Si ta filloni mbarë punën e re?

11 Mar, 2020

Si ta filloni mbarë punën e re?
	 	 

Shumica prej nesh i mbajmë mend ditët tona të para në çdo punë, për shkak të presionit dhe dëshirës për të lënë përshtypje sa më të mirë te punëdhënësi si dhe te kolegët tjerë. Dita e parë në punën tuaj të re, mund të jetë njëra ndër ditët më të paharruara, mirëpo di të jetë edhe stresuese.

Kur filloni një punë të re, përgjithësisht jeni në shoqërinë e të tjerëve që tashmë i dinë detyrat dhe rolin e tyre. Është e rëndësishme që ta njihni natyrën e punës sa më shpejt, në mënyrë që të mund të performoni në mënyrë efektive në rolin tuaj të ri.

Ekzistojnë disa mënyra si mund të depërtoni në kulturën dhe natyrën e punës së kompanisë sa më parë dhe gjatë javëve të para ta keni më të lehtë fazën fillestare në punën tuaj të re.

Përshtatja në ambientin e ri

Në ditën tuaj të parë vishni rrobat tuaja të preferuara, atë që ju bën të ndiheni rehat. Pavarësisht nëse jeni duke udhëtuar me makinë për në punë ose duke përdorur transportin urban, sigurohuni që të lini mjaft kohë për të arritur atje në kohë, madje përpiquni të arrini pak herët.

Natyrisht se arritja me kohë në punë është gjithmonë e rëndësishme, mirëpo në fillimin tuaj ju jeni më të vëzhguar nga punëdhënësi pasi vlerëson entuziazmin tuaj për fillimin e punës së re.

Kuptoni detyrat që priten nga ju

Punëdhënësi juaj i ri nuk di domosdoshmërisht gjithçka që duhet të bëni për t'u përgatitur për rolin dhe përgjegjësitë tuaja të reja. Prandaj, ju vetë duhet ta merrni iniciativën që t’i njihni detyrat tuaja të reja dhe t’i përvetësoni ato sa më shpejt.

Përdorni këto udhëzime themelore për të ndihmuar theksimin e vlerës që ju sillni në vendin e punës:

  • Mos hezitoni t’i shfaqni aftësitë tuaja
  • Përvojat tuaja paraprake të rëndësishme që përputhen për rolin tuaj të ri
  • Identiteti i njerëzve me të cilët do të punoni

Brenda javëve të para të punës tuaj, bëni një pikë takimi me të gjithë kolegët që kanë detyra të përafërta me pozitën tuaj, për të mësuar më shumë rreth detyrave të reja dhe pritshmërive që ata kanë nga ju.

AkademiPune ju sjellë disa këshilla se çka duhet të bëni nëse sapo keni filluar një punë:

