shmangni kontaktet fizike të panevojshme

kontakt i panevojshemE nënvizuam më lart se koronavirusi transmetohet kryesisht përmes njerëzve, e shumica e punëve kanë të bëjnë direkt me njerëzit. Prandaj, shmangia e kontakteve fizike është e nevojshme në këtë periudhë. Rekomandohet refuzimi i shtrëngimeve të duarve. Në vend të kësaj, mund të praktikohen përshëndetje tjera, qoftë edhe vetëm buzëqeshje miqësore.

  • Pastroni me dezinfektues ekranet, tastierat, miun dhe telefonat

tastieraJo më pak rëndësi ka edhe dezinfektimi i telefonit, tastierave, miut. Sigurohuni që të përdorni lecka pak të lagura për t’i pastruar dhe dezinfektuar edhe këto sipërfaqe.

Çfarë masa duhet të ndërmarrin punëdhënësit?

Në përputhje me këto rrethana, punëdhënësit duhet të ndërmarrin disa hapa të mënjëhershëm në mënyrë që mjedisin e punës dhe punonjësit t’i mbajnë të sigurtë.

Disa kompani veç kanë filluar dezinfektimin e tavolinave, kompjuterëve, telefonave, çelësave, makinave - ndërsa të tjerët kanë vendosur të punojnë nga shtëpia, sidomos në rast të simptomave tashmë të njohura të këtij virusi, si kolla apo tështitjet.

Duhet pasur një qasje të duhur, jo vetëm në këtë kohë kur ka një shpërhapje të madhe globale të virusit, por gjithnjë, e sidomos në periudhat kur kërcënohet shëndeti i punonjësit.

Punëdhënësit duhet të komunikojnë hapur me punonjësit e tyre, në mënyrë që ata të kenë informacionet e nevojshme që të ndihmojnë veten dhe kolegët përreth. Ata duhet të ndërmarrin disa masa të para që lidhen me:

  • Higjienën e mirë
  • Punën në distancë
  • Dezinfektimin e zyreve
  • Ndalimin e udhëtimeve

Çështjet e higjienës në vendin e punës janë gjithmonë të rëndësishme dhe mund të ndihmojnë në zvogëlimin e rrezikut për transmetim të çdo lloj virusi.

OSHA kërkon që punëdhënësit të sigurojnë një mjedis pune "të lirë nga rreziqet e njohura që po shkaktojnë ose ka mundësi të shkaktojnë vdekje ose dëme serioze fizike"

Përpos masave të lartcekura për një ambient të pastër të punës, në periudha të tilla, kompanitë duhet të praktikojnë sa më shumë edhe punën nga shtëpia. /AkademiPune.

