Sa ka rëndësi në punësim posedimi i një profili në LinkedIn?

28 Feb, 2020

Sa ka rëndësi në punësim posedimi i një profili në LinkedIn?
	 	 

LinkedIn është një rrjet profesional i mediave sociale, ku përdoruesit krijojnë profile që theksojnë përvojën e tanishme dhe të mëparshme të punës. LinkedIn po ashtu ju mundëson të shpërndani informata në lidhje me punë me përdorues të tjerë, si dhe të keni një listë online të kontaktuesve tjerë. A e dini se LinkedIn, si platformë ekziston më përpara se Facebook, Twitter, Snapchat dhe Instagram? Kohëve të fundit LinkedIn ka një shpërndarje të madhe me mbi 500 milion përdorues në mbarë botën.

Profili juaj në LinkedIn është aspekt shumë i rëndësishëm se si paraqiteni online. Ju mund ta përdorni atë për t'u lidhur me njerëzit në rrjetin tuaj. Rekrutuesit shpesh e përdorin atë për t'ju gjetur kur janë duke kërkuar kandidatë potencial që i përgjigjen kërkesave të një kompanie të caktuar.

Profili juaj përfshin detaje në lidhje me kualifikimet tuaja të punës, historinë e punësimit, arsimin, aftësitë dhe përvojën. Për të përfituar sa më shumë nga LinkedIn, është e rëndësishme të bëni profilin tuaj të LinkedIn sa më gjithëpërfshirës dhe bindës.
Nëse doni që profili juaj në LinkedIn të duket sa më profesional dhe i përditësuar, është mirë që t’i ndjekni këto rregulla:

1. Shkruani një profil gjithëpërfshirës

Nëse ende nuk keni krijuar një profil, atëherë është koha ta bëni një gjë të tillë. Është e rëndësishme që profili juaj të jetë i kompletuar, i detajuar mirë dhe i lexueshëm. Ju duhet ta konsideroni profilin tuaj të LinkedIn si një CV tuaj online. Profili duhet të ketë të gjitha informatat e ngjajshme që i keni të shkruara në CV-në tuaj.

2. Theksoni përvojën tuaj në përmbledhje

Te pjesa e përmbledhjes së profilit tuaj është një mënyrë e shkëlqyeshme për të theksuar atë që ju bënë unik dhe të domosdoshëm për tregun e punës. Mos harroni titullin, pasi është në krye të faqes kur dikush shikon profilin tuaj. Po ashtu, është e rëndësishme të përmendni çertifikatat profesionale që i keni marrë nga trajnimet paraprake, aftësitë gjuhësore ose arritjet kryesore.
Sa më profesional të jetë profili juaj, aq më shumë shtohen gjasat që të kontaktoheni nga ndonjë rekruter apo kompani serioze.

3. Shfaqni aftësitë tuaja

Profili juaj ka gjasa më të mëdha të shikohet nëse aty përfshihen aftësitë tuaja. Përqendrohuni në aftësitë që nxjerrin në pah asetet tuaja më të forta dhe që janë më të rëndësishme për qëllimet tuaja të karrierës. Këtë mund ta bëni duke lexuar përshkrimet tuaja të kaluara të punës, ose duke hulumtuar përshkrimet e vendeve të punës që ju kërkoni. Po ashtu, mund të përfshini ndonjë fjalë kyçe që përshkruan aftësitë dhe përvojën tuaj.

4. Kërkoni rekomandime

Rekomandimet nga njerëzit me të cilët keni punuar kanë shumë peshë. Një mënyrë për të marrë rekomandime është që edhe ju t'i jepni ato. Kur ju rekomandoni një anëtar të LinkedIn, ju po dëshmoni për kualifikimet e tyre dhe njerëzit pëlqejnë të rekomandohen. Prandaj nëse ju rekomandoni të tjerët, mundësitë janë të mëdha që edhe ata t’ju rekomandojnë. /Akademi Pune

Fillo Kuizin
Testojeni veten, mësoni më shumë dhe argëtohuni në të njejtën kohë nëpërmjet kuizeve që ofrojmë ne për ju.