  • Buzëqeshni dhe jeni të shoqërueshëm. Njihuni me bashkëpuntorët tuaj, mësoni pak për familjet e tyre dhe zbuloni se cilat janë interesat e tyre
  • Përdorni orët tuaja të drekës për t'u afruar me bashkëpuntorët tuaj të tanishëm. Mund të jetë joshëse të takoheni me ish-kolegët tuaj të punës nëse jeni afër, por vendosja e marrëdhënieve me të tanishmit është shumë më e rëndësishme për të ardhmen tuaj të punës.
  • Mos u ankoni për ish shefin tuaj, kolegun tuaj të zyrës, bashkëpunëtorët ose punën tuaj të mëparshme
  • Vazhdoni të mbani qëndrim pozitiv dhe të jeni të hapur me të tjerët. /AkademiPune
Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Çka nënkuptohet me perspektivë globale?
    A
    Shoqëria si produkt i simboleve, gjuhës dhe ndërveprimeve
    B
    Grupe brenda ku ndodhin procese të rëndësishme të shoqërizimit
    C
    Studimi i botës dhe shoqërive brenda saj
    D
    Se si shoqëritë njerëzore formojnë jetën e njerëzve brenda tyre
  • Çka është socializimi gjinor?
    A
    Mbledhja e informacioneve nga një grup i madh njerëzish
    B
    Shpërblimet apo dënimet që jepen nga më shumë njerëz të një grupi
    C
    Mësimi i roleve gjinore që fillon që në lindje
  • Kush e zhvilloi teorinë e konfliktit?
    A
    Friedrich Engels
    B
    Karl Marx
    C
    Max Weber
    D
    Adam Smith
  • Kur kryhen kërkime, të gjitha anshmëritë, paragjykimet dhe supozimet duhet të pezullohen.
    T
    E vërtetë
    F
    E pavërtetë
  • Socializimi, si term sociologjik përshkruan:
    A
    Dallimin mes introvertëve dhe ekstrovertëve
    B
    Se si njerëzit i mësojnë normat shoqërore, besimet dhe vlerat
    C
    Gjendja mendore e një personi kur ndodhet në shoqërinë e një grupi
    D
    Se si njerëzit ndërveprojnë gjatë situatave shoqërore
  • Studimi Harlow në majmunë, tregoi se:
    A
    Majmunët mund të socializohen duke imituar njerëzit
    B
    Ushqimi është shumë më i rëndësishëm se rehatia sociale
    C
    Majmunët të rritur nga speciet e tjera primate socializohen më dobët
    D
    Komfori shoqëror është më i rëndësishëm se sa ushqimi
  • Cila është një mënyrë për të bërë dallimin midis psikologjisë dhe sociologjisë?
    A
    Psikologjia përqëndrohet në mendje, sociologjia në shoqëri
    B
    Psikologët shohin nga brenda për të kuptuar sjelljen, sociologët jashtë
    C
    Psikologët fokusohen tek mendja, sociologët te funksionet shoqërore
    D
    Të gjitha më sipër
  • Cila nga këto qartëson se çka është e drejtë dhe çka e gabuar?
    A
    Humanitarizmi
    B
    Moraliteti
    C
    Aktivitetet dhe puna
    D
    Asnjëra nga këto
  • Kur gruaja qëndron në krye të familjes, njihet si:
    A
    Matriarkat
    B
    Patriarkat
    C
    Asnjëra nga këto
  • Çfarë nacionaliteti ishte Max Weber?
    A
    Holandez
    B
    Francez
    C
    Gjerman
    D
    Polak
1
/
10
ARTIKUJ TË NGJASHËM
Si të punoni me klientë të vështirë?
