Si t'i bëni reklamë biznesit tuaj?

05 Mar, 2020

Si t'i bëni reklamë biznesit tuaj?
	 	 

Pavarësisht se sa i vogël është biznesi juaj apo buxheti i tij, është thelbësore të shpenzoni para për reklama. Nëse sapo keni filluar një biznes të vogël dhe dëshironi rrjetëzim sa më të shpejtë dhe efikas, mund të përdorni disa medota efektive që biznesi juaj të rritet.
Ekzistojnë mundësi të shumta që ta reklamoni biznesin tuaj edhe pa harxhuar shuma të mëdha parash.

Merrni sa më shumë informata, këtë mund ta bëni duke hulumtuar tregun se çka po kërkohet më shumë, si dhe duke kontaktuar biznese tjera apo ndonjë ndërmarrës për këshillë.

Krijoni një faqe interneti (website)

Nëse ende nuk e keni krijuar një faqe interneti ku promovoni biznesin dhe produktet tuaja, atëherë është koha të bëni një gjë të tillë sa më shpejt. Sot shumica e bizneseve, qoftë ato të vogla ose të mëdha, promovojnë produktet e tyre nëpër rrjetet sociale dhe afrohen tek klienti më shpejt. Kësisoj, klientët kanë çasje më të lehtë në produktet tuaja dhe në rast të ndonjë pyetje apo sugjerimi ju kontaktojnë përmes rrjeteve sociale.

Kërkoni rekomandime

Pasi të keni krijuar një marrëdhënie të qëndrueshme biznesi me ndonjë klient, gjeni mënyra për të kërkuar që ata ta rekomandojnë biznesin tuaj te klientët e rinj. Ju mund ta bëni programin tuaj të rekomandimit joformal, por patjetër sigurohuni që të vendosni disa mendime në të dhe t'ju drejtoheni klientëve tuaj me kujdes. Gjithashtu, mos harroni t’i shpërbleni klientët që e rekomandojnë biznesin tuaj.

Reklamoni biznesin nëpër rrjete sociale

Rrjetet sociale janë një formë shumë moderne dhe e shpejtë për të arritur te klientët e rinj. Sot shumë biznese reklamojnë veten dhe produktet që kanë në Facebook, Instagram dhe platforma tjera. Facebook ka disa nga mjetet më të mira të shënjestrimit në reklamimin e mediave sociale. Përmes Facebook ju mund të përqendroheni dhe të synoni reklamën tuaj për të arritur pikërisht në grupin demografik që përputhet më mirë me interesat tuaja.

Edhe nëse keni një biznes të vogël, ju kurrë nuk duhet të ndjeheni sikur buxheti juaj është shumë i vogël për të marrë rezultate të mira në reklamim. Pavarësisht se çfarë biznesi keni ose çfarë shisni, ka shumë mënyra për të përdorur zgjuarsi, këmbëngulje dhe punë të palodhur për të promovuar biznesin tuaj. /Akademi Pune