  • Cila është përgatitja që duhet të bëni para një takimi?
    A
    Përgatitni pikat kryesore, rezervoni sallë, ftoni njerëzit e rëndësishëm
    B
    Përdorni blogje, posta elektronike, forume
    C
    Siguroheni që të mbulohen të gjitha pikat/çështjet kryesore
    D
    Siguroni shumë informacione
  • Si udhëhiqet një takim?
    A
    Duke përdorur një agjendë takimesh dhe duke pasur një udhëheqës
    B
    Në një sallë mbledhjesh shqyrtohet nëse çdo gjë është mirë
    C
    Duke përdour pajisje teknologjike
  • Si mund të fillojë një mbledhje jo shumë formale?
    A
    Duke organizuar dhe mbajtur saktë agjendën
    B
    Duke pirë kafe dhe diskutuar pikat kryesore të takimit
    C
    Duke bërë pyetje rreth takimit
  • Është e rëndësishme t’iu përmbaheni pikave të veprimit në një takim sepse:
    A
    Besimi dhe motivimi prishen e askush nuk i merr seriozisht mbledhjet
    B
    Lodheni shumë dhe nuk jeni produktiv
    C
    Sepse në mbledhjet e tjera, jepni vetëm justifikime
  • Si mund ta zgjidhni problemin e të qenurit shumë të heshtur në mbledhje?
    A
    Uluni në qetësi
    B
    Thoni diçka si “duhet të konsiderojmë se”
    C
    Kujtoni rastet kur keni qenë të suksesshëm
  • Na duhet të________takimin, sepse nuk na premton koha.
    A
    Përmbledhim
    B
    Adresojmë
    C
    Shtyjmë
  • Nëse keni një ______ju lutemi prisni derisa Genci të ketë mbaruar së foluri.
    A
    Dëshirë
    B
    Koment
    C
    Formalitet
  • Do të _______ pasi që të gjithë anëtarët e bordit të gjejnë një vend për t’u ulur.
    A
    Verifikoj
    B
    Filloj
    C
    Analizoj
  • Meqenëse të gjithë ishin kaq _______ ne ishim në gjendje ta përfundonim mbledhjen herët.
    A
    Të përpiktë në orar
    B
    Të fshehtë
    C
    Pjesëmarrës
  • Anëtarët e bordit nuk mund të arrinin një _______ kështu që u desh të mbahej votim.
    A
    Ankesë
    B
    Takim
    C
    Marrëveshje
1
/
10
ARTIKUJ TË NGJASHËM
Si ta organizoni më mirë tavolinën tuaj në punë?
Tavolina juaj e zyrës është një pasqyrim i personalitetit dhe zakoneve tuaja. Disa hapësira pune mund të jenë të thjeshta dhe të rregullta, disa tjera shumëngjyrëshe dhe të personalizuara. Ka edhe nga ato që janë shumë të rrëmujshme. Po ju, si e organizoni tavolinën tuaj të punës? Një tavolinë e organizuar jo vetëm që do të duket më tërheqëse, por do t'ju motivojë të shkoni në punë sepse nuk do të keni nevojë të pastroni grumbuj letrash dhe hedhurina. Pavarësisht nga preferencat ose prirjet tuaja, vendi juaj i punës duhet të jetë i organizuar, në mënyrë që menaxhimi i kohës të jetë sa më i lehtë, si dhe të shtohet produktiviteti. Ju kaloni një kohë bukur të madhe në zyrën tuaj, pradaj ja vlen t'i kushtoni rëndësi organizimit të tavolinës suaj të punës. Nëse jeni të mbingarkuar shpesh nga skedarët çrregullues, grumbujt e dokumenteve dhe çrregullimet e përgjithshme, tani është momenti i duhur të veproni në lidhje me menaxhimin e kohës dhe hapësirës në punë. Krijoni hapësirën personaleKa gjëra që i merrni në punë çdo ditë, e që duhet t'i vendosni diku. Sidoqoftë, në vend që të hedhni kudo çantën, portofolin, telefonin ose