Rëndësia e gjuhës gjermane në tregun e punës në Kosovë

13 Mar, 2020

Rëndësia e gjuhës gjermane në tregun e punës në Kosovë
	 	 

Gjuha gjermane hyn në mesin e gjuhëve më të folura në të gjithë globin dhe është edhe ndër gjuhët më të folura në Evropë. Gjermanishtja mund t’i lidhë individët me më shumë se 100 milionë folës në mbarë botën. Njihet po ashtu edhe si gjuhë kryesore e biznesit dhe si gjuha e tretë e punës që përdoret në Bashkimin Evropian.

Gjuhës gjermane, çdo vit e më shumë po i shtohet vlera edhe në tregun e punës në Kosovë. Janë të shumta kërkesat për të mësuar gjuhën e gjermane sepse edhe mundësitë e punësimit për njerëzit që e njohin këtë gjuhë po rriten gjithnjë e më shumë.

Fidaim Sheholli, Menaxher i Departamentit të Trajnimeve në kompaninë më të madhe botërore për shërbime ndaj klientëve Teleperformance, në një intervistë për AkademiPune ka thënë se njohja e gjuhës gjermane, sjellë një mori përfitimesh në punësim. Ai tha edhe se mundësitë e punësimit nuk janë të pakta, kur individi njeh gjuhën gjermane.

fidaim sheholli

Është një treg mjaft i madh i kompanive gjermane që kanë synim ardhjen në Kosovë, për shkak se ato kompani sigurisht që e bëjnë edhe një hulumtim të ri dhe shohin se në Kosovë sidomos resurset njerëzore janë mjaft të përgatitur në aspektin e dijes dhe kualifikimit por shohin se është edhe një numër i caktuar i atyre që njohin gjuhën gjermane. Me avancimin e teknologjisë, sot nga Kosova mund të punohet për kompani të huaja në Gjermani apo në vende gjermanofolëse siç është Zvicra ose Austria. Kështu që, mendoj që gjuha gjermane tani është më e kërkuar sesa gjuha angleze pasiqë ekzistojnë një numër i madh i njerëzve që veç e dinë  gjuhën angleze, po çka është momentalisht e kërkuar, është gjuha gjermane”  

Ai tha se krahas nivelit të shkollimit, tek ai ka qenë një vlerë e shtuar njohja e gjuhës gjermane për shkak se i ka mundësuar ngritjen në karrierë. “Mund të kesh edhe një master këtu në Kosovë por vendet e punës janë aq të kufizuara saqë edhe nëse punon në institucione të tjera, nuk e ke ndoshta aq të sigurtë mundësinë e ngritjes në karrierë, ashtu siç e ke nëpër kompani gjermane ose ndërkombëtare në përgjithësi”

Sipas tij, me ardhjen e bizneseve të huaja në Kosovë jo vetëm që është përmirësuar puna brenda Kosovës në aspektin e punëmarrësit, apo janë përmirësuar kushtet e punës dhe vlerësimi i punëtorëve por kjo ka ndikuar edhe në përmirësimin e klimës biznesore në Kosovë. Kjo ngase tashmë ndërmarrjet po fokusohen shumë në atë se si t’i motivojnë punëtorët por gjithashtu edhe në ngritjen e pagave.

Ai thekson se ndikon shumë edhe aspekti financiar dhe vlerësimi i punëtorit, çka kompanitë e huaja i kanë prioritete. Sipas tij, është mirë që në shkolla fillore e të mesme në Kosovë të jetë medoemos një lëndë zgjedhore e gjuhës gjermane dhe se duhet pasur parasysh faktin që mosha mesatare në Gjermani është dikund 46 vite ndërkaq në Kosovë 27-29. Si rrjedhojë, Kosova ofron një potencial të jashtëzakonshëm të atyre që zotërojnë shumë mirë gjuhën gjermane.