Njerëzit që punojnë në shitje, marketing apo fusha të ngjashme, pjesë kryesore të punës e kanë komunikimin me klientë dhe jo gjithmonë mund të kenë përvoja të mira me klientët e tyre. Shumë klientë, në periudha të caktuara mund të kenë pakënaqësitë e tyre, të mos u pëlqejë shërbimi që ofrohet, të kenë pritshmëri të tjera, etj.  Kur klientët nuk janë të kënaqur, mund të krijojnë edhe situata të pakëndshme dhe ndonjëherë personat përgjegjës mund të mos dinë se si t’ia bëjnë. Cilët janë klientë të vështirë? Klientë të vështirë konsiderohen ata klientë të cilët mund t’i duan gjithmonë gjërat me urgjencë, nuk hezitojnë ta kontaktojnë kompaninë edhe në fundjavë në mënyrë që të marrin informacionet për ato që duan, nuk janë të saktë me faturat apo pagesat, etj.  Ka disa mënyra se si t’ia dilni me klientët e vështirë: 1. Dëgjoni shqetësimet e tyre. Situatat e pakëndshme më së shpeshti krijohen kur ka mungesë të vëmendjes, kur nuk dëgjohet me kujdes pala tjetër. Ndonjëherë klientët mund të jenë të specializuar në një fushë tjetër ndërkaq ju  ofroni shërbime në një tjetër fushë. Prandaj, mundohuni ta kuptoni në thelb problemin e tyre, duke qenë të dëgjueshëm dhe menduar një zgjidhje e cila mund të funksionojë mirë edhe për ta. 2. Përgjigjuni në pyetjet e tyre. Nëse një prej klientëve të kompanisë suaj ka pakënaqësi në lidhje me shërbimin apo çkado, sidomos nëse ai klient është besnik, mundohuni t’i përgjigjeni sa më shpejt dhe ta zgjidhni problemin. Ruani qetësinë dhe mbani një komunikim të mirë. Në rastet kur merrni një e-mail ku klienti shfaqet i shqetësuar, një përgjigje e mundshme nga ana juaj mund të jetë: Përshëndetje (shkruani emrin dhe mbiemrin e personit që ka dërguar e-mail) Falemnderit që keni nënvizuar problemin dhe keni ndarë shqetësimet tuaja me ne.  Ju kërkojmë ndjesë nëse ka ndodhur ndonjë keqkuptim nga ana jonë. Unë do të doja ta caktojmë një takim ditën e mërkurë, duke filluar prej orës 10.00. A është ky orar i konvenueshëm edhe për ju? Me respekt, (Emri dhe Mbiemri juaj) 3. Identifikoni problemin. Mundohuni të bisedoni me departamentet përkatëse në kompaninë tuaj dhe të kuptoni se ku qëndron problemi saktësisht (nëse vërtetë qëndron si problem), nëse po, mundohuni t'i përmirësoni proceset ose komunikimin në të ardhmen, për të shmangur situata stresuese. 4. Ofroni  zgjidhje.  Nuk do të thotë se ju jeni gabim (në shumë raste mund edhe të mos jeni) por gjithmonë duhet të mundoheni ta gjeni një mënyre për të zgjidhur problemin për klientin pa humbur veten në këtë proces. Nëse gabimi ka ndodhur nga ana juaj, pranojeni atë dhe infromoni klientët se jeni duke bërë ndryshime. Nëse klienti është gabim, atëherë informojeni atë. Klientët e vështirë mund të çojnë edhe në shkëputje bashkëpunimi sepse marrin shumë nga energjia juaj.  Mirëpo, mënyra sesi merreni me problemet e tyre gjithashtu siguron një përvojë të vlefshme mësimi për secilin person në biznes. 
Lexo më shumë
Çka janë shkathtësitë e transferueshme?
Shkathtësi të transferueshme konsiderohen të gjitha ato aftësi të cilat janë të rëndësishme dhe iu ndihmojnë në fusha të ndryshme të jetës, qoftë sociale, qoftë profesionale. Ato ndryshe quhen edhe “aftësi të lëvizshme”. Kur aplikohet për punë, shumica e njerëzve në aplikim flasin kryesisht për aftësitë e tyre të transferueshme sepse edhe punëdhënësit kërkojnë punëtorë që posedojnë aftësi. Të gjithë njerëzit kanë përvoja të ndryshme në jetë dhe secili në rrugëtimin e vet ka zhvilluar aftësi nga më të ndryshmet. Prandaj, është e rëndësishme të dini se