çelësat në tavolinën tuaj, caktoni një zonë specifike për ato që të mos sjellin rrëmujë. Gjithashtu, kurdo që të jetë e mundur, mbajeni telefonin tuaj diku ku nuk e shihni dhe kësisoj nuk do të keni shpërqendrime që pengojnë punën tuaj. Përdorni pajisjet dixhitale Letra është akoma fajtori më i madh i hapësirave të punës së rrëmujshme. Nëse nuk e keni bër këtë akoma, listoni detyrat që keni në kompjuterin tuaj dhe sinkronizoni ato me telefonin tuaj për qasje më të lehtë. Përmes pajisjeve dixhitale ju mund të vendosni njoftime për takime dhe detyra që keni përgjatë ditës apo javës. Ruani hapësirën Kur keni nevojë për të nënshkruar ose dërguar shkresa, por nuk keni hapësirë të mjaftueshme, kjo situatë mund të shkaktoj stres. Caktoni një pjesë të tavolinës suaj si zonë të lirë dhe mos e ngarkoni atë me gjëra shtesë. Nëse hapësira e ruajtjes është e kufizuar, bëhuni kreativ! Një dollap apo raft, ju mundëson të ruani pajisjet shtesë pa zënë shumë hapësirë. Ndani detyrat tuaja Shpesh kemi dëgjuar për shprehjen “multitasking” që do të thotë kryerja e dy ose më shumë obligimeve në të njëjtën kohë, mirëpo për menaxhim më të mirë të kohës preferohet që të ndani detyrat sipas rëndësisë së tyre. Përfundoni detyrat para se ato të grumbullohen Një rregull për të shmangur zvarritjen është t'i kryeni detyrat që keni në afat të caktuar. Përfundoni projektin/detyrën sa më shpejt që të jetë e mundur, kësisoj nuk do ta ngarkoni veten me stres që nuk e keni përfunduar ende atë detyrë ose projekt. Duke vepruar kësisoj, do të keni kohë të mjaftueshme për obligimet që keni në vijim. Renditini gjërat sipas rëndësisë Mënyra më e mirë për të renditur gjërat është nga rëndësia e tyre. Pyesni veten sa shpesh e përdorni ose keni nevojë për një pajisje të caktuar para se ta zhvendosni atë diku tjetër. Nëse keni ndonjë pajisje afër jush që nuk e shfrytëzoni, vendoseni atë në një hapësirë më pak të qasshme. Pse është e nevojshme ta organizoni tavolinën e punës? Një hapësirë pune e organizuar nuk është një kursimtar magjik i kohës, por ju ndihmon të bëheni më efikas në punë, sepse e dini se ku është gjithçka. Gjithashtu, një tavolinë e organizuar mirë ndihmon në krijimin e energjisë pozitive që mund të përhapet në entuziazmin tuaj për detyrat e përditshme./AkademiPune
Lexo më shumë
Këto janë profesionet e duhura për njerëzit që e duan udhëtimin
Nëse jeni prej atyre njerëzve që kanë shumë dëshirë të udhëtojnë dhe të mos rrinë duke punuar vetëm në zyrë, atëherë ka shumë profesione të cilat mund t’ua mundësojnë këtë. Që të krijoni karrierë dhe në të njejten kohë të eksploroni edhe botën, ju duhet të zgjedhni një profesion i cili ua obligon udhëtimin. Sipas Zyrës Amerikane të Statistikave të Punës, në vitin 2015, 24% e të punësuarve kanë kryer një pjesë ose të gjithë punën e tyre nga shtëpia dhe kanë pasur mundësi të udhëtojnë si pjesë e punës. KosovaJob ka krijuar një listë me vendet e punës të cilat ua mundësojnë të udhëtoni gjersa punoni, në të njëjten kohë t’i shijoni edhe aventurat gjatë rrugëtimit. 