Sheholli thekson se përvojat e tij të mëparshme nëpër banka e institucione të ndryshme nuk i kanë dhënë mundësinë e ngritjes në karrierë siç ka ndodhur në kompanitë ku i është nevojitur gjuha gjermane për punë, çka njëkohësisht i ka ndihmuar edhe në aspekt financiar. Kjo sepse kompanitë e huaja paguajnë kryesisht më mirë sesa ato vendore. Ai ka një porosi për të rinjtë në Kosovë, të cilët presin të përfshihen në treg të punës.

“Këshilla ime për të rinjtë është të shfrytëzojnë kohën në mënyrë racionale, të investojnë në avancimin e tyre, ta mësojnë gjuhën gjermane. Një individ, pavarësisht shkollimit që posedon, nëse e din gjuhën gjermane dhe punon në një sektor tjetër, jo në një kompani të huaj, ai e ka potencialin e tij, që është një vlerë e shtuar gjuha gjermane, dhe ai mund të dalë prej një biznesi ku nuk trajtohet mirë në një biznes ndërkombëtar sepse kompanitë vendore e ndjekin logjikën e ndëshkimit dhe jo të motivimit. Pra, ai person e ka mundësinë të kalojë në një kompani që i çmon këto gjëra, e këto kompani kanë ndikuar jashtëzakonisht mirë në përmirësimin e infrastrukturës së punës por edhe të trajtimit të mirë të punëtorëve sepse tash e dimë çka është mirë të bëhet dhe çka jo”

Zanë Havolli - Veseli, Senior Recruiter në kompaninë e rekrutimit HumanPower, tash e disa vite merret direkt me rekrutimin e gjermanofolësve për kompaninë botërore për shërbime ndaj klientëve, Teleperformance. Në një intervistë për AkademiPune, ajo ka thënë se kërkesa për të punësuar gjermanofolës është shumë e madhe në treg të punës. Ajo tregon se Teleperformanca në tri vitet e kaluara ka punësuar mbi 500 persona që njohin gjuhën gjermane.

Zana Havolli

“Janë mbi 500 persona gjermanofolës nga Kosova të punësuar në kompaninë më të madhe botërore për shërbime ndaj klientëve, Teleperformancë. Pjesa dërmuese e tyre e flasin rrjedhshëm gjuhën gjermane, ka prej atyre që e kanë mësuar gjatë kohës sa kanë jetuar në vende gjermanofolëse, në kurse apo edhe nëpërmjet televizorit. Njohja e gjuhës gjermane absolutisht sjellë përfitime të shumta në aspekt të punësimit sepse kryesisht këta njerëz fillojnë të punojnë me metoda më ndryshe, domethënë me standarde gjermane të punësimit. Personalisht si rekrutere dhe e involvuar direkt në rekrutimin e gjermanofolësve, mund të them që ka pasur raste kur njohja e gjuhës gjermane e ka bërë diferencën në jetën e disa personave që sot gëzojnë punën aty.”

Havolli ndër tjera tregon se një pjesë e madhe e punonjësve vazhdojnë punën aty, si shkak i benefiteve të mëdha që kanë pasur ndër vite.

Ndërkaq, Allen Pajaziti, mësimdhënës i ri i gjuhës gjermane në shkollën e gjuhëve të huaja Britannica ELT, tregon se interesimi për ta mësuar gjuhën gjermane është shumë i madh. 

“Interesimi për ta mësuar gjuhën gjermane është jashtëzakonisht i madh, duke e pasur parasysh faktin që sistemi i arsimit në Kosovë ka ndërruar dhe të rinjtë duan ta përvetësojnë atë që e mësojnë në shkolla. Gjuha angleze tashmë është bërë gjuhë dytësore tek ne dhe thuajse nuk ka anëtar në familje prej gjeneratave tash e tutje që nuk po e dinë gjuhën angleze, pse jo mos me e mësu edhe gjuhën gjermane”

Ai thotë se personat që duan ta mësojnë gjuhën gjermane kanë qëllime vetanake. Gjuha gjermane ua mundëson të gjinden në shtete të tjera si Gjermani, Zvicër, Austri, Luksemburg por edhe sepse kjo gjuhë tashmë është bërë një gjuhë universale sa i përket komunikimit, kuptimit apo marrëveshjeve në përgjithësi.

