Thashethemet në vendin e punës, si t’i trajtojmë?

09 Mar, 2020

Thashethemet në vendin e punës, si t’i trajtojmë?
	 	 

Thashethemet në vendin e punës duhet të trajtohen si dukuri negative, pasi që ndikojnë negativisht në ambientin e punës si dhe ftohin raportet ndërmjet kolegëve.

Ndonjëherë, duket sikur njerëzit nuk kanë asgjë më të mirë për të bërë sesa thashethemet për njëri-tjetrin. Ata flasin për kompaninë, kolegët e tyre si dhe menaxherët. Personat e tillë shpesh e marrin një të vërtetë të pjesshme dhe e kthejnë atë në një të vërtetë të tërë spekulative.

Edhe pse thashethemet janë prezente në shumë vende pune, çelësi i kësaj teme është që të mos dalin ato jashtë kontrollit. Prandaj, ju duhet të ndërmerrni masa nëse thashethemet:

  • Janë duke penguar vendin e punës dhe performancën ekipore
  • Lëndojnë ndjenjat e punonjësve
  • Dëmtojnë marrëdhëniet kolegiale
  • Dëmtojnë motivimin dhe moralin e punonjësve

Nëse thashethemet nuk janë menaxhuar në të kaluarën, ato kanë tendencë të bëhen një aspekt negativ i kulturës suaj të punës. Kështu që, mos lejoni që thashethemet negative të kalojnë pa u raportuar te mbikëqyrësi juaj. Nëse kolegët e punës po flasin për njëri-tjetrin në mënyrë negative, mund të ketë pasoja mjaft serioze. Shpesh, në një kulturë toksike me thashetheme, ekziston një grup i vogël i punonjësve që shkaktojnë probleme.

Si t’i menaxhojmë thashethemet

Thashethemet në vend të punës, mund të menaxhohen njësoj si problemet apo konfliktet e tjera që mund të ndodhin. Thashethemet, në përgjithësi janë një ves shumë i vështirë për të hequr dorë. Nëse në një kompani, ka persona që bëjnë thashetheme, rolin kryesor për t’u marrë me këtë çështje e kanë menaxherët apo mbikëqyrësit.

Të gjithë ata menaxherë që i injorojnë thashethemet në një vend të punës, mund të çojnë në dëmtimin e një departamenti. Menaxhimi i thashethemeve fillimisht duhet të nisë me një bisedë serioze midis punonjësit dhe menaxherit, apo mbikëqyrësit.

Nëse diskutimi rreth ndikimit negativ që kanë thashethemet në abiemente të punës nuk ka ndonjë rezultat, atëherë ndaj punonjësit duhet të jepet një paralajmërim gojor apo edhe me shkrim. Nëse një punonjës, pavarësisht kritikave, vazhdon të bëjë thashetheme, në të shumtën e rasteve përfundon i pushuar nga puna.

Një person që bën thashetheme konsiderohet edhe person toksik, prandaj ai mund të ndikojë negativisht edhe tek punëtorët e tjerë. Punëdhënësit dhe menaxherët duhet të përgjigjen me ndershmëri në çdo pyetje të punonjësve dhe të flasin direkt me ta, në mënyrë që të shmangen thashethemet lidhur me punën.

Ndërkaq, nëse thashethemet janë personale, duhet t’ua thonë direkt punonjësve se të folurit për kolegët, nuk është diçka e përshtatshme.

Raportoni thashethemet

Thashethemet janë shpërqendrim në punë dhe mund të kalojnë limitet duke shkuar madje deri te ngacmimi. Mos hezitoni ta informoni menagjerin/en i/e burimeve njerëzore nëse ka një problem që nuk mund ta zgjidhni vetë. Nëse thashethemet nuk ndalen edhe pas raportimit tuaj, atëherë kjo mund të konsiderohet si ngacmim. /Akademi Pune