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Sa është numri maksimal i rreshtave që mund të ketë një fletë pune (Work Sheet) në Microsoft Excel?
    A
    256
    B
    1024
    C
    32000
    D
    65536
  • Çka duhet të shtypni për të kaluar në fletën e mëparshme të punës (work sheet) në Microsoft Excel?
    A
    Ctrl +PgUp
    B
    Ctrl +PgDn
    C
    Shift + Tab
    D
    Ctrl + Tab
  • Çfarë realizohet me shkurtesën Ctrl + B në Microsoft Word?
    A
    Teksti duket më i theksuar
    B
    Shtohet një vijë poshtë tekstit
    C
    Rritën shkronjat e selektuara me të njejtin font
  • Madhësia maksimale e shkronjave të Microsoft Word është:
    A
    1638
    B
    1024
    C
    512
    D
    72
  • Cili është numri minimal i rreshtave dhe kolonave që një tabelë mund të këtë në Microsoft Word?
    A
    Zero
    B
    Dy rreshta dhe një kolonë
    C
    Dy rreshta dhe dy kolona
    D
    Një rresht dhe një kolonë
  • Ju mund të përdorni_______ për të kopjuar tekstin e zgjedhur. Gjithashtu mund të përdorni edhe ______ për ta ngjitur (paste) në një dokument.
    A
    Ctrl+ C, Ctrl + V
    B
    Ctrl+ C, Ctrl + P
    C
    Ctrl+ S, Ctrl + A
  • Çka duhet të bëni kur ruani një dokument për herë të parë në Microsoft Word?
    A
    Të shtypni automatikisht një kopje
    B
    Duhet dhënë një emër për ta identifikuar atë
    C
    Emri i dokumentit dhe emri i dosjes duhet të jenë të njëjtë
  • Në cilin grup gjendet butoni “Header & Footer” në PowerPoint?
    A
    Illustrations group
    B
    Object group
    C
    Text group
    D
    Tables group
  • Excel work book është koleksion i:
    A
    Chart
    B
    Word book
    C
    Worksheet
    D
    Asnjëra më lart
  • Çka realizon butoni “Word Wrap” në Microsoft Word?
    A
    Automatikisht lëviz tekstin në rreshtin tjetër, kur është e nevojshme
    B
    Ju lejon të shkruani përmbi tekstin e selektuar
    C
    E kopjon tekstin e selektuar
1
/
10
ARTIKUJ TË NGJASHËM
Një mjedis i keq pune mund të shkaktojë probleme në shëndet
Njerëzit kalojnë më shumë se 40 orë në javë në ambientet e tyre të punës. Kësisoj, kur puna nuk bëhet me qejf, mund të ketë pasoja të mëdha në shëndet, sidomos nëse ndjeheni të obliguar të rrini aty. Hulumtimet kanë treguar se personat të cilët janë ndjerë të obliguar të rrinë në një ambient pune kanë përjetuar shumë më shumë stres, lodhje apo edhe depresion. Probleme mund të hasim në çdo mjedis pune, mirëpo duhet t’i kushtohet vëmendje nëse një punë e caktuar po shkakton aq shumë stres, sa që po fillon të ndikojë negativisht në shëndetin tonë. Sipas një studimi të Universitetit të Mançesterit, një punë  "me cilësi të dobët" - një punë që nuk bëhet me qejf - është më e keqe për shëndetin mendor të njeriut sesa të mos kesh punë fare. Nëse keni të bëni me një punëdhënës të pasjellshëm, me klientë të këqinj, me shumë ngarkesa në detyra të punës, etj, gjasat që të filloni të mos e duani punën janë shumë të mëdha. ”Ekzistojnë shumë faktorë rreziku për shëndetin mendor që mund të jenë të pranishëm në mjedisin e punës. Shumica e rreziqeve kanë të bëjnë me ndërveprimet midis llojit të punës, mjedisit organizativ dhe menaxherial, aftësive dhe kompetencave të punonjësve dhe mbështetjes në dispozicion të punonjësve për të kryer punën e tyre”, shpjegon psikologia Lirije Cakaj. Rreziqet për shëndetin mendor përfshijnë: Politika jo adekuate të shëndetit dhe sigurisë Praktikat e dobëta të komunikimit dhe menaxhimit Pjesëmarrje e kufizuar në vendimmarrje ose kontroll i ulët mbi fushën e punës së një personi Nivele të ulëta të mbështetjes për punonjësit Orar