cilat aftësi i posedoni dhe si mund t’i përdorni në karrierë, pra cilat aftësi mund t’i transferoni tek punëdhënësit tuaj të ardhshëm. Shkathtësitë e transferueshme mund të aplikohen në çdo profesion dhe çdo kompani. Cilat janë aftësitë e transferueshme? Disa prej shkathtësive të transferueshme të cilat i kërkojnë punëdhënësit tek punonjësit potencialë janë si vijojnë: Komunikimi Organizimi Puna grupore Përshtatshmëria Udhëheqja Kreativiteti Mendimi kritik Duhet nënvizuar se të gjitha shkathtësitë lidhen ngushtë me njëra tjetra. P.sh, udhëheqja e mirë vjen me komunikimin dhe organizimin e mirë, ose një lidhje të ngushtë kanë mendimi kritik me kreativitetin. Komunikimi Një ndër aftësitë më të kërkuara nga punëdhënësit në ditët e sotme është komunikimi. Aftësitë e komunikimit ju ndihmojnë të përçoni mesazhin adekuat, të dini se si ta bëni pyetjen e saktë dhe të shmangni keqkuptimet me të tjerët. Te pjesa e komunikimit hyjnë edhe disa aftësi të tjera, siç janë: Komunikimi verbal. Duhet të tentoni të jeni të qartë dhe të sakte, si dhe të dini se kur duhet thënë diçka dhe kur jo. Komunikimi i shkruar. Një ndër mënyrat për të pasur sukses në karrierë pavarësisht profesionit, janë aftësitë për të shkruar saktë, qartë dhe konciz. Dëgjueshmëria. Aftësitë e dëgjimit janë po ashtu shumë të rëndësishme për të pasur një karrierë të suksesshme. Duke dëgjuar me kujdes, merret mesazhi i qartë, shmangen keqkuptimet dhe arrini ta kuptoni këndvështrimin e secilit. Organizimi Një person i organizuar mirë, do të ketë gjithmonë më shumë gjasa të mbërrijë t’i përfundojë në kohë detyrat që i caktohen, duke i ndjekur udhëzimet e dhëna dhe duke mos krijuar stres. Aftësitë e organizimit lidhen ngushtë edhe me menaxhimin e kohës. Nëse jeni të aftë ta menaxhoni kohën si duhet dhe të organizoheni mirë, pra nëse i zhvilloni të dyja këto aftësi, atëherë gjasat që të keni një karrierë të suksesshme janë shumë të mëdha. Puna grupore Këtu hyjnë aftësitë për të punuar në grup në arritjen e një qëllimi të caktuar. Puna grupore kërkon respekt, dëgjim të kujdesshëm dhe pranim të të gjitha këndvështrimeve. Përshtatshmëria Tek kjo pjesë hyjnë aftësitë të cilat njerëzit mund t’i përdorin për të punuar pavarësisht nëse ndërrohet ekipi, nëse ndërrohen projektet apo menaxhmenti. Punëdhënësit duan të punësojnë kandidatë të cilët janë fleksibil pavarësisht ndryshimeve që mund të bëhen brenda kompanisë. Udhëheqja Aftësitë e udhëheqjes mund të transferohen në shumë industri, shumica e punëdhënësve duan njerëz që mund t’i organizojnë ekipet, në mënyrë që të arrihen qëllimet e përbashkëta. Kreativiteti Kreativiteti përfshin aftësinë e një personi që idetë që vijnë në jetë t'i zhvillojë në mënyrë strategjike. Kreativiteti lidhet me mendimin kritik, aftësinë për të bërë disa punë në të njejtën kohë, punën grupore dhe aftësitë e udhëheqjes. Mendimi kritik Mendimi kritik iu ndihmon që të mendoni logjikisht dhe në një mënyrë më të qartë të vini tek zgjidhja. Është aftësia për të analizuar në mënyrë objektive informacionet që të vini deri tek një gjykim i arsyeshëm. Pse janë të rëndësishme shkathtësitë e transferueshme? Pavarësisht përvojave, shkathtësitë e transferueshme mund t’iu ndihmojnë të merrni një vend pune. Nëpërmjet këtyre shkathtësive, ju do të mund të tregoni se pse jeni të përshtatshëm për atë pozitë. Këto shkathtësi janë shumë të vlefshme për punëtorët. Meqënëse janë shkathësi të transferueshme, përmes tyre ju mund të tregoni se çka mund të sillni në një vend të ri të punës apo çka keni fituar nga përvojat e mëparshme. 