“Dallon rasti nga rast, gjeneratat më të reja vijnë shkaku i arsimimit në shkollë, nuk duan ta lënë me aq sa mësojnë në shkolla se në shkollë është sistemi ndryshe, i ke 45 minuta për një klasë, ajo nuk mund të nxjerrë mësim cilësor. Kjo është njëra prej arsyeve pse vijnë tek ne, dikush është i interesuar të shkojë jashtë Kosovës, disa kanë synim të bëhen poliglotë, disa e mësojnë veç për qejf. Ka shumë përfitime edhe në Kosovë, sa ma shumë gjuhë që din aq më shumë vlen. Në Kosovë kanë filluar shumica e firmave të bëjnë outsourcing dhe njëra prej arsyeve pse duhet të mësohet gjuha gjermane është se ofrohet një punë më e mirë, janë pagat më të larta, është orari i punës më në rregull, etj”.

mesimi i gjuhes gjermane

Edhe Driton Peci, agjent i thirrjeve në kompaninë Teleperformance, thotë se njohuritë në gjuhën gjermane i kanë sjellë shumë përfitime në karrierë. Ai tash e dy vite punon në Teleperformancë dhe thotë se është shumë i kënaqur me kushtet e punës, metodat, ambientin në përgjithësi.

“Sa i përket punësimit, është një ambient më ndryshe nga ajo që jemi mësuar të bëjmë në Kosovë, duke pasur parasysh mënyrën e funksionimit të bizneseve në Kosovë. Modeli gjerman i punësimit që në tregun tonë nuk është thuajse fare i përhapur dhe ligjet e aprovuara nuk zbatohen është definitivisht diçka që të bën të vëresh dallimin. Duke e njohur gjuhën gjermane, nuk kam pasur vështirësi kurrë të punësohem, nuk e kam pasur ndonjëherë një periudhë të gjatë që kam qenë i papunë. Tregu ta mundëson këtë fleksibilitet sepse nuk je i varur veç prej një punëdhënësi e as punëdhënësi prej teje, kjo shkakton edhe një lloj balance sa i përket pagave të cilat janë më të mira se veprimtaritë e tjera në Kosovë”.