pune jo fleksibil Detyra të paqarta Rreziku për ndikim negativ në shëndetin mendor po ashtu mund të lidhet me llojin e punës e cila kryhet, ngase disa punë kanë ngarkesa edhe më të larta apo edhe mungesë sigurie krahasuar me tjerat. Disa prej këtyre punëve mund të kenë aq shumë ndikim në shëndetin mendor sa që  të bëhen edhe shkak i çrregullimeve mendore – çka mund të çojë edhe në përdorim të alkoolit ose ilaçeve psikoaktive. ”Trupi i njeriut mund ta dijë kur një punë nuk është e mirë dhe po shkakton stres sepse dërgon sinjalet që diçka nuk është në rregull”, ka thënë psikologia Cakaj. Kur një punë nuk është e mirë për shëndet mund ta kuptoni nëpërmjet shumë simptomave të cilat mund të shfaqen gjatë asaj periudhe. Probleme me gjumin. Nëse problemet me gjumin bëhen të shpeshta, kjo mund të jetë një shenjë se ambienti juaj i punës është i dëmshëm dhe ka filluar të ndikojë shumë negativisht tek ju.   Shtim i peshës. Shumica e njerëzve kur kanë shumë stres në punë, shtojnë edhe peshë ngase ka gjasa të hanë më shumë se zakonisht. Mirëpo, ka edhe prej atyre që humbin peshë nëse përjetojnë stres të tepërt. Dhimbje koke. Muskujt tensionohen për të mbrojtur trupin nga dëmtimi. Kur vendi i punës paraqitet si zonë rreziku, muskujt rrijnë të tensionuar. Tensioni kronik në qafë, shpatulla dhe kokë mund të shoqërohet me migrenë dhe dhimbje koke. Ulet sistemi imunitar. Lodhja e vazhdueshme, qoftë në punë, qoftë jashtë saj, është po ashtu një tjetër simptomë se puna ka filluar të jetë e dëmshme. Thuhet se stresi në vendin e punës shkaktohet duke qenë shumë i ngarkuar por studiuesit tani kanë një tjetër teori. Ata thonë se stresi në vendin e punës vjen nga një gjendje e vazhdueshme negative, dmth duke u ndier keq në zyrë në shumicën e kohës. Sëmureni më shpesh. Një tjetër simptomë se puna juaj mund të jetë e dëmshme është nëse sëmureni shpesh gjatë vitit, pra nëse keni nevojë shumë shpesh për pushime mjekësore. ”Analizojeni ambientin tuaj të punës edhe njëherë nëse ndjeheni të sëmurë apo jeni me grip gjatë gjithë kohës” , theksoi psikologia Cakaj. Probleme me stomak. Nëse keni probleme me kapsllëk, dhimbje stomaku apo fryerje, mendojeni edhe njëherë nëse puna është duke iu shkaktuar stres, sepse të gjitha këto janë simptoma të stresit. Ndryshim oreksi. Kur stresi në punë është i vazhdueshëm, ju mund të çrregulloheni edhe me ushqimin, gjëndrat mbiveshkore të trupit lëshojnë dhe krijojnë kortizol, një hormon që mund të rrisë urinë. P.sh kur puna shkakton shqetësime emocionale afatgjata, njerëzit mund të shtojnë ngrënien e ushqimit si ngushëllim. Çfarë masave duhet ndërmarrë në rast se një punë krijon probleme në shëndet? Shumë prej njerëzve ngecin në punë të cilat nuk janë të mira për shëndetin e tyre në përgjithësi dhe kjo duhet të merret shumë më seriozisht. ”Nëse e urreni punën tuaj, patjetër që duhet të ndërmerrni diçka. Qëndrimi në një punë e cila po iu bën dëm nuk duhet assesi të zgjatet. Ju ose duhet të mësoni se si të përmirësoni situatën tuaj aktuale të punës ose duhet të gjeni një punë tjetër, ku mund të jeni të lumtur”, ka thënë Cakaj. Disa prej hapave që duhet ndërmarrë janë: Bëni pushim. Dëmet më afatgjate shkaktohen nëse nuk i keni dhënë vetes një mundësi për t’u çlodhur. Gjeni pak kohë për të pushuar dhe analizuar më mirë se çka dëshironi të bëni. Riformoni të menduarit negativ. Jo të gjithë mund ta ndërrojnë lehtësisht vendin e punës. E mira do të ishte nëse arrijmë të përqendrohemi në situatën të cilën mund ta kontrollojmë. Mund te menaxhohet p.sh injorimi i thashethemeve apo mendimet e të tjerëve. ”Një nga parimet e terapisë njohëse