1. Stjuardesë Një ndër punët më të mira nëse dëshironi të udhëtoni është të bëheni një stjuardesë. Puna si stjuardesë nuk është gjithmonë e lehtë dhe e rehatshme. Ndonjëherë kërkohet të qëndroni në këmbë për periudha të gjata kohore mirëpo si shpërblim i punës suaj, ju do të mund të fitoni shumë fluturime falas ose me zbritje për ju dhe anëtarët e afërt të familjes, si dhe mundësinë për të vizituar vende të bukura në të gjithë botën. 2. Agjent udhëtimesh Agjentët e udhëtimit janë ekspertë në industrinë e tyre dhe lehtësisht mund t'i shpjegojnë një klienti nëse një hotel apo lokal i caktuar do të jetë i përshtatshëm për ta. Për të qenë një agjent udhëtimi, duhet të keni përvoja me udhëtime nëpër botë. Për këtë profesion, aftësitë dhe përvoja janë më të vlefshme se niveli i shkollimit. Ju duhet të jeni detajist dhe një komunikues i shkëlqyeshëm për të kuptuar si dhe përmbushur kërkesat e klientit. 3. Agjent i shërbimit me klientë Agjentët e shërbimit me klientë mundohen të ofrojnë shërbime me cilësi të lartë dhe të adresojnë çështjet e ndryshme që klientët mund të hasin. Për të fituar një vend pune në këtë industri, ju duhet të jeni miqësorë dhe të sjellshëm meqenëse do të jeni pika e parë e kontaktit për klientët e pakënaqur. Shkathtësitë e kërkuara për të qenë i suksesshëm si një agjent shërbimi ndaj klientit, përfshijnë shpejtësinë në internet, aftësitë e dëgjimit dhe një sjellje të qetë. 4. Punëtor i ndihmave ndërkombëtare Për të pasur mundësi udhëtimi, konsiderojeni edhe punën si ndihmës në një organizatë ndërkombëtare, siç është Kryqi i Kuq, USAID etj. Duke punuar në të tilla organizata, ju do të mund të vizitoni vendet në të gjithë globin që kanë nevojë të madhe për ndihma gjatë luftërave si dhe pas katastrofave natyrore. Shumë nga këto organizata ofrojnë një pagë të plotë, e gjithashtu edhe strehim. Përvojat në këto punë do t'iu shërbejë shumë kur ceken në CV-të tuaja. Këto punë bëjnë një ndryshim të madh në jetën e  njerëzve dhe japin mundësinë për të parë pjesë të botës ku shumica e njerëzve nuk kanë qasje. 5. Konsulent Kompanitë punësojnë rregullisht konsulentë të cilët mund të ofrojnë informacione dhe këshilla se si të rregullohen problemet që mund të hasen në këto kompani. Shkathtësia kryesore që kërkohet për të punuar në konsultim është të keni njohuri të theksuara në një fushë të veçantë. Klientët shpesh mund të jenë në të gjithë vendin apo në mbarë botën. Udhëtimi është pjesë integrale për këtë punë pasi që marrëdhëniet e ngushta me klientët janë të rëndësishme për mirëmbajtjen e partneriteteve të punës. Kjo punë është një mënyrë ideale për të parë globin dhe për të fituar edhe të ardhura të mira. 6. Au Pair Një ndër punët me të njohura që lidhet me udhëtimin është të qenurit Au Pair. Këto punë janë shumë të zakonshme në vendet si: Franca. Amerika, Australia dhe Zelanda e Re. Nëse jeni të përgjegjshëm dhe të mirë me fëmijët, kjo është një mënyrë e shkëlqyeshme për të parë një vend të huaj. Personat qe punojnë si Au Pair, jetojnë me një familje pritëse në këmbim të kujdesit për fëmijët dhe ndihmojnë fëmijët me detyrat e tyre të shtëpisë ose duke i shoqëruar ata në aktivitetet pas shkollës. Shumë familje pritëse i marrin këta persona edhe në pushime por edhe në evente të ndryshme, në mënyrë që ata të mund të ndihmojnë me fëmijët. 