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Fjala Pedagogji rrjedh nga greqishtja që do të thotë:
    A
    Kuptimi i fëmijëve
    B
    Mësimi i fëmijëve
    C
    Edukimi i fëmijëve
    D
    Udhëheqja e fëmijëve
  • Pedagogjia është studim rreth?
    A
    Edukimit
    B
    Procesit mësimor
    C
    Metodave mësimore
    D
    Udhëzimit të nxënësve
  • Sipas John Dewey, shkollat duhet t’i përgatisin nxënësit për:
    A
    Jetën e tashme
    B
    Të ardhmen
    C
    Ndërmarrësinë
    D
    Hulumtimin
  • Një aftësi nëse praktikohet shpesh ajo bëhet më e ______
    A
    Dobët
    B
    Fortë
    C
    Ndërlikuar
    D
    Kërkuar
  • Fusha e studimit që ka të bëjë me ndërtimin e proceseve të mendimit, përfshirë kujtesën, zgjidhjen e problemeve dhe vendimmarrjen quhet:
    A
    Edukim
    B
    Epistemologji
    C
    Zhvillim kognitiv
    D
    Konstruktivizëm
  • Sipas teorisë së Jean Piaget mbi zhvillimin kognitiv, në cilën moshë fillon faza e veprimeve formale te fëmijët?
    A
    7
    B
    11
    C
    13
    D
    8
  • Kush është autor i librit “Demokracia dhe Edukimi”?
    A
    John Dewey
    B
    William McGuffey
    C
    Frederick Douglass
    D
    Jaime Escalante
  • Platoni besonte se talenti dhe inteligjenca:
    A
    Janë të shpërndara gjenetikisht
    B
    Janë të shpërndara sipas gjinisë
    C
    Nuk janë të shpërndara gjenetikisht
    D
    Nuk janë të shpërndara sipas gjinisë
  • Sipas John Locke, çka nuk përmban mendja e një fëmiu?
    A
    Memorie
    B
    Ide të lindur
    C
    Imagjinatë
    D
    Vëzhgim
  • Kush nga këta përmendi për herë të parë rëndësinë e lojës(sportit) në edukim?
    A
    Sokrati
    B
    Platoni
    C
    Aristoteli
    D
    John Locke
1
/
10
ARTIKUJ TË NGJASHËM
SI TA SHKRUAJMË NJË LETËR MOTIVIMI PËR PUNË DHE SHEMBUJ TË NDRYSHËM
Çka është një letër motivimi? Letra e motivimit është një letër e cila shkruhet për të shprehur interesimin për një pozitë të caktuar pune apo edhe kur duam të bëhemi pjesë e trajnimeve ose programeve të ndryshme. Kur një letër motivimi shkruhet për të aplikuar për një vend pune, kandidati nëpërmjet saj duhet të përshkruajë se pse është i interesuar për atë pozitë pune dhe pse ai mund të jetë kandidati më i përshtatshëm për rolin që ofrohet. Një letër motivimi zakonisht i bashkangjitet aplikacionit për punë, bashkë me CV-në apo rezymenë. Pse ka rëndësi letra e motivimit? CV-ja është një dokument i shkurtër nëpërmjet të cilit punëdhënesit informohen rreth kandidatëve dhe sigurojnë edhe të dhënat e tyre personale dhe profesionale. Mirëpo, në CV jemi të kufizuar të shprehemi shumë në lidhje me kualifikimet tona. Çdo kompani, institucion, organizatë, ka nevojë të dijë se pse një kandidat është i interesuar për një rol të caktuar, nga buron motivimi i tij, çka mund të ofrojë ai për kompaninë dhe çka e bën atë kandidatin më të mirë për rolin të cilin po e synon. Letra e motivimit shumë shpesh konsiderohet edhe vendimtare për ftesën për intervistë. Si ta shkruajmë një letër motivimi? Fillimisht, para se të nisim shkrimin e letrës së motivimit është thelbësore të njihet struktura e saj - pra çka duhet të përmbajë ajo letër. Një letër motivimi duhet të ndahet në tre paragrafë kryesorë: Hyrja Pjesa kryesore Përfundimi Duhet nënvizuar se letra duhet të ketë edhe një pjesë para-hyrëse. Pra, në krye të letrës sigurohuni t’i shkruani të gjitha informatat personale apo cila është pozita për të cilën jeni duke aplikuar. Shkruani të dhënat tuaja si: emrin dhe mbiemrin, emrin e kompanisë/institucionit ku po aplikoni, detajet e kontaktit