të sjelljes është se mënyra si mendoni, mund të ndryshojë mënyrën se si ndiheni”. Gjeni arsyet e pakënaqësisë. Mundohuni t’i gjeni rrënjet e pakënaqësisë. Shumica e problemeve kanë zgjidhje. Gjeni ato pakënaqësi, shkruani nga një zgjidhje për secilen prej tyre dhe zhvilloni një plan veprimi. Ruani anën pozitive. Nëse ka gjëra të mira që keni marrë nga një vend pune, fokusohuni aty. Analizojeni çështjen e orarit, pagës, pushimeve, etj. Ndërrojeni punën. Nëse stresi që iu shkaktohet në punë ka filluar të jetë i pakontrollueshëm, shqyrtojeni mundësinë për ta ndërruar atë vend pune.
Lexo më shumë
Sa vlerësohen aftësitë ndërpersonale në punë?
Aftësitë ndërpersonale ndryshe njihen edhe si aftësi të buta, apo aftësi të inteligjencës emocionale. Këto aftësi lidhen me mënyrën se si komunikoni dhe bashëveproni me të tjerët. Aftësitë ndërpersonale janë një nga kriteret kryesore që përdoren për të vlerësuar kandidatët para se të punësohen. Pavarësisht nga lloji i punës që keni, është e rëndësishme të jeni i shoqërueshëm me bashkëpunëtorët dhe kolegët tjerë. Aftësitë ndërpersonale po ashtu njihen edhe si aftësi punësimi. Fjala "punësim" ka lidhje të ngushtë me rëndësinë e aftësive ndërpersonale. Ato janë aq thelbësore, pasi që punëdhënësit kanë pak gjasa të punësojnë kandidatët që nuk i posedojnë këto aftësi. Shumë punë, pavarësisht nga natyra e tyre, kërkojnë të paktën ndërveprim të qëndrueshëm me njerëzit e tjerë. Akademi Pune ju ofron disa nga aftësitë themelore ndërpersonale që ju ndihmojnë para dhe pas punësimit: Menaxhimi i konfliktit Pavarësisht nëse jeni menaxher ose punonjës, ndodh të ballafaqoheni me situata ku keni nevojë të zgjidhni konflikte në një moment të punës tuaj. Kjo mund të përfshijë zgjidhjen e ndonjë mosmarrëveshje ndërmjet dy anëtarëve të stafit, një klienti dhe kompanisë suaj apo edhe ndonjë mosmarrëveshje personale që mund të keni me ndonjë koleg. Te manaxhimi i konfliktit bëjnë pjesë aftësitë si: Zgjidhja e konfliktit Kritika konstruktive Këshillimi Ndërmjetësimi Udhëheqja Edhe nëse nuk jeni menaxher, është e rëndësishme të keni përvojë dhe aftësi udhëheqëse. Udhëheqja kërkon të jeni në gjendje të motivoni dhe inkurajoni të tjerët, si dhe të ndihmoni ekipin tuaj në arritjen e sukseseve. Në kuadër të udhëheqjes hyjnë aftësi si: Inkurajimi Motivimi Menaxhimi Empatia Pjesë e rëndësishme e të qenurit menaxher, punonjës dhe koleg i mirë është aftësia e kuptimit dhe shfaqjes së empatisë për të tjerët. Në empati bëjnë pjesë:   Mirësjellja Durimi Respekti Ndjeshmëria Komunikimi Një nga aftësitë më të rëndësishme ndërpersonale në çdo vend pune është komunikimi. Pavarësisht nëse punoni në IT, shërbim ndaj klientit apo ndonjë industri tjetër, do të duhet të jeni në gjendje të komunikoni qartë dhe në mënyrë efektive me të tjerët përmes komunikimeve me gojë dhe me shkrim. Te aftësitë komunikuese bëjnë pjesë: Komunikimi verbal Të folurit publik Komunikimi jo-verbal Puna në grup Edhe nëse puna juaj përfshin më shumë punë të pavarur, prap se prap duhet të jeni në gjendje të bashkëpunoni me të tjerët. Si pjesë e punës në grup hyjnë: Bashkëpunimi Ndërtimi i ekipit Shkëmbimi i ideve
Lexo më shumë
Tiparet që kanë punonjësit e dalluar