7. Cicëron Imagjinoni sikur lundroni nëpër kanalet e Venecias, Amsterdamit, Hagës, apo të shkoni në xhungël, në vende historike etj, dhe ndani dashurinë për udhëtime me individë të tjerë. Për ta arritur këtë, ju mund të bëheni ciceron dhe të ndani pasionin tuaj me udhëtarët e tjerë. Për këtë punë, duhet të jeni në gjendje të menaxhoni grupe të mëdha njerëzish, të njihni historinë ose edhe të keni njohuri lokale. Shumë ciceronë punojnë individualisht por ka edhe kompani që punësojnë ciceronë për të udhëhequr programet e tyre të udhëtimit. Ngarkesa e punës mund të ndryshojë gjatë gjithë vitit ngase ndonjë sezonë mund të jetë shumë e ngarkuar e ndonjë tjetër jo edhe aq. Kjo është një mundësi e shkëlqyer pune, e kombinuar me udhëtimin dhe njerëzit. 8. Shkrimtar Një nga punët më të mira për të udhëtuar në botë është edhe përshkrimi i udhëtimeve. Si shkrimtar, mund të shihni destinacione të reja të njohura dhe t'i publikoni në blog ose të shkruani artikuj për revista dhe gazeta të ndryshme. Nëse vendosni të bëheni një bloger udhëtimesh, do të mund të udhëtoni dhe të punoni me industri të ndryshme. Nëse jeni një shkrimtar udhëtimesh për blogun tuaj, ju mund t'i ndani përvojat tuaja jashtë vendit dhe të fitoni të ardhura shtesë.
Lexo më shumë
TREGU I PUNËS NË KOSOVË: STUDENTËT E PAPËRGATITUR APO PUNËDHËNËSIT SHUMËKËRKUES?
Përgatitja për treg të punës paraqitet si sfidë në vete. Kjo nuk nënkupton vetëm përgatitje profesionale apo njohuri specifike në një fushë të caktuar por edhe shumë mund e angazhim. Përgatitja për treg të punës fillon qysh në mosha të hershme,  si nxënës  e më vonë edhe si studentë, ngase kjo është koha kur njeriu fillon të pjeket intelektualisht dhe si rrjedhojë të njohë kapacitetet e tij intelektuale në profesione të caktuara. Drejtori i Kolegjit Universum dhe njëkohësisht themeluesi i Shkollës Finlandeze në Kosovë, Alejtin Berisha, në një intervistë për KosovaJob, ka thënë se koncepti i tregut të punës ka evoluar shumë me kohën dhe do të ketë ndryshime edhe më të mëdha në pesë ose dhjetë vitet e ardhshme, prandaj sipas tij është e vështirë të thuhet nëse studentët po përgatitën për treg të punës. “Sot, studenti nuk përgatitet për treg të punës vetëm përmes studimeve formale, gjegjësisht shkollës së mesme ose universitetit. Përgatitja për treg të punës është gjatë gjithë jetës, të mësuarit gjatë gjithë jetës është jashtëzakonisht i rëndësishëm për shkak se për pesë apo dhjetë vite mund të zhduken shumë industri të cilat ne sot i njohim dhe të krijohen industri të reja, prandaj nuk mund të themi që studentët tanë po përgatitën për treg të punës derisa nuk e dimë si do të duket ai treg i punës për 10 vite, 15 vite. Ndërsa, roli i universiteteve është t’i ofrojnë shkathtësitë e transferueshme, shkathtësitë e të mësuarit, të cilat pastaj i mundësojnë studentëve në Kosovë që varësisht prej ndryshimeve në treg të punës, t’i adaptohen më lehtë industrive të reja të cilat vijnë”,  ka thënë ai. Berisha vuri theksin tek një dukuri shumë e rëndësishme me të cilën kohëve të fundit po përballet Kosova, largimi