duke përfshirë edhe rrjetet sociale dhe e-mailin tuaj. Hyrja. Paragrafin hyrës niseni duke iu drejtuar kompanisë, grupit, personit etj, me një përshendetje. Vazhdoni duke treguar se pse jeni të interesuar t’i bashkoheni atij ekipi, nga buron motivimi juaj. Një shembull i hyrjes: I/e nderuar (emri i personit) ose Përshendetje KosovaJob, Jam shumë i/e lumtur që kam mundësinë të aplikoj për rolin e (shkruani pozitën e punës)…. Ose: Dua të shpreh interesimin tim për të aplikuar për pozitën/ programin…në X kompaninë (shkruani edhe vendin ku po aplikoni). Pjesa kryesore apo mesi i letrës. Kjo pjesë konsiderohet thelbësore sepse me atë se çka do të shkruani këtu ju mund të fitoni vëmendjen e punëdhënësit. Në këtë pjesë, mundohuni të përdorni sa më shumë fakte, flisni për arritjet tuaja, tregoni se çka mund t’iu dallojë juve nga të tjerët kandidatë etj. Përdorni fjali si : Unë e kam vërejtur interesimin tim për fushën e dizajnit qysh kur nisa praktikën e parë në X kompaninë. Puna në një biznes të vogël ishte shumë frytdhënëse për mua dhe më bëri të kuptoj se… Unë tashmë dua të bashkohem në një mjedis dinamik dhe të fitoj sa më shumë njohuri e detaje rreth programimit. Dua të jap dhe të marrë gjëra cilësore nga një mjedis profesional siç është kompania juaj. Përfundimi. Në këtë pjesë mundohuni të përmbledhni atë çka u tha në letër, duke përdorur shprehje si: Unë besoj se jam një kandidat i përshtatshëm për kompaninë tuaj sepse (përmendni se çka ju lidhë me kompaninë dhe çka synoni të ofroni në kompani). Në fund, falenderojeni lexuesin për kohën dhe përmbylleni letrën me fjali të tilla si: Shpresoj të më ofrohet mundësia e intervistimit / jam shumë entuziast të paraqitem në intervistë dhe të mësoj më shumë detaje rreth ketij roli, etj. Kur e shkruani një letër motivimi tentoni të ofroni sa më shumë material bindës që punëdhënësi juaj potencial t'iu ftojë në një intervistë. KosovaJob ju sjellë disa këshilla se në çka të fokusoheni më shumë në letrën e motivimit: Letra gjithmonë le të jetë personale, mos harroni të shkruani emrin dhe mbiemrin se kujt po ia drejtoni letrën. Kushtojini shumë rëndësi gabimeve gramatikore, janë të patolerueshme. Jepni shembuj nga puna juaj dhe jo vetëm fjali, (psh mos thoni që ju keni aftësi të mira udhëheqjeje por tregoni se çka keni arritur të bëni me këto aftësi). Tentoni të jeni origjinalë, mos i kopjoni letrat prej të tjerëve. Ikni nga klishetë. Hulumtoni sa më shumë lidhur me kompaninë, vlerat, vizionin, misionin. Rrëfeni diçka, njerëzit kanë shumë dëshirë të lexojnë rrëfime, tregoni se si keni arritur të tejkaloni një sfidë, çka i keni dhënë kompanisë etj. Pavarësisht që letra e motivimit nuk është diçka e lehtë për t’u shkruar, në tregun e sotëm të punës, këto lloje letrash janë thelbësore për një punëdhënës. KosovaJob, sjellë edhe një shembull të plotë se si mund të duket një letër motivimi: I/e nderuar (shkruani emrin dhe mbiemrin e personit të cilit i drejtoheni apo kujt i referohet letra, nëse nuk e dini se kush do ta pranojë letrën, përdorni zotëri / zonjë) Po iu shkruaj për të shprehur interesimin tim për pozitën e Menaxherit të Restaurantit në kompaninë (shkruani emrin e kompanisë ku po aplikoni). Përvoja ime dhe aftësitë e mia lidhen shumë mirë me pozitën për të cilën ju jeni duke kërkuar staf. Si menaxher në X kompaninë (shkruani përvojën tuaj në një kompani të mëparshme dhe rezultatet tuaja), unë kam dëshmuar të jem produktiv dhe shumë entuziast në punë.  Vlerat e mija i kam dëshmuar edhe duke trajnuar ekipin se si bashkërisht të arrijmë synimet në shitje për secilin vit, çka gjithmonë ka rezultuar të ketë sukses, gjë që e konsideroj si një ndër arritjet e mëdha të mija gjatë detyres si menaxher.  