Të gjithë e kemi një koleg në punë që është më i dalluar, më energjik, më i motivuar si dhe që posedon tipare që e veçojnë nga të tjerët. Në një studim të realizuar me anë të një pyetësori u intervistuan më shumë se 500 udhëheqës biznesi, të cilët u pyetën se si e dallojnë një punonjës nga të tjerët. Hulumtuesit kërkuan ta dinë pse disa njerëz janë më të suksesshëm se të tjerët në vendin e punës. Përgjigjet ishin mjaft befasuese pasi udhëheqësit zgjodhën “personalitetin” si arsyen kryesore.Posaçërisht, 78% e udhëheqësve theksuan se personaliteti është mënyra që veçon punonjësit e dalluar, shifër kjo më e lartë se sa përshtatja kulturore me 53% si dhe më e lartë se sa shkathtësitë e punonjësit 39%. Personaliteti përbëhet nga një sërë preferencash dhe prirjesh të qëndrueshme, e që janë faktorë mjaft të rëndësishëm pasi paraqesin mënyrën e qasjes sonë karshi botës.Tiparet e personalitetit formohen në një moshë të re dhe zhvillohen në fazat e para të moshës madhore. Gjatë jetës suaj ju pësoni shumë ndryshime, mirëpo personaliteti nuk është njëra prej tyre. Akademi Pune ju sjell disa nga tiparet që kanë punonjësit e dalluar: Gjithmonë kërkojnë më shumë Punonjësit e dalluar kanë bindjet e tyre se gjithmonë mund të arrijnë rezultate më të mira. Pavarësisht rezultateve pozitive që i arrijnë, punonjësit e dalluar janë të uritur për përmirësim, pasi që kanë mentalitetin fitues dhe bindjen se kësisoj kanë arritje më të mëdha si personale ashtu edhe profesionale. I menaxhojnë me qetësi mosmarrëveshjet Ata reagojnë me maturi në raste mosmarrëveshjesh me kolegët në punë. Gjithashtu vetëpërmbahen përderisa sqarojnë pikëpamjet dhe idetë e tyre. Nuk reagojnë me vrull në rast se ndihen të rrezikuar, i evitojnë pengesat me lehtësi pasi që në mendjen e tyre kanë qëllime të mëdha. Kontrollojnë egon e tyre Punonjësit në fjalë nuk i kushtojnë shumë rëndësi egos së tyre, sidomos kur është fjala për përmirësimin e punës në grup. Ata janë në gjendje ta pranojnë gabimin si dhe të gatshëm ta vazhdojnë punën duke përkrahur idenë e tjetrit. Kësisoj, ruhet edhe harmonia brenda ekipit të punës. Janë të përgjegjshëm Tipari që e veçon një punonjës të dalluar është marrja e përgjegjësisë kur është nevoja. Ata e zotërojnë punën e tyre, vendimet e tyre, si dhe marrin përgjegjësi për rezultatet e punës së tyre, qoftë ato pozitive apo negative. Janë të guximshëm Pa dyshim se një punonjësi të dalluar nuk mund t’i mungojë guximi dhe vetëbesimi. Punonjësit e dalluar nuk hezitojnë t’i shprehin mendimet e tyre, të bëjnë pyetje apo edhe ta sfidojnë ndonjë vendim të marrë nga anëtarët e tjerë. Kësisoj, ata tregojnë se sa të guximshëm janë dhe se janë të gatshëm që në të ardhmen të marrin vendime të rëndësishme për kompaninë.
Lexo më shumë
A KANË PËRPARËSI NË TREG TË PUNËS NJERËZIT QË NJOHIN GJUHË TË HUAJA?
"Sa më shumë gjuhë që njeh, aq më shumë njerëz vlen" Përfshirja në tregun e punës, përveç që është sfidë dhe përgjegjësi, konsiderohet edhe privilegj e dëshirë për t’u kyçur në një profesion të caktuar. Përpos arsimimit cilësor dhe përgatitjes se nevojshme profesionale, edhe njohja e gjuhëve të huaja ka një rëndësi të posaçme në sistemimin e një kandidati në një vend të caktuar të punës. Njohja e gjuhëve të huaja, e sidomos e gjuhëve më të rralla, mund të cilësohet si përparësi. Pos pozitave që domosdoshmërisht kërkojnë njohuri të një gjuhe të caktuar, shpesh mund të hasim edhe në konkurse të punës në të cilat preferohet apo ka përparësi edhe njohja e gjuhëve të tjera, që kryesisht lidhen me veprimtarinë e asaj kompanie. Kjo zakonisht haset në industritë ku dominojnë organizatat apo mekanizmat e huaj që ushtrojnë veprimtari konkrete në Kosovë. Prandaj, në shumicën e rasteve zotërimi i një apo disa gjuhëve të huaja cilësohet si avantazh, varësisht prej pozitës në të cilën aplikohet. Shumica e punëdhënësve janë të interesuar të punësojnë kandidatë që përveç se kanë një bagazh të pasur profesional, kanë edhe njohuri të gjuhëve të ndryshme të cilat e favorizojnë atë për një