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Ich ___________ Julia Schmid.
    A
    bin
    B
    sein
    C
    Name
    D
    ist
  • Angela kommt _______ England.
    A
    von
    B
    in
    C
    aus
    D
    zu
  • ________ wohnen Sie?
    A
    Wie
    B
    Woher
    C
    Wo
    D
    Was
  • Das ist Julia und das ist __________ Mutter.
    A
    seine
    B
    ihre
    C
    sie
    D
    ihr
  • Es ist 8.15 Uhr, es ist ________.
    A
    Viertel vor acht
    B
    Viertel acht
    C
    Viertel auf acht
    D
    Viertel nach acht
  • Er _____________ den Film.
    A
    seht
    B
    sieht
    C
    sehen
    D
    siehst
  • Du ____ ein Auto.
    A
    habt
    B
    hast
    C
    habst
    D
    hat
  • Ich habe einen Deutschkurs ________ 10 _______ 12 Uhr.
    A
    zwischen / bis
    B
    um / bis
    C
    von / bis
    D
    von / nach
  • Wo ist die Schule? _________ dem Kino.
    A
    neben
    B
    am
    C
    zwischen
    D
    im
  • Er ____________ Schokolade.
    A
    esst
    B
    isst
    C
    ist
    D
    essen
1
/
10
ARTIKUJ TË NGJASHËM
SI T’I KTHEHENI PUNËS PAS NJË PAUZE TË GJATË?
“Asnjë pauzë nga puna nuk duhet të shërbejë si shkëputje prej saj” Pavarësisht arsyeve, kthimi në punë pas një periudhe pushimi mund të jetë goxha sfidues.  Ndonëse mund të ketë punëdhënës që i arsyetojnë shkaqet e pushimit të dikujt dhe japin një rast tjetër, ka edhe të atillë që nuk janë shumë të bindur të japin edhe një mundësi të dytë. Kjo sepse në shumicën e rasteve, pauzimi do të thotë që edhe mund të mbesim pas në shumë aspekte që lidhen me veprimtarinë qe ushtrojmë apo me karrierën në përgjithësi. Në një intervistë dhënë për portalin e punësimit KosovaJob, drejtori i burimeve njerëzore në Korporatën Meridian, Abdylkerim Ratkoceri  tha se është shumë e rëndësishme që personat që pushojnë të mos shkëputën plotësisht nga puna por të jenë vazhdimisht produktiv, duke përfshirë investimin tek vetëvetja, kësisoj ta kenë më të lehtë kthimin në punë.  “Çka është shumë me rëndësi për personat që kthehen, posaçërisht personat që pauzojnë për një periudhë të gjatë apo që thjeshtë kanë dashur të ndryshojnë diçka, që nuk e kanë gjetur veten, nuk kanë pasur mundësi të jenë pjesë e një kompanie apo një biznesi është që vazhdimisht të mësojnë gjëra të reja, të mos lejojnë që të mbesin mbrapa me kohën apo të mos investojnë asgjë në vetën“, ka thënë Ratkoceri. Ai jep edhe disa këshilla për njerëzit që mund të kenë pauzuar dhe po hasin në vështirësi për të filluar punën. “Nuk është fundi i botës, investoni diçka në vetëvete, mësoni diçka të re. Mos lejoni asnjëherë t’u flejë truri, gjithmonë angazhohuni me diçka të re, lexoni libra, lexoni artikuj, shihni se ku janë bizneset e tjera, mësoni çfarëdo lloj fushe” Gjatë intervistës, ai foli edhe për pushimin e lehonisë për çka tha se edhe gratë që shkojnë në pushim lehonie nuk duhet assesi të shkëputen terësisht nga puna në mënyrë që kjo të mos ndikojë mëpastaj në një përformancë të dobët të tyre. “Sa i përket lehonave, tek lehonat është pak më ndryshe sepse realisht ai është një pushim i cili është i përcaktuar edhe me ligj. Të gjitha bizneset kanë mirëkuptim në atë aspekt sepse kur një e punësuar bëhët nënë është një fazë tjetër e jetës mirëpo edhe ato është mirë që vazhdimisht të jenë të angazhuara dhe të mos ndahen komplet prej proceseve të