Lexo më shumë
Rëndësia e aftësive të komunikimit në vendin e punës
Aftësitë e komunikimit janë aftësitë që përdorim kur japim dhe pranojmë lloje të ndryshme të informatave. Aftësitë e komunikimit përfshijnë dëgjimin, të folurit, vëzhgimin dhe empatinë.Sot shumica e kompanive janë në kërkim të kandidatëve që posedojnë aftësi të forta komunikuese. Folësit dinamikë dhe të përgatitur mirë vlerësohen shumë nga punëdhënësit dhe priren të fitojnë pozicione drejtuese dhe role të rëndësishme në kompani. Komunikimi i mirëfilltë brenda një vendi pune mund të përcaktojë nëse një biznes, kompani ose individ është i suksesshëm apo jo. Për të theksuar rëndësinë e aftësive të komunikimit do t’i përmendim disa prej aftësive komunikuese thelbësore që duhet t’i përdorni në vendin e punës, si t’i përdorni ato aftësi qartazi dhe si mund t’i përmirësoni ato. Ndër aftësitë komunikuese që mund t’i përdorni e që ju ndihmojnë shumë në vend pune janë dëgjimi, empatia, durimi si dhe qëndrimi pozitiv. Dëgjimi Sigurisht se të jeni një folës i mirë ju ndihmon shumë, por të jeni dëgjues i mirë është thelbësore për komunikim të duhur. Në vendin e punës, përmes aftësisë së dëgjimit, ju jeni të gatshëm të njihni nevojat e tjetrit. Kësisoj, ju përafroni interesat dhe synimet e përbashkëta që keni me kolegët. Nëse doni t'i tregoni dikujt që me të vërtetë po i dëgjoni fjalët e tyre, është mirë të merrni shënime, këtë mund ta aplikoni sidomos gjatë mbledhjeve të punës. Empatia Në vendin e punës, ju do të jeni në kontakt me njerëz të tjerë, kështu që është e rëndësishme që të jeni të hapur për mendimet e të tjerëve, pa marrë parasysh nëse pajtoheni apo jo me ta. Të kuptuarit e emocioneve të tjerëve është një ndër aftësitë kryesore në vendin e punës. Mund të ju mundësojë të zgjidhni konfliktet, të krijoni ekipe më produktive dhe të përmirësoni marrëdhëniet tuaja me kolegët e punës. Durimi Në vendin e punës, është e rëndësishme të praktikoni durim me veten dhe me të tjerët. Sigurohuni që të jeni të durueshëm me shefin tuaj si dhe kolegët, në mënyrë që të mund të dëgjoni me të vërtetë ato që thonë njerëzit e tjerë. Jo të gjithë do të jenë në gjendje të ju kuptojnë, prandaj është mirë të jeni sa më i hapur dhe të merrni kohën tuaj kur të shpjegoni gjërat që duhet të bëhen në një mënyrë të caktuar. Qëndrimi pozitiv Mund të ketë ditë kur nuk ndiheni të motivuar të shkoni në punë. Të gjithë i kemi përjetuar ato ditë dhe kjo nuk do të thotë që e urreni punën tuaj. Çelësi është që gjithmonë të mbani një qëndrim pozitiv pavarësisht se sa të lodhur apo të zemëruar ndiheni. Asnjëherë nuk duhet t'i ngatërroni ndjenjat tuaja të jashtme me punën, sepse kjo mund të krijojë keqkuptime dhe konflikte me kolegët e tjerë. Nëse keni ndonjë problem ose mosmarrëveshje në punë, bisedoni me njerëzit që janë të përfshirë dhe gjeni mënyra se si t'i tejkaloni ato probleme. /Akademi Pune
Lexo më shumë