pozitë të caktuar. Në një intervistë për KosovaJob, bashkëthemeluesja e shkollës së gjuhëve të huaja Britannica-ELT, Nasire Bala-Rizaj, foli për rëndësinë që kanë gjuhët e huaja në përgjithësi. Ajo tha se edhe në Kosovë si në çdo vend tjetër të botës, njohja e një apo më shumë gjuhëve të huaja është përparësi për secilin individ, si në rrafshin e punësimit ashtu edhe të ngritjes së karrierës profesionale. “Nga përvoja dhe ekspertiza ime shumëvjeçare mendoj se të mësuarit e një gjuhe të huaj është një vlerë e shtuar për CV-në e secilit person. Pa dyshim se gjuhët e huaja i hapin më lehtë dyert e punësimit në profesionin e dëshiruar, kudo në kompani, në organizata e në institucione që i përshtaten profesionit dhe specializimit përkatës. Ekonomia bashkëkohore e tregut të lirë dhe qarkullimi intensiv i mallrave, dijes dhe njerëzve e ka determinuar pothuaj si domosdo njohjen e gjuhëve të huaja për një punësim dinjitoz. Kontaktet me popujt tjerë janë bërë të përditshme në çdo fushë të jetës, andaj këtu edhe e shoh elementin kyç të ndërlidhjes së gjuhëve të huaja me punësimin në Kosovë”, ka thënë ajo. Ndonëse gjuha angleze dominon gjithandej në botë, ajo theksoi se në Kosovë rrethanat aktuale bëjnë që pas gjuhës angleze, mësimi i gjuhës gjermane të jetë shumë i kërkuar. Bala-Rizaj shtoi se edhe njohja e njërës prej gjuhëve të popujve të Ballkanit Perëndimor është e preferueshme duke qenë se Kosova është pjesë e Gadishullit Ballkanik. “Natyrisht, gjuha angleze sot është gjuhë dominante në mbarë globin por në rrethanat aktuale në Kosovë, mësimi i gjuhës gjermane është bërë shumë i kërkuar. Edhe gjuhët tjera, si frëngjishtja dhe italishtja janë shumë të rëndësishme, sidomos për ata që karrierën profesionale e kanë drejtuar nga fusha e kulturologjisë. Megjithatë, mos të harrojmë se ne jemi pjesë e Gadishullit Ballkanik dhe njohja e njërës prej gjuhëve të popujve të Ballkanit Perëndimor është mjaftë i preferuar”, ka thënë ajo. Bala-Rizaj nuk mendon që niveli i njohurive të gjuhëve të huaja në Kosovë është i ulët, kjo sepse sipas saj të rinjtë tashmë e kanë kuptuar rëndësinë që kanë gjuhët e huaja e kësaj pozivisht i ndikon edhe përdorimi i teknologjisë dhe rrjeteve sociale.  Pavarësisht kësaj, ajo konsideron se  ka akoma nevojë për më shumë avancim në këtë drejtim ngase secili profesion e ka natyrën e vet të gjuhës përkatëse. E krejt në fund, Bala-Rizaj vuri theksin edhe tek njohja e mirëfilltë e gjuhës amtare. Ajo tha se pa njohje të mirë të gramatikës dhe drejtshkrimit të gjuhës shqipe, është vështirë të arrihet nivel i lartë i mësimit të gjuhëve së huaja. “Për njohje sa më të avancuar të cilësdo gjuhë të huaj nevojitet njohja po ashtu e avancuar edhe e gjuhës amtare, të cilit aspekt kryesisht nuk i kushtohet vëmendje e mjaftueshme. Sot më shumë çmohet njohja e gjuhës së shkruar sesa e komunikimit verbal dhe pa njohje të mirëfilltë të gramatikës dhe drejtshkrimit të gjuhës shqipe, vështirë se do të arrihet niveli i lartë i mësimit të gjuhës së huaj”, ka thënë ajo. Në Tetor të vitit 2015, Britannica- ELT lansoi testimin online të nivelit të gjuhës angleze në Kosovë. Në një periudhë prej 7 ditësh, më shumë se 5400 nga 7867 persona arritën të përfundojnë me sukses testin duke plotësuar të gjitha pyetjet. Statistikat treguan se niveli i përgjithshëm është B2 apo Upper Intermediate dhe B1+ apo Intermediate. Për këtë testim, interesim më i madh u vërejt nga mosha 18-24 vjeç ndërsa sa i përket gjinisë statistikat treguan se për një nivel të vogël femrat kanë pasur rezultate më të mira se meshkujt.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.