i të rinjve. Ai tha se sot ekzistojnë mundësi punësimi për të rinjtë edhe jashtë Kosovës dhe pa pasur nevojë për t’u larguar nga vendi. “Të rinjtë tanë sot, mund të punojnë për kompani multinacionale që operojnë në Kosovë ose edhe jashtë Kosovës, mund të punojnë në vende të tjera prej këtu, pa shkuar fare atje mirëpo duhet kuptuar diçka, se tregu i punës nuk është veç tregu i punës së Kosovës. Ka shumë diskutime lidhur me atë se rinia po ikën, largimi i trurit është evidente që nuk është diçka e mirë për një vend por sot nuk ka më “gurbet”, sot ka mobilitet të njerëzve. Njerëzit shkojnë punojnë aty ku ofrohen më shumë mundësi për karrierë dhe mendoj që tregu i punës është secili me e pa botën, jo vetëm Kosovën”, ka thënë Berisha. Problemi qëndron tek keq-orientimi i studentëve Të rinjtë në Kosovë kyçen në drejtime të ndryshme universitare por sa janë të vetëdijshëm se çka mund të punojnë me ato drejtime për të cilat studiojnë? Lidhur me këtë çështje, Berisha tha se problemi kryesor në të gjithë sistemin arsimor të Kosovës por edhe në shoqëri qëndron tek keq-orientimi i studentëve. “Problemin kryesor që unë e shoh sot në krejt sistemin arsimor të Kosovës por edhe në përgjithësi në shoqëri është keq orientimi, unë nuk mendoj që sot universitetet ofrojnë studime të dobëta por edhe nëse ato ofrojnë studime të dobëta, hyn në kurse online, hyn në edx dhe merr kurse prej profesorëve më të mirë të botës, pa asnjë cent. Sot, nuk e ka universiteti monopolin e dijes ose monopolin e përgatitjes së studentëve për treg të punës, kështu që sot t’i fajësojmë universitetet nuk kemi të drejtë më, për çka duhet t’i fajësojmë edhe unviersitetet, edhe institucionet publike, edhe shoqërinë, është orientimi ose gjegjësisht keq-orientimi. Ne, shumë pak flasim sot për atë se çka kërkohet në treg të punës, se cilat janë ato industri që kanë potencial më të madh dhe çka duhet një i ri të bëjë me vetëvetën për t’i arritur majat e karrierës, ky është problemi kryesor dhe këtë nuk e bëjnë shumica e institucioneve”. Ai shtoi se problem tjetër është se njerëzit në Kosovë kryesisht dëshirojnë të fokusohen në sektorin publik sepse ekziston bindja që aty ka paga më të larta dhe nuk ka shumëpunë mirëpo kjo nuk është ajo çka duhet aspiruar.  Për ta pasur me të lehtë kyçjen në tregun e punës që mbizotëron sot, Berisha tha se një i sapodiplomuar duhet të zotërojë të ashtuquajturat shkathtësitë e transferueshme dhe ato profesionale. Sipas tij, nuk mund të ecet tutje në karrierë në rast se nuk ka njohuri të komunikimit, verbal dhe të shkruar. Ndër aftësitë e tjera, ai përmendi edhe kreativitetin, mendimin kritik dhe shpirtin ndërmarrës. “Kur them mendimi kritik, nuk nënkuptoj me kritiku në Facebook por me pasë qasje ndryshe ndaj gjërave. Për mua është shumë me rëndësi edhe shpirti ndërmarrës. Secili i ri mendoj që duhet të ketë shpirt ndërmarrës, nuk është e domosdosshme që ne të bëhemi të gjithë ndërmarrës sepse nuk mund të bëhemi por nëse kemi shpirt ndërmarrës, qoftë nëse punojmë në institucione publike, qoftë në private, ne do të anojmë më tepër kah zgjidhja se sa kah problemet, do ta shohim shumë më tepër