natyrës së punës që ato kanë. Realisht, përkujdesi ndaj një fëmije është diçka e shenjtë, është diçka e madhe mirëpo në anën tjetër ato duhet të jenë të kujdesshme që vazhdimisht të mësojnë dhe që thjeshtë të mos mbesin mbrapa me njohuritë që kur të kthehen mandej të mos kenë probleme” Ndërkaq, njerëzit të cilët kanë pasur kriza gjatë punës së tyre, sipas tij duhet që fillimisht ta analizojnë vetën dhe të kuptojnë se ku ka qenë gabimi duke ritheksuar se edhe këta persona duhet patjetër të gjejnë një motiv për të vazhduar tutje. “Është shumë me rëndësi që kur keni një krizë, fillimisht ta inspektoni vetën dhe ta shihni nëse ka qenë problemi tek ju, pse ka ardhur deri tek kriza. Është një thënie “Je i ulur mbrapshtë në karrige dhe thua se bota ma ka kthyer shpinën por ti je mbrapshtë”. Pra e para, duhet ta analizoni vetëveten se pse keni ardhur deri tek ajo krizë . Zakonisht krizat ndodhin kur një person qëndron gjatë në një pozitë dhe nuk mëson diçka të re, nuk ka investime  ndoshta as nga kompania në zhvillim të atij personi, ndodh që vjen deri tek ajo që krijohet një monotoni , ku personi më nuk e gjen vetën. Një person, në rast se ka pauzuar një kohë të gjatë, medoemos duhet ta gjej motivin duke mësuar gjëra të reja, koha ecën shpejt, çdo ditë e humbur pa mësuar diçka është kthim mbrapa dhe dështim i vetëvetes”, theksoi ai. Nga përvoja e tij në burime njerëzore, Ratkoceri theksoi se njerëzit që hasin vështirësi në gjetjen e punës apo kanë pakënaqësi zakonisht e shohin si zgjidhjen më të lehtë largimin nga vendlindja por sipas tij kjo është e gabuar. Ai sugjeron të investohet në diçka ku gjithësecili mund të jap kontributin e vet, meqënëse sipas tij edhe kompanitë në Kosovë tashmë janë vetëdijësuar dhe nuk funksionojnë me nepotizëm por janë vazhdimisht në kërkim të njerëzve cilësorë. Sipas tij, pushimi për një periudhë kohore arsyetohet më së miri nëse individët kanë dashur të zhvillohen në aspekt akademik, kanë vijuar trajnime të ndryshme në ngritjen profesionale apo kanë dashur të investojnë në vetën e tyre që të përgatitën më mirë për sfidat që i presin në karrierën e tyre.
Lexo më shumë
Viti 2020, mundësi për një karrierë të re
Tashmë kemi hyrë në vitin 2020, dhe fillimi i vitit gjithmonë është një periudhë e mirë për të filluar me gjëra të reja. Për shumë njerëz, ky vit mund të jetë një mundësi për të nisur edhe një karrierë të re.  Nëse ndër qëllimet tuaja për vitin 2020 është gjetja e një pune të re, atëherë ndiqni këshillat e mëposhtme. 1. Përgatiteni një CV profesionale CV-ja është dokumenti i parë nëpërmjet të cilit një punëdhënës njoftohet me ju. Për ta sjellë intervistën dhe punën më pranë, duhet të keni një CV profesionale. Kujdesuni që ta keni një CV të strukturuar mirë, ku përfshihen të gjitha të dhënat që duhet t'i dijë një punëdhënës rreth jush. 2. Shkruani mirë një letër të motivimit Jo gjithmonë është e mjaftueshme të keni një CV të mirë për ta fituar punën që dëshironi. Letra e motivimit po ashtu luan një rol të rëndësishëm kur është në pyetje përzgjedhja për një vend pune. Të gjithë punëdhënësit duan të dinë rreth motivimit të një kandidati për t’u bërë pjesë e një kompanie. Para se të nisni shkrimin e letrës së motivimit është thelbësore të njihni strukturën e saj - pra çka duhet të përmbajë ajo letër. 