CILËSITË E NJË LIDERI TË SUKSESSHËM
"Liderët bëhen të mëdhenj, jo për shkak të fuqisë së tyre por për shkak të aftësisë së tyre për t’i fuqizuar të tjerët" - John Maxwell Lidershipi ose udhëheqja është proces i ndikimit të një individi mbi një grup të caktuar njerëzish, në arritjen e qëllimeve të përbashkëta. Me këtë nënkuptohet krijimi i raporteve reciproke mes liderit dhe grupit duke ndikuar realizimin e synimeve të një organizate nëpërmjet veprimeve të përbashkëta. Për një organizatë, lidershipi është shumë i rëndësishëm kur vjen puna tek procesi i organizimit dhe menaxhimit të situatave, zhvillimit apo mbarëvajtjes së punës në atë organizatë. Një lider duhet të jetë vizionar, të ketë për vizion arritjen e qëllimeve të përbashkëta por edhe të jetë i hapur ndaj grupit (pasuesve të tij) dhe të pranojë edhe pikëpamjet e pjesëtarëve të grupit. Procesi i lidershipit nuk duhet të përjashtojë as edhe një anëtar të grupit për të shfaqur vizionet dhe mënyren e tij të realizimit të qëllimeve. Christian Francis, Drejtor i Teleperformance Prishtina, në një intervistë për KosovaJob ka thënë se lidershipi është shumë i rëndësishëm për t’i përqëndruar njerëzit në atë që duhet bërë, prandaj sipas tij gjithmonë nevojitet një njeri që ta orientojë një grup njerëzish. “Në një punë ideale, lidershipi është i nevojshëm thjesht sepse njerëzit e dinë saktësisht se çfarë duhet të bëjnë dhe të bëjnë gjithçka mirë për të parën herë. Lidershipi dhe hierarkia janë të nevojshme për t’ i përqëndruar njerëzit në atë që duhet bërë dhe prandaj ata kanë nevojë për një person ose disa persona në kompani, që në fakt mund t’ua tregojnë të tjerëve rrugën apo t’iu japin direktiva se ku t’i fokusojnë përpjekjet e tyre, çka të përmirësojnë”, ka thënë ai. Sipas tij, secili njeri do të mund të punonte individualisht dhe mbase gjërat do të shkonin mirë mirëpo lidershipi shërben edhe për t’i motivuar të tjerët dhe sidomos nëse është duke u punuar në diçka që është shumë më e ndërlikuar, më e madhe, të cilën nuk mund ta menaxhojë një person i vetëm. Prandaj, nevojitet dikush që shpjegon se pse njerëzit duhet të kryejnë një punë të caktuar dhe pse ajo punë është e rëndësishme. Francis tha se shumë njerëz kur shkojnë në punë, nuk ia kanë idenë se pse janë duke e bërë atë punë, kësisoj duhet dikush t’ua rikujtojë atyre pse puna që po bëjnë është në të vërtetë e rëndësishme për të arritur objektivin e përgjithshëm të kompanisë. Cilat janë top karakteristikat e një lideri të mirë? Ndër cilësitë e një lideri të mirë në punë konsiderohen komunikimi i ideve, dëshira për të punuar me njerëz dhe të qenurit i besueshëm. Këtë pohim e mbështet edhe Francis. Ai tha se janë njerëzit ata që zgjedhin një lider dhe si i tillë ai duhet të jetë në gjendje të komunikojë me ta, të jetë gjithmonë i besueshëm dhe i hapur ndaj tyre. "Ndër cilësitë e para është të punohet shumë. Unë besoj se kjo është diçka që njerëzit thjesht e presin nga ju. Duhet të punoni shumë, edhe më shumë se njerëzit që ju rrethojnë.  Cilësi e dytë është të jeni në gjendje të komunikoni idetë, e treta është të pëlqeni të punoni me njerëz. Ju gjithnjë do të jeni në kontakt me njerëz, duhet t’i bindni se ju jeni personi i duhur për t’i udhëhequr sepse janë vetë njerëzit ata që e zgjedhin liderin e tyre.  