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Në cilin vit u realizua fotografia e parë me rrezet X?
    A
    1895
    B
    1696
    C
    1796
    D
    1596
  • Nga kush u shkrep kjo fotografi e njohur që tregoi vuajtjet e fëmijëve të uritur në Sudan dhe u botua në "New York Times" më 26 mars 1993, si dhe fitoi çmimin "Pulitzer"?
    A
    Kevin Carter
    B
    Ken Oosterbroek
    C
    Eddie Adams
  • Në vitin 1966, Kyoichi Sawada fitoi çmimin Pulitzer për fotografi. Për cilën luftë bëhej fjalë në atë fotografi?
    A
    Luftën e Vietnamit
    B
    Rebelimin e Dhofar
    C
    Luftën Civile të Jemenit të Veriut
  • Cila është ngjarja e përshkruar në këtë fotografi?
    A
    Forcat amerikane përgatiten të pushtojnë Vietnamin, 1955
    B
    Sulmi i forcave aleate në Normandi, Francë, 1944
    C
    Ushtria amerikane përgatitet të pushtojë Kuvajtin, 1991
  • Si quhet Muzeu Kombëtar i Fotografisë Shqiptare?
    A
    Marubi
    B
    Skëndërbeu
    C
    Muzeu Shqipëria
  • Cila është ngjarja e përshkruar në këtë fotografi?
    A
    John F Kennedy, pak minuta para vrasjes, 1963
    B
    John F Kennedy në rrugën e tij për t'u betuar, 1960
    C
    John F Kennedy duke vizituar Jerusalemin, 1961
    D
    John F Kennedy në rrugën e dasmës së tij, 1953
  • Cili është termi për ngjyrën e kuqrremtë-kafe që u shtua tradicionalisht në fotot bardhë e zi, për t'u dhënë atyre një ndjesi të ngrohtë?
    A
    Auburn
    B
    Indigo
    C
    Orchre
    D
    Sepia
  • Cila është ngjarja e përshkruar në këtë fotografi?
    A
    Marthin Luther King Jr. njofton pensionimin e tij, 1968
    B
    Marthin Luther King Jr. para një turme të krishterë, 1965
    C
    Luther King Jr. para masës gjatë marshimit të madh në Uashington
  • Rezolucioni i një imazhi përshkruan:
    A
    Cilësinë e imazhit
    B
    Madhësinë e imazhit në pixel
    C
    Ngjyrën dhe kontrastin e figurës
  • Si quhet kjo fotografi e shkrepur nga Steve McCurry në një kamp refugjatësh në Peshawar, Pakistan? Kjo foto u emërua si fotografia më e njohur e National Geographic.
    A
    Sharbat Gula
    B
    Vajza Afgane
    C
    Vajza në shami të kuqe
1
/
10
ARTIKUJ TË NGJASHËM
Kthimi në punë përderisa pandemia ende nuk ka përfunduar
Pandemia dhe pasojat e saj do të jenë një nga sfidat më të mëdha të biznesit të kohës sonë. Për të vazhduar operacionet duke minimizuar rrezikun për punonjësit, shumica e kompanive kanë përshtatur mënyra të reja të punës nga shtëpia varësisht nga natyra e punës.Askush prej nesh me të vërtetë nuk e di se si do të duket jeta jonë kur gjërat fillojnë të kthehen në "normalitet". Një gjë duket e sigurt, puna do të duket ndryshe për një kohë.Punëdhënësit dhe menaxherët mbajnë përgjegjësinë kryesore për të drejtuar kompanitë e tyre përmes kësaj kohe. Varet nga ata që të përcaktojnë se si dhe kur të fillojnë detyrën komplekse të kthimit në vendin e punës pasi të jenë larguar në tërësi kufizimet e qeverisë.A do të praktikohet distanca sociale? Shëndeti dhe siguria e punonjësve duhet të jetë prioritet i kompanive. Kjo natyrisht se është një shqetësim moral, etik dhe ligjor për të gjitha kompanitë. Nga këndvështrimi i biznesit, mbrojtja e mirëqenies së punonjësve është thelbësore sepse asnjë plan për të rifilluar operimet normale nuk mund të ketë sukses pa ta. Punonjësit padyshim se llogarisin në kompanitë e tyre për t'i ndihmuar të rikthehen në punë pa rrezikuar shëndetin e tyre. Përderisa kufizimet e lëvizjes po zbuten, kompanitë do të duhet të kuptojnë dhe zbatojnë pajtueshmërinë me urdhrat