3. Përgatituni për intervistë Në mënyrë që t’i rrisni gjasat për t’u punësuar në këtë vit, kushtoni rëndësi përgatitjes për intervista të punës në të cilat mund të ftoheni. Përgatitja për intervistë duhet të jetë fillimisht psikologjike. Disa pyetje tashmë veç janë bërë të njohura në intervista të punës, ndaj, për të lënë një përshtypje të veçantë tek intervistuesit, mundohuni të jepni përgjigjet e duhura në pyetjet e zakonshme që bëhen në intervista të punës. Ndër tjera, keni parasysh se edhe paraqitjes së jashtme duhet t’i kushtohet rëndësi. Veshmbathja në intervista të punës krijon përshtypjen e parë për shumë punëdhënës.  4. Filloni një praktikë ose kyçuni në punë vullnetare Përfshirja në punë praktike mund të jetë një mundësi shumë e mirë për t’u bërë pjesë e një kompanie të caktuar, në një pozitë të caktuar. Puna vullnetare gjithashtu është një tjetër mënyrë për të krijuar një karrierë të suksesshme këtë vit. Sot, puna vullnetare njihet edhe si përvojë pune. Mundësitë për punë vullnetare në Kosovë nuk janë të pakta dhe duke shërbyer në fusha të ndryshme, ju do të arrini të rriteni profesionalisht dhe në të ardhmen të mund të kyçeni në punët ku e shihni veten më mirë dhe më të përgatitur.
Lexo më shumë
Si ta mbani një raport të mirë me punëdhënësin?
Marrëdhëniet e mira, produktive, ku nuk mungon respekti janë çelësi i suksesit për një kompani. Këtu përfshihet raporti që keni me punëdhënësin tuaj. Përderisa prioriteti kryesor i një punëdhënësi është të ketë punonjës të zellshëm që përmbushin vizionin e tij për kompaninë, përveç kësaj një punëdhënës do të donte të kishte më shumë se sa vetëm marrëdhënie profesionale me njerëzit me të cilët punon. Në fund të fundit, punëdhënësi një pjesë të madhe të kohës e kalon me stafin, si rrjedhojë një raport i ftohtë dhe jo miqësor nuk do të kishte aspak kuptim për të dyja palët dhe do të ndikonte në performancën e kompanisë.Punëdhënësi luan një rol kryesor në ngritjen tuaj në karrierë, kështu që sa më shumë që ai njeh personalitetin tuaj, punën tuaj dhe etikën tuaj të punës, aq më më të mëdha janë gjasat që të shpërbleheni. Një marrëdhënie e shëndoshë dhe respektuese në raport me të, përmirëson moralin dhe produktivitetin tuaj, respektivisht raporti i tillë ndikon pozitivisht në karrierën tuaj. Nëse keni interes për një marrëdhënie sa më të mirë me punëdhënësin tuaj, Akademi Pune ju ofron disa sugjerime për krijimin e një raporti sa më të mirë: Merrni iniciativë të caktoni mbledhje mujore Është e rëndësishme që punonjësit të ndërmarrin iniciativën për të mbajtur takime individuale me punëdhënësin e tyre gjatë muajit. Kjo ndihmon që të vlerësohet gjendja aktuale në kompani, të vihen në pah rezultatet e arritura si dhe prioritetet për të ardhmen. Gjithashtu, gjatë mbledhjeve diskutoni gjendjen e projekteve aktuale, paraqitni idetë që keni për të ardhmen dhe kuptoni nëse jeni në të njejtin mendim me punëdhënësin tuaj dhe qëllimet që ka. Shfaqni vlerat tuaja Është me rëndësi ta kujtoni se jeni punësuar sepse posedoni aftësi të veçanta të cilat i vlerëson kompania. Si person i tillë, ju shpesh mund të ofroni perspektiva të ndryshme nga punëdhënësi juaj. Një punëdhënës i mirë nuk do të dëshironte që punonjësit të pajtohen gjithmonë me të, por gjithashtu të flasin për nevojat, realitetin dhe sfidat nëpër të cilat po kalon kompania e që duhet të adresohen, kësisoj ju shfaqni vendosmerinë që keni në atë që besoni. Përpiquni të keni komunikim sa më të hapur Sa herë