Kompania juaj do të mund të përfitonte nga unë nëse bëhem pjesë e ekipit ngase konsideroj të jem goxha detajist/ e, pra kam një sy të mprehtë që të jemi sa më profesionistë dhe të kemi një nivel të lartë të profesionalizmit si ekip, nga etika ime në punë dhe aftësite e mija të lidershipit, si dhe jam i/e gatshëm/gatshme të punoj nën presion. Unë dëshiroj të bëhëm pjesë e ekipit tuaj sepse këtë e konsideroj një mundësi shumë të mirë ku mund të jap kontributim tim dhe të fitoj shumë nga cilësia dhe profesionalizmi që e karakterizon kompaninë tuaj. Do të ishte një privilegj për mua të kem mundësine të diskutoj më detajisht këtë pozitë pune në një intervistë të mundshme. Falemnderit shumë për kohën tuaj! Përzemërsisht, (Emri juaj) Letër motivimi për pozitën e Dizajnerit Grafik: Letër motivimi për pozitën e Specialistit të Marketingut: Letër motivimi për pozitën e Agjentit të Thirrjeve: Shkarko letër motivimi për Specialist të Marketingut Shkarko letër motivimi për Agjent të Thirrjeve Shkarko letër motivimi për Dizajner Grafik Shkarko letër motivimi për Menaxher të Shitjeve Shkarko letër motivimi për Menaxher të Restaurantit
Lexo më shumë
5 profesione që mund t’i ushtroni në Kosovë nëse jeni ekonomist
Ekonomistët merren me mbledhjen, organizimin dhe interpretimin e të dhënave, duke përdorur formula matematikore dhe statistika për t’i bërë llogaritjet e ndryshme. Një karrierë në ekonomi mund të rrisë mundësitë e punësimit në shumë drejtime, pavarësisht industrisë në të cilën operon një kompani e caktuar. Çka mund të punoni me një diplomë në ekonomi? Ka shumë drejtime në të cilat mund të punoni nëse keni një diplomë në ekonomi. Edhe në Kosovë, ofrohen mundësi punësimi në disa fusha të ekonomisë. Personat që kanë diplomë në ekonomi mund të punojnë në banka, institucione financiare, agjenci të ndryshme, etj. Nëse keni studiuar në fushën e ekonomisë, ka disa profesione të cilat mund t’i ushtroni. KosovaJob, ju sjellë disa prej këtyre profesioneve:  Kontabilist/e Konsulent/e Analist/e kreditor/e Analist i/e financave Auditor/e Kontabilist. Roli i një kontabilisti është të kryej detyra që lidhen me saktësinë, regjistrimin, analizat dhe prezantimin e operacioneve financiare të një biznesi, ndërmarrjeje apo organizate. Në ditët e sotme, pothuajse çdo kompani ka nevojë për kontabilistë. Konsulent/e.  Konsulentët apo këshilltarët ekonomikë duhet të kenë aftësi për të analizuar tregun dhe ndihmuar organizatën apo kompaninë ku punojnë që të përmirësojë performancën. Konsulentët mund të punojnë për kompani që operojnë në industri të ndryshme duke përfshirë financat, shëndetësinë, arsimin, etj . Analist/e kreditor/e. Një analist kreditor mirëmban marrëdhëniet me klientët ekzistues dhe njëkohësisht krijon mundësi të reja bashkëpunimi me klientë të rinjë. Analistët kreditor janë profesionistë financiarë të cilët përcaktojnë mundësinë që huamarrësit të shlyejnë detyrimet e tyre financiare. Analist i/e financave. Analistët financiar si pjesë kryesore të punës kanë kryerjen e analizave financiare për klientët e jashtëm ose të bredshëm. Auditor/e. Puna e një auditori përfshin përgjegjësitë për statusin financiar dhe llogaritë e kompanive apo organizatave. Një auditor mbledh të gjitha informacionet dhe kontrollon nëse të gjitha pasqyrat financiare dhe regjistrimet janë të vlefshme, ligjore ose nëse paraqiten në mënyrë të drejtë.
Lexo më shumë
Menaxhimi i kohës në vendin e punës: Si ta organizoni ditën më mirë?