e pushtetit lokal si dhe atij qendror. Meqenëse këto rregulla ndryshojnë sipas vendndodhjes dhe ndoshta nuk do të jenë të aplikueshme njëzëri, drejtuesit e kompanive duhet të planifikojnë një varg metodash bazuar në natyrën e punës dhe vendin ku zhvillohet puna. Tranzicioni nga puna prej shtëpisë në atë nga zyrja Si punëdhënësit ashtu edhe punonjësit nuk do ta kenë të lehtë deri sa të stabilizohen dhe t’i kthehen punës siç ka qenë para përhapjes së pandemisë. Ja disa këshilla se si menaxherët mund të përballen me këtë ndryshim: Keni durim dhe fleksibilitet. Ka gjasa që ekipi juaj të ndihet i stresuar, qoftë për t'u rikthyer në zyrë ose për sfida më të përgjithshme, të shkaktuara nga pandemia. Ndihmoni dhe inkurajoni ekipin tuaj që ta ketë sa më të lehtë ta rifillojë punën. Krijoni një plan të detajuar. Punonjësit tuaj duan të dinë se çfarë të presin në të ardhmen. Krijoni një plan që përshkruan në detaje se si do të vazhdojnë detyrat në terma afatshkurtër dhe afatgjatë. Bëni këtë plan të disponueshëm për ekipin tuaj dhe përgjigjuni pyetjeve që mund të kenë ndaj jush. Vendosni pritshmëri të qarta për udhëzime dhe rregullore të reja. Sigurohuni që ekipi juaj të jetë i vetëdijshëm dhe t'i përmbahet masave të sigurisë dhe rregullave të reja. Ato duhet të komunikohen qartë dhe rregullisht në mënyrë që të gjithë të jenë të përditësuar me informatat e fundit. Si duhet të përballen punonjësit me situatën e re?Mos nxitoni nëse nuk jeni gati fizikisht ose emocionalisht. Siç diskutuam më lart, ekzistojnë arsye të ndryshme që mund t'ju bëjnë që ende mos jeni në gjendje të ktheheni në punë brenda zyrës. Komunikoni me menaxherin tuaj ose departamentin e HR për të diskutuar një plan veprimi të përshtatshëm. Qëndroni të kujdesshëm kur bëhet fjalë për procedurat e reja të sigurisë. Mos u shqetësoni për praktikat higjienike të sugjeruara. Ju jeni më të sigurtë përderisa vazhdoni t’i zbatoni rregullat si mbajtja e distancës dhe higjienës. Komunikoni qartë dhe shpesh. Sigurohuni që ju dhe menaxheri juaj keni komunikim të vazhdueshëm në lidhje me nevojat tuaja të punës. Nëse gjatë kësaj kohe keni nevojë për fleksibilitet mos hezitoni ta njoftoni. Thënja se ne jemi të gjithë së bashku kundër kësaj pandemie është përmendur disa herë, prandaj duhet të vazhdojmë ta përkrahim njëri tjetrin që ta tejkalojmë këtë situatë kritke. Mbështetuni në rrjetin tuaj të njerëzve dhe burimeve për t'ju ndihmuar ta keni sa më të lehtë kalimin përsëri në zyrë./AkademiPune
Lexo më shumë
Përparësitë dhe mangësitë e punës me ndërrime
Puna me ndërrime përfshin caktimin e punonjësve për të kryer detyrat e tyre të punës gjatë gjithë 24 orëve të ditës dhe zakonisht gjatë tërë javës.Ekzistojnë lloje të ndryshme të orareve të punës me ndërrime. Punëdhënësit varësisht nga natyra e punës dhe kërkesat e tregut mund të caktojnë punonjësit në ndërrim të parë, ndërrim të dytë ose në ndërrim të tretë. Poashtu, ekzistojnë mundësitë që punonjësve tu caktohet të punojnë rregullisht gjatë atij ndërrimi, që njihet si punë me orar fiks ose të punojnë në ndërrime të përditshme apo javore. Ndërrimi i parë Këtij orari të punës ndryshe i referohemi si orari tradicional. Punonjësit që kanë ndërrimin e parë, zakonisht punojnë nga 9 e mëngjesit deri në 5 pasdite, por ka edhe alternativa tjera si nga ora 8 e mëngjesit deri në orën 4 pasdite, si dhe 10 të mëngjesit deri në orën 6 pasdite. Pra, të gjitha këto orare bëjnë pjesë në ndërrimin e parë. Ndrrimi i parë është një ndër ndrrimet më të favorshme për punonjësit pasi ka orare më të përshtatshme. Ndërrimi