i keni thënë punëdhënësit tuaj se një nga idetë e tij ose të saj nuk është aq e shkëlqyeshme? Ndoshta është bisedë e frikshme për çdo punonjës, por është e rëndësishme komunikimi i lirshëm pasi një punëdhënës mendje hapur do ta vlerësonte iniciativën tuaj për ide të reja inovative. Ofroni ndihmë Shprehni gatishmëri për të ndihmuar në ndonjë projekt edhe nëse nuk kërkohet një gjë e tillë nga ju. Shumë punëdhënës janë të ngarkuar gjatë gjithë kohës dhe shpesh nuk flasin nëse kanë nevojë për ndihmë. Prandaj, gjatë bisedës tuaj pyetni ata nëse kanë nevojë për ndihmë në ndonjë projekt të caktuar.
Lexo më shumë
Pesë oferta kreative të punës që mund t’i befasojnë kandidatët
Rekrutimi i kandidatëve është një punë me plot përgjegjësi e gjithashtu edhe shumë sfidues. Po aq sa është sfidues kërkimi dhe gjetja e një kandidati të mirë, po njësoj është sfiduese edhe për kandidatët gjetja e një pune të dinjitetshme. Ofertat e punës janë momente të veçanta për të gjithë kandidatët. Kësisoj, që anëtarët e rinjë të kompanisë të jenë qysh në fillim të motivuar dhe të kënaqur, kompanitë përpos takimeve zyrtare, mund të praktikojnë edhe metoda të tjera kreative, për t’iu treguar atyre se kanë vendosur t’i punësojnë, shkruan Recruitee, përcjellë KosovaJob. 1. Ftoni ata që të vijnë në kompani. Nëse vërtetë dëshironi t’i befasoni kandidatët tuaj në mënyrën më personale të mundshme, ftoni ata në një takim ku keni për qëllim “t’i diskutoni disa gjëra” dhe pastaj mund të përdorni metoda të tilla si ndonjë baner me një mbishkrim të veçantë që tregon e keni punësuar atë person. 2. Dërgoni një pako të veçantë për ta. Nëse më të vërtetë jeni prej punëdhënësve që duan të sakrifikojnë kohën dhe të bëjnë përpjekje për t’i befasuar kandidatët, atëherë mund ta bëni këtë duke dërguar një pako me disa gjëra në shtëpinë e tyre. Kjo me shumë gjasa mund të jetë metoda më e pëlqyer nga kandidatët që ta kuptojnë se janë punësuar. Në pako mund të vendosni gjëra si: Një kartë personale e cila i lë kandidatët të kuptojnë se janë punësuar (duke përfshirë edhe kontratën). Një maicë me logo të kompanisë. Ndonjë shishe me logo të kompanisë. Çokollatë me logo te kompanisë në të. 3. Dërgoni një foto të tavolinës së tyre të punës. Një tjetër mundësi shumë e mirë për t’i bërë kandidatët të kuptojnë se janë punësuar në kompaninë tuaj, është nëse ua dërgoni një foto të tavolinës së dekoruar veçanarisht për ta. Nëpërmjet kësaj metode, kandidatët do të mund të kuptojnë se janë të mirëseardhur në kompani dhe të ndjehen menjëherë pjesë e ekipit. Shkruani dikund në tavolinë një letër me emrin e kandidatit dhe vendoseni një mesazh mikpritës në desktop të kompjuterit për ta. 4. Përdorni gifs ose video me momente interesante në ekip. Një metodë interesante për t’i bërë kandidatët të ndjehen të mirëseardhur është duke përdorur diçka vizuelisht, si p.sh ndonjë video ku përfshihet i gjithë ekipi që uron mirëseardhje. Kështu, anëtarët e rinjë automatikisht do ta kuptojnë se janë në një kompani ku ka harmoni. Gjithashtu mund ta përgatisni ndonjë gif të veçantë  dhe t'ia dërgoni kandidatit si mesazh special për të.  5. Përgatiteni një listë me këngë.  Një listë me tituj këngësh të cilët mund të tregojnë se jeni duke e punësuar atë kandidat do të ishte diçka shumë e veçantë, e gjithashtu edhe shumë befasuese për kandidatët. 
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.