Rëndësia që i japim menaxhimit të kohës në vendin e punës tregon shumë për ne. Koha e menaxhuar mirë në vend pune, nënkupton ngritjen e produktivitetit dhe uljen e stresit. Qëllimi i menaxhimit të kohës është që njerëzit të kryejnë punën më mirë, duke e kursyer kohën dhe energjinë. AkademiPune, ju rekomandon disa këshilla që mund t’i aplikoni për përmirësimin e aftësive menaxhuese të kohës: 1. Bëni një vlerësim se si po e menaxhoni kohën në këtë moment. Nëse doni të rregulloni menaxhimin e kohës tuaj, së pari duhet të vlerësoni si po e shfrytëzoni kohën aktuale. Përpiloni një listë me detyrat ditore dhe javore që i keni si në vijim: Caktoni vetes detyrat dhe arritjet që mund t’i bëni gjatë ditës; Identifikoni prioritetet; Fokusohuni në aktivitetet që keni pritshmëri më të mëdha. Pas një vlerësimi të tillë, do të jetë mjaft e qartë se si mund ta menaxhoni kohën, duke i mënjanuar aktivitetet, bisedat jo produktive. Në këtë mënyrë, ju do të jeni në dijeni saktësisht se sa marrin kohë detyrat ditore dhe sa kohë ju mbetet për punë tjera.2. Krijoni një planprogram ditor Gjithmonë mbani me vete një fletore dhe listoni të gjitha detyrat që keni ndërmend dhe planifikoni t’i kryeni gjatë ditës. Ky është një hap vendimtar për një menaxhim sa më të mirë të kohës. Prandaj, mos e filloni ditën pa një listë të organizuar me detyrat ditore që planifikoni t’i kryeni. Para përfundimit të orarit të punës, krijoni një listë me detyrat primare për ditën e nesërme. Nëse e fitoni si shprehi listimin e detyrave me prioritet, kjo ju mundëson që të mos brengoseni gjatë natës për ditën e nesërme në punë. 3. Menaxhoni stresin Stresi shpesh ndodh kur pranojmë më shumë punë se sa potenciali që kemi. Kësisoj, trupi ynë fillon të ndihet i lodhur, gjë që ndikon në produktivitet. Kur filloni të ndjeni lodhje dhe stres, merrni pauza 10-15 minutëshe pasi që ju ndihmojnë në evitimin e stresit. Nëse një detyrë e caktuar ju shkakton stres dhe mendoni se nuk mund ta përfundoni në kohë, është shumë normale të kërkoni ndihmë ose të konsultoheni me kolegët tjerë. 4. Mënjanoni shpërqëndrimet Rrjetet sociale, përdorimi i telefonit, mesazhet e ndryshme që mund të merrni janë vetëm disa nga shpërqëndrimet në punë që ju konsumojnë kohë dhe ndikojnë në produktivitet. Prandaj, eleminimi i tyre gjatë kohës kur jeni në orar pune, rezulton në menaxhim më të mirë të kohës dhe përfundim të detyrave në afat.5. Mësoni të thoni JO Ju kurrë nuk do të mund të mësoni menaxhimin e kohës në punë, nëse keni problem t’i thoni jo të tjerëve. Vetëm ju personalisht mund ta dini se për çfarë keni kohë dhe prioritetet që keni. Prandaj nëse duhet ta anuloni ndonjë kërkesë për t’u fokusuar në detyra me më rëndësi, mos hezitoni ta bëni një gjë të tillë.
Lexo më shumë
SI T’I KTHEHENI PUNËS PAS NJË PAUZE TË GJATË?
“Asnjë pauzë nga puna nuk duhet të shërbejë si shkëputje prej saj” Pavarësisht arsyeve, kthimi në punë pas një periudhe pushimi mund të jetë goxha sfidues.  Ndonëse mund të ketë punëdhënës që i arsyetojnë shkaqet e pushimit të dikujt dhe japin një rast tjetër, ka edhe të atillë që nuk janë shumë të bindur të japin edhe një mundësi të dytë. Kjo sepse në shumicën e rasteve, pauzimi do të thotë që edhe mund të mbesim pas në shumë aspekte që lidhen me veprimtarinë qe ushtrojmë apo me karrierën në përgjithësi. Në një intervistë dhënë për portalin e punësimit KosovaJob, drejtori i burimeve njerëzore në Korporatën Meridian, Abdylkerim Ratkoceri  tha se është shumë e rëndësishme që personat që pushojnë të mos shkëputën plotësisht nga puna por të jenë vazhdimisht produktiv, duke përfshirë investimin tek vetëvetja, kësisoj ta kenë më të lehtë kthimin në punë.  “Çka është shumë me rëndësi për personat që kthehen, posaçërisht personat që pauzojnë për një periudhë të gjatë apo që thjeshtë kanë dashur të ndryshojnë diçka, që nuk e kanë gjetur veten, nuk kanë pasur mundësi të jenë pjesë e një kompanie apo një biznesi është që vazhdimisht të mësojnë gjëra të reja, të mos lejojnë që të mbesin mbrapa me kohën apo të mos investojnë asgjë në vetën“, ka thënë Ratkoceri. Ai jep edhe disa këshilla për njerëzit që mund të kenë pauzuar dhe po hasin në vështirësi për të filluar punën. “Nuk është fundi i botës, investoni diçka në vetëvete, mësoni diçka të re. Mos lejoni asnjëherë t’u flejë truri, gjithmonë angazhohuni me diçka të re, lexoni libra, lexoni artikuj, shihni se ku janë bizneset e tjera, mësoni çfarëdo lloj fushe” Gjatë intervistës, ai foli edhe për pushimin e lehonisë për çka tha se edhe gratë që shkojnë në pushim lehonie nuk duhet assesi të shkëputen terësisht nga puna në mënyrë që kjo të mos ndikojë mëpastaj në një përformancë të dobët të tyre. “Sa i përket lehonave, tek lehonat është pak më ndryshe sepse realisht ai është një pushim i cili është i përcaktuar edhe me ligj. Të gjitha bizneset kanë mirëkuptim në atë aspekt sepse kur një e punësuar bëhët nënë është një fazë tjetër e jetës mirëpo edhe ato është mirë që vazhdimisht të jenë të angazhuara dhe të mos ndahen komplet prej proceseve të natyrës së punës që ato kanë. Realisht, përkujdesi ndaj një fëmije është diçka e shenjtë, është diçka e madhe mirëpo në anën tjetër ato duhet të jenë të kujdesshme që vazhdimisht të mësojnë dhe që thjeshtë të mos mbesin mbrapa me njohuritë që kur të kthehen mandej të mos kenë probleme” Ndërkaq, njerëzit të cilët kanë pasur kriza gjatë punës së tyre, sipas tij duhet që fillimisht ta analizojnë vetën dhe të kuptojnë se ku ka qenë gabimi duke ritheksuar se edhe këta persona duhet patjetër të gjejnë një motiv për të vazhduar tutje. “Është shumë me rëndësi që kur keni një krizë, fillimisht ta inspektoni vetën dhe ta shihni nëse ka qenë problemi tek ju, pse ka ardhur deri tek kriza. Është një thënie “Je i ulur mbrapshtë në karrige dhe thua se bota ma ka kthyer shpinën por ti je mbrapshtë”. Pra e para, duhet ta analizoni vetëveten se pse keni ardhur deri tek ajo krizë . Zakonisht krizat ndodhin kur një person qëndron gjatë në një pozitë dhe nuk mëson diçka të re, nuk ka investime  ndoshta as nga kompania në zhvillim të atij personi, ndodh që vjen deri tek ajo që krijohet një monotoni , ku personi më nuk e gjen vetën. Një person, në rast se ka pauzuar një kohë të gjatë, medoemos duhet ta gjej motivin duke mësuar gjëra të reja, koha ecën shpejt, çdo ditë e humbur pa mësuar diçka është kthim mbrapa dhe dështim i vetëvetes”, theksoi ai. Nga përvoja e tij në burime njerëzore, Ratkoceri theksoi se njerëzit që hasin vështirësi në gjetjen e punës apo kanë pakënaqësi zakonisht e shohin si zgjidhjen më të lehtë largimin nga vendlindja por sipas tij kjo është e gabuar. Ai sugjeron të investohet në diçka ku gjithësecili mund të jap kontributin e vet, meqënëse sipas tij edhe kompanitë në Kosovë tashmë janë vetëdijësuar dhe nuk funksionojnë me nepotizëm por janë vazhdimisht në kërkim të njerëzve cilësorë. Sipas tij, pushimi për një periudhë kohore arsyetohet më së miri nëse individët kanë dashur të zhvillohen në aspekt akademik, kanë vijuar trajnime të ndryshme në ngritjen profesionale apo kanë dashur të investojnë në vetën e tyre që të përgatitën më mirë për sfidat që i presin në karrierën e tyre.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.