gotën gjysëm të plotë, se sa gjysëm të zbazur”. IT-ja, Marketingu Digjital, Dizajni dhe Kontabiliteti janë industritë e së ardhmës Tregu i punës kërkon shumë profesione por disa prej tyre kanë potencial më të madh. Në mesin e tyre, Berisha thotë se hyjnë IT, marketingu digjital, dizajni por edhe kontabiliteti. “E para është IT normalisht, ka pashterrshëm. Sot, edhe nëse janë 100 mijë inxhinierë të kualifikuar, nesër mund të hyjnë në punë, që të gjithë. Kjo nuk do të thotë vetëm për kompanitë kosovare por edhe për kompanitë e huaja. E dyta, në përgjithësi janë industritë kreative, të lidhura me dizajn, me marketing digjital po edhe me kontabilitet. Këto janë industritë që kanë potencial të absorbojnë më mijëra vende të reja të punës, në të ardhmen”. Studentët dhe punëdhënësit kanë pritshmëri të larta në treg të punës Shkalla e papunësisë tek të rinjtë në Kosovë vazhdon të jetë e lartë. Berisha theksoi se pritshmëritë e studentëve por edhe të punëdhënësve janë shumë të mëdha në treg të punës. Sipas tij, kompanitë presin që një i ri, i sapodiplomuar, t’i sjellë miliona profit një kompanie ndërsa investimi e përkushtimi i këtyre kompanive është shumë i ulët.  Krahas kësaj, edhe të rinjtë nuk punojnë sa duhet dhe nuk po mësohen t’i marrin përgjegjësitë mbi veten. Krejt në fund, Berisha nënvizoi se në Kosovë diskutohet shumë për sigurinë në punë, për përfitimet e punëtorëve që patjetër se janë të rëndësishme por sipas tij në këtë vend akoma nuk janë plotësuar kushtet e tjera në mënyrë që të mund të diskutohen këto gjëra. “ Në një vend ku papunësia tek të rinjtë është 55%, diskutimi mbi të drejtat e njeriut e të drejtat e punëtorëve mendoj që nuk është sendi më i rëndësishëm. Për mua, shkelje më të madhe të të drejtave të njeriut se sa të mos ketë mundësi për një vend pune, nuk ka. Kështu që, nëse ne i kemi të papunë 55 perqind të të rinjve, nën moshën 34 vjeçare, ky duhet të jetë preokupimi ynë kryesor, kjo është shkelja kryesore e të drejtave të punëtorëve dhe të drejtave të njeriut, ne duhet të fokusohemi njëherë në atë se si ta ulim këtë papunësi, pastaj në momentin kur papunësia është e ulët, konkurrenca për njerëz të mirë do t’i nxisë vetë kompanitë të ofrojnë sa më shumë për punëtorët e vet, të ofrojnë kushte sa më të mira, përfitime më të mëdha mirëpo në këtë gjendje është shumë e vështirë”, theksoi Berisha. Alejtin Berisha udhëheq dy institucione arsimore të njohura në Kosovë, Shkollën Finlandeze dhe Kolegjin Universum. Shkolla Finlandeze është shkollë në Prishtinë, e cila mundëson arsimim cilësor në Kosovë duke u bazuar në sistemin e shkollimit finlandez i cili njihet si një ndër sistemet më të mira në botë sa i përket cilësisë së mësimdhënies. Ndërkaq, kolegji Universum është ofrues i arsimit të lartë për studentët kosovarë, atyre nga rajoni apo edhe studentët ndërkombëtarë. Ky i fundit, qysh nga viti 2010 ofron për studentët e vet lëndën “Orientimi në Karrierë”, e cila është e obligueshme dhe shoqërohet me punë praktike ( internship) në mënyrë që studentët të marrin përgjegjësitë për të ardhmen e tyre.
Lexo më shumë
Si të jeni produktivë edhe kur punoni nga shtëpia?