i dytë Punonjësit e ndërrimit të dytë shpesh fillojnë në orën 4 ose 5 pasdite dhe përfundojnë orarin në mesnatë ose ora 1 në mëngjes. Ndërrimi i tretë Ky orar zakonisht quhet edhe ndërrimi i natës. Punonjësit fillojnë punën ndërmjet orës 9 ose 10 të natës dhe përfundojnë orarin ndërmjet orës 6 ose 8 të mëngjesit. Puna me ndërrime në orare të ndryshme Në këtë orar përfshihen të tri ndërrimet e lartpërmendura. Në vend që të kenë të njëjtin ndërrim çdo ditë, punonjësit me ndërrime punojnë në orare të ndryshme në varësi të ditëve të javës. Për shembull, dikush mund të punojë në ndërrimin e parë tre ditë në javë dhe 2 ditë të tjera në ndërrimin e dytë. Më hollësisht, ky lloj orari përbën një përzierje të tri orareve si ndërrimit të parë, të dytë dhe tretë. Përparësitë që ka puna me ndërrime Ekzistojnë aspekte pozitive të punës me ndërrime, veçanërisht për njerëzit që punojnë gjatë ndërrimeve të dyta dhe të treta. Puna në këto ndërrime mundëson që punonjësit të udhëtojnë gjatë kohës kur trafiku është më pak i ngarkuar. Kjo do të thotë të shmanget trafiku i ngarkuar, që di të jetë mjaft stresues sidomos në orët e hershme të mëngjesit. Mangësitë që ka puna me ndërrime Puna me ndërrime poashtu mund të ketë edhe mangësitë e saj, veçanërisht për ata që punojnë gjatë natës. Sipas "National Sleep Foundation" personat që punojnë me ndërrime ankohen se kanë probleme metabolike, anoreksi, pagjumësi, si dhe probleme me peshën. Profesionet në të cilat puna me ndërrime është e zakonshme Shërbimet mbrojtëse, bizneset që meren me prodhim dhe transport, si dhe kujdesi shëndetësor, të gjitha këto aplikojnë punën me ndërrime. Personat të cilët janë të punësuar në këto industri pritet të kenë orare që mund të përfshijnë ndërrime të mbrëmjes, gjatë natës, fundjavës dhe shpesh duhet të punojnë edhe për pushime dhe festa. Ja disa nga profesionet që zakonisht punonjë me ndërrime pasi natyra e punës e kërkon një gjë të tillë: Zjarrfikësit Zyrtarët e policisë Punonjësit e shëndetësisë Kontrolluesit e trafikut ajror Punonjësit e sektorit të transportit Punonjësit e shërbimit postar
Lexo më shumë
Pesë profesione për njerëzit që e duan ujin
Nëse jeni prej atyre njerëzve të cilët e duan ujin dhe pëlqeni të kaloni kohë pranë ujit, do të ishte shumë e mençur e gjithashtu edhe frytdhënëse për ju nëse zgjedhni një karrierë që ju mban afër ujit. Ka profesione të ndryshme që përfshijnë ujin, shkruan Monster, përcjellë KosovaJob.   Akuarist Shumë prej jush mund ta keni dëgjuar këtë term. Akuaristët janë punëtorë të cilët kujdesen për peshqit dhe të gjitha krijesat që jetojnë nëpër akuariume. Përgjegjësi kryesore e tyre është mirëmbajtja e akuariumit.  Çka nevojitet të keni për këtë profesion: Një diplomë e shkollës së mesme është një kërkesë minimale, zakonisht nevojitet të posedoni një diplomë bachelor, më mënyrë që të punoni specifikisht me jetën detare. Biologjia ose drejtime të tjera që lidhen me kafshët, janë të preferueshme për këtë profesion. Peshkatar Për shumicën e njerëzve, peshkimi është një aktivitet relaksues. Kjo punë është më të vërtetë relaksuese kur bëhet si hobi, mirëpo dallon kur peshkimi është punë primare dhe sigurohet jetesa me të. Peshkimi është një punë mjaft intensive, peshkatarët punojnë me një ekuipazh për të gjetur peshq, për të vendosur rrjeta peshkimi dhe kurthe, për t’i paketuar dhe ruajtur peshqit. Në rastet kur nuk ka sukses peshkimi, ata kujdesen për mirëmbajtjen e anijes. Çka nevojitet të keni për këtë profesion: Arsimimi apo ndonjë kualifikim i posaçëm nuk është i nevojshëm për të qenë