Lideri nuk emërohet, njerëzit e zgjedhin atë. E që ata t’ju zgjedhin për lider të tyre, ju duhet të jeni në gjendje të komunikoni me ta dhe më e rëndësishmja është të jeni të besueshëm. Duhet t’i mbani të gjitha premtimet e juaja por gjithashtu t’u tregoni njerëzve rregulla të qarta dhe atë që prisni prej tyre”.Liderët kanë edhe shumë përgjegjësi sepse marrin vendime edhe për të ardhmen e njerëzve. Francis për KosovaJob sqaroi se një lider i mirë duhet të jetë edhe i drejtë. Patjetër që interesi i kompanisë duhet të merret parasysh por edhe i njerëzve gjithashtu. Jo të gjitha vendimet janë të mirëpritura nga njerëzit që punojnë për një kompani të caktuar prandaj ai theksoi se atyre duhet t’iu krijohet bindja se kompania ka edhe interesat e tyre në mendje dhe jo vetëm interesat e veta. Liderët duhet të jenë të gatshëm të kontribuojnë në çdo rrethanë në punën e tyre. “Liderët e mëdhënj në histori gjithnjë kanë qenë njerëz të cilët e kanë sakrifikuar tërë jetën e tyre për një kauzë, pa marrë parasysh sigurinë e tyre personale apo gjëra të tjera ”, tha Francis. Problemi tek liderët e rinj është bindja se janë të përsosur Të rinjtë kryesisht mendojnë se nuk bëjnë gabime. Këshillat që jep Francis për të gjithë të rinjtë është të kenë dëshirë të përmirësohen vazhdimisht dhe të mos hezitojnë të kërkojnë komente lidhur me punën të cilën e kryejnë. “Gjëja më e rëndësishme për të rinjtë është që të vazhdojnë të përmirësohen dhe të marrin komente rregullisht se si po e bëjnë një punë, është shumë e rëndësishme që të rinjtë të kenë parasysh se nuk janë të përsosur kur janë të rinj. Kur unë isha i ri, dikund 30 ose 35 vjeç, besoja se gjithçka ishte e përkryer dhe mendimi im ishte i duhuri. Mendoj që problemi më i madh që liderët e rinj kanë është se ata nuk dëgjojnë dhe hyjnë në dhomë me një ide të qartë rreth problemit dhe si ta zgjidhin atë, derisa kurrë nuk mund të dihet se cili është saktësisht problemi dhe si të zgjidhet”. Si rol kryesor të liderëve, Francis përmendi lehtësimin e komunikimit rreth problemit dhe daljen me një sërë zgjidhjesh, ku të gjithë mund të japin një kontribut dhe jo thjesht të hyjnë në dhomë duke menduar se veç e kanë planin në duar. Shumica e njerëzve mendojnë që lidershipi është të qëndrosh i pari, duke u treguar të tjerëve se cili është plani por një udhëheqje e mirë sipas tij është kur diskutohet edhe me njerëz të tjerë që dinë më mirë dhe më pas zbatohet zgjidhja e gjetur së bashku me ekipin. “Problemi i dytë që kanë udhëheqësit e rinj është se ata janë tepër optimistë, mendojnë se kurrë nuk do të bjerë shi, se asgjë nuk do të shkojë keq dhe pastaj zhgënjehen nëse dicka nuk shkon siç duhet. Kjo është diçka, në të cilën udhëheqësit e rinj kanë nevojë të punojnë, jo të gjithë por shumica e tyre. Këshilla e fundit është investimi në karrierë, liderët e rinj duhet të përpiqen të përmirësojnë rezultatet dhe të kërkojnë koment mbi punën e tyre. Shumica e njerëzve nuk duan të dëgjojnë komente sepse mund të jenë negative, të gjithë kanë frikë nga refuzimi dhe kjo është një nga disavantazhet që kanë udhëheqësit e rinj”, përfundoi ai.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.