Rrethanat e ndryshme, qofshin ato të njohura apo të papritura, mund të ndikojnë rrjedhën normale të jetës sonë. Si rezultat i këtyre rrethanave, edhe veprimtaria e rregullt e punës ndonjëherë duhet të realizohet jashtë ambientit të punës, çka ndryshe njihet edhe si puna nga shtëpia. Mirëpo, sa efektive është puna nga shtëpia? Në një studim të realizuar kohëve të fundit nga ConnectSolutions, 77% e të anketuarve thanë se janë më produktivë kur punojnë nga distanca, krahasuar me punën në një ambient zyre. Ndërkaq, në një tjetër anketim, 82% e të anketuarve raportuan se ndjeheshin më të lumtur kur punonin nga distanca. Ani pse në vështrim të parë, realizimi i punës nga shtëpia mund të duket edhe si diçka e vështirë dhe shpesh e pamundur, ka edhe shumë mënyra se si punonjësit të jenë të fokusuar dhe mjaft produktiv. AkademiPune, ju sjellë disa këshilla për të lehtësuar përshtatjen tuaj edhe kur punoni nga distanca. Caktoni një orar të rregullt Puna nga shtëpia, vjen me shumë fleksibilitet. Mirëpo, ky fleksibilitet mund të ndikojë negativisht tek produktiviteti i punëtorit. Nëse nuk i caktoni vetes një orar të rregullt edhe kur punoni nga shtëpia, ju mund të përfundoni duke punuar ndoshta gjatë gjithë ditës, t'i përfundoni punët vonë, apo edhe të punoni përsëri gjatë orëve të vona. Prandaj, vendosni se kur do të punoni dhe kur jo. Gjeni një vend të përshtatshëm për të punuar Në mënyrë që të shmangni shpërqëndrimet dhe të jeni produktivë edhe kur punoni nga shtëpia, mundohuni të gjeni një vend të veçantë ku nuk keni komunikim me anëtarët e tjerë të familjes. Nëse nuk e keni një dhomë të veçantë ku nuk ju pengon askush, gjeni një hapësirë ku të paktën mund të jeni më të fokusuar. Mos e zhvendosni vëmendjen në gjëra të tjera Kur nuk mendoni për gjërat e tjera rreth shtëpisë, ju do të mund të përqëndroheni më shumë, kësisoj të rrisni edhe produktivitetin tuaj. Te gjitha detyrat / gjërat e tjera që nuk lidhen me punë, mund t'i përfundoni jashtë orarit të punës, siç do ta bënit zakonisht. Nëse është e mundur, rrini me një orar të rregullt në hapësirën ku keni vendosur të punoni dhe respektoni të njejtat orë, sikur të punonit në zyrë. Sigurohuni që pajisjet e telekomunikimit të jenë në rregull Që të jeni në koordinim me anëtarët e tjerë të ekipit dhe në dispozicion për thirrje me video apo konferenca, kontrolloni vazhdimisht pajisjet e telekomunikimit. Gjithashtu, planifikoni të bisedoni në baza të rregullta me pjesën tjetër të stafit, në mënyrë që të shkëmbeni ide, sepse një gjë e tillë do t’ju mbajë më produktivë. Parandaloni ndërhyrjet Ndonjëherë, miqtë, familjarët apo njerëzit përreth mund të mos e kuptojnë punën nga shtëpia. Prandaj, është shumë e rëndësishme të mos lejoni ndërprerje në punë, sepse ndërprerjet mund të ndikojnë që ju të humbni fokusin, të mbeteni vonë në përfundimin e detyrave apo edhe të keni nevojë për kohë shtesë. Kësisoj, fillimisht informoni njerëzit përreth që jeni në orar të punës dhe keni nevojë për qetësi dhe përqëndrim.  Në fund të ditës, largoni mjetet elektronike Pas një dite pune, largoni pajisjet elektronike që të relaksoheni. Në këtë mënyrë do të jeni produktivë edhe ditën tjetër. /AkademiPune.
Lexo më shumë
KosovaJob është rrjeti më i madh i punësimit në Kosovë, i çertifikuar nga Bureao Veritas me ISO 9001: 2015 për Menaxhimin e Cilësisë.