peshkatar. Shumica e peshkatarëve mësojnë gjatë punës. Mirëpo, ka vende të botës ku kërkohet përfundimi i kurseve apo trajnimeve në peshkim. Hidrolog Hidrologët studiojnë gjithçka rreth ujit, duke përfshirë vetitë e tij, shpërndarjen dhe lëvizjen nëpër atmosferë. Specifikisht, detyra e hidrologëve është të sigurohen nëse ka ujë të mjaftueshëm për të gjitha krijesat në jetë, për një afat të gjatë. Ata hulumtojnë mënyra për të minimizuar erozionin dhe ndotjen e mjedisit, përdorin teknologjinë për të parashikuar përmbytjet, përhapjen e ndotjes dhe ngjarje të tjera. Çka nevojitet të keni për këtë profesion: Hidrologët kanë nevojë për një diplomë bachelor por shumë prej tyre gjithashtu posedojnë edhe diploma master. Kujdestar plazhi Detyra e rojeve të plazhit është të mbikqyrin pishinat, plazhet dhe çdo zonë tjetër me ujë në afërsi. Ata kujdesen që siguria të jetë në nivel dhe të ofrojnë ndihmë shpëtimi kur është e nevojshme. Çka nevojitet të keni për këtë profesion: Asnjë arsimim apo kualifikim zyrtar nuk është i nevojshëm për të qenë roje shpëtimi, por janë të nevojshme trajnimet specifike. Kapiten i anijeve Kapitenët transportojnë pasagjerë ose ngarkesa nëpër ujëra. Ata janë përgjegjës për sigurinë e të gjithë pasagjerëve dhe të bordit në përgjithësi. Ata merren edhe me mbikqyrjen e ekuipazhit si dhe mirëmbajtjen e anijeve. Çka nevojitet të keni për këtë profesion: Detyra e kapitenit kërkon përvojë me vite.
Lexo më shumë
Si të bëheni punëtorë të pavarur?
Puna si punëtor i pavarur ose freelancer është një mënyrë e lehtë e po ashtu edhe e shpejtë për të siguruar të ardhura. Kjo mund të realizohet në rast se keni aftësi në një drejtim të caktuar. Ju mund t’i ofroni shërbimet tuaja kompanive të ndryshme, duke punuar edhe nga shtëpia. Çka është një punëtor i pavarur (freelancer)? Një punëtor i pavarur është një punëtor që bën punë të veçantë për organizata apo biznese të ndryshme, dhe nuk punon gjatë gjithë kohës për një organizatë të vetme. Pse duhet të punoni si i pavarur? Ka një mori arsyesh se pse është frytdhënëse nëse keni një punë si freelancer. Me një punë të tillë, ju do të keni një metodë për të siguruar të ardhura shtesë. Përpos kësaj, e mira e kësaj pune është se mund ta nisni në çdo kohë dhe shumë shpejt. Krejt çka nevojitet është të bëni hulumtimin e saktë rreth klientëve për të cilët mund të kryeni shërbime. Puna si punëtor i pavarur është edhe fleksibile dhe gjithmonë iu lë kohë edhe për ta bërë nëj punë tjetër, me gjysmë orar. A ka mangësi ky lloj i punës? Ndonëse të mirat e kësaj pune janë shumë, duhet ta keni parasysh se mund të shoqëroheni edhe me disa mangësi. Pagesat ndonjëherë janë të çrregullta Menaxhimi i klientëve dhe projekteve kërkon shumë anagazhim Ka raste kur paga mund të jetë e ulët Cilat shërbime mund t’i kryejë një punëtor i pavarur? Ka shumë prej shërbimeve të cilat mund t’iu ofohen bizneseve apo organizatave si punëtor i pavarur. Disa prej profesioneve janë si vijojnë: Shkrimtar i pavarur Dizajner grafik Kontabilist Shërbime në marketing ose marrëdhënie me publikun Menaxher i rrjeteve sociale Si mund t’ia filloni? FIllimisht, ju duhet të zbuloni se cila është ajo aftësi e juaja të cilën mund t'ua ofroni kleintëve. Ju duhet të kujdeseni që ta keni një plan biznesi, një plan ku i nënvizoni shërbimet që mund t’i ofroni dhe një portfolio me punën tuaj.  Gjithashtu, një profil në LinkedIn është po ashtu shumë i nevojshëm në ditët e sotme, është një vend ku mund të